Nefndarmenn nokkuð skynsamir.

Það var ljóst löngu áður en skýrslan kom út að hún gæti ekkert annað en valdið fjaðrafoki.

Hefði ekkert krassandi verið í henni hefði allt orðið vitlaust yfir því að nefndin skyldi ekki í rannsóknum sínum finna alvarlega misbresti og svik þegar slík mál hafa verið að koma í dagsljósið nánast daglega í heilt ár.

Það verður því að teljast eðlilegt af skynsömum mönnum að viðurkenna staðreyndir og varpa ljósi á þær eins og gert er í skýrslunni fremur en að gera sig samseka um þáttöku í þessari altumlykjandi vanhæfni og sviksemi sem skýrslan fjallar um með því að þykjast ekki finna neitt athugavert í aðdraganda hrunsins eða að reyna að gera lítið úr því í skýrslunni.

Skýrslan kom þjóðinni á óvart

Vitiði hvað er framundan, hér kemur eignarhaldsspá fyrir Arion banka.

Það þarf ekkert að hneykslast á þessu þannig að ég sleppi því. Það er búið að tala um þessi eignatengsl og krosseignatengslu og hagsmunatengsl í mörg ár.

En úr því fjallað er sérstaklega um þetta þá hef ég nýjar fréttir að færa. Óstaðfestar sögur, því þeim er jú alltaf neitað þar til það er orðið of seint, herma að Jón Ásgeir Jóhannesson og Sigurður Einarsson séu að eignast ráðandi hlut í Arion banka. Þeir muni sem sagt verða "nýjir" eigendur að bankanum. Vonandi reka þeir hann með öðru sniði en var með Kaupþing á meðan Sigurður réði þar ferðinni. Vonandi verður þetta traustur banki. En svona spár geta verið ónákvæmar þannig að þetta með rekstrarmódelið er auðvitað mikil óvissa.

Flókin tengsl 816 fyrirtækja

Bregaðst saksóknarar og dómarar þjóðinni líka á næstu 2 dögum?

Það kom fram áðan að stjórnsýslan brást þjóðinni á öllum stigum þannig við að enginn vildi hafa frumkvæði að því að gera neitt til að sinna sínu starfi vel. Menn viku sér undan aðgerðum og ábyrgð með lagakrókum.

Nú er það ljóst að um risastór misferlismál og allskonar svindl er að ræða í aðdraganda hrunsins.

Ætla saksóknarar, sérstakir saksóknarar, lögregluyfirvöld og dómstólar að taka á þessum málum, eða ætla þessir aðilar að bregðast þjóðinni líka með því að gefa ekki út handtökuskipanir og hefja rannsóknir á þessum málum og einstaklingum þeim tengdum nú þegar?
Það var notað áðan á fjölmiðlafundi rannsóknarnefndarinnar, þetta óþolandi orðatiltæki, að menn séu saklausir þar til sekt er sönnuð. Þetta gefur vísbendingu um að engan eigi að handtaka. Þannig er nefndin að senda yfirvöldum skilaboð um að halda áfram að gera ekki neitt. Það er algjörlega ólíðandi.

En það er aldagömul hefð fyrir því að menn eru handteknir og settir í varðhald þegar grunur er á alvarlegum brotum. Svo eru málin rannsökuð og menn dæmdir fyrir brot sín eða sýknaðir af þeim. Þess vegna er það ólíðandi að menn gangi áfram lausir undir þeim formerkjum að menn séu saklausir þar til sekt er sönnuð.

Það gengur ekki eftir birtingu þessarar skýrslu sem varpar góðri sýn á málin að enn verði haldið áfram að gera ekki neitt annað en að víkja sér undan ábyrgð og aðgerðum.

Saksóknarar, sérstakir saksóknarar, lögregluyfirvöld og dómstólar. Þið hafið valdið til að handtaka menn og hefja rannsóknir. Standið nú undir nafni og gerið þetta strax. Ekki stinga hausnum í sandinn og málum undir stól. Ekki snúa út úr hlutverki ykkar með lagaflækjum. Ekki bregðast þjóðinni eins og hinir hafa gert. Þið hafið 2 daga til að sýna að þið séuð störfum ykkar vaxnir. Ef þið takið ekki til hendinni á næstu 2 dögum þá er ekkert mark takandi á embættum ykkar. Þá eruð þið sjálfir búnir að dæma ykkur óhæfa í störf ykkar. Þá má búast við að þjóðfélagið þróist út í algjöra lögleysu á öllum sviðum. Þið berið mikla ábyrgð. Axlið hana. Þið fenguð ekki þessi störf til að setjast í helgan stein við undirritun ráðningarsamnings.

Framhaldið í höndum setts ríkissaksóknara

Þáttur Davíðs.

Það er ljóst að Davíð Oddsson hefur algjöra sérstöðu meðal stjórnmálamanna. Hann ber auðvitað mikla ábyrgð á þróun og einkavæðingu bankakerfisins og afleiðingum þess. En það var nú almenn þáttaka stjórnmálamanna í að móta þessa stefnu og framkvæma hana.

En Davíð sker sig úr hópi annarra stjórnmálamanna að því leytinu til að hann er, eftir því sem hægt er að sýna fram á með gögnum, eini stjórnmálamaður landsins sem fljótlega áttaði sig á að þessi stefnubreyting til algjörs frelsis og víðtækrar einkavæðingar væri hættulegt fyrirbæri sem þyrfti að hafa stjórn á.

Þetta kom m.a. fram þegar hann kallaði Jón Ásgeir Jóhannesson, götustrák, á sínum tíma. Þetta kemur fram þegar farið er í gögn um ummæli hans og álit sem Seðlabankastjóri, á starfsháttum og fjármálum bankanna. Þetta kom fram þegar hann, eftir því sem ótal sinnum hefur verið haldið fram, ýtti undir svokölluð Baugsmál, í því skyni að fá Baugsmenn til að fara að lögum. Fleira í þessum dúr hefur oft verið rakið til Davíðs. Nú hefur það sannast að allt voru þetta réttmætar og nauðsynlegar aðgerðir af hans hálfu. En því miður var við ofurefli heimskunnar að etja og Samfylkinguna í fararbroddi heimskingjanna. Davíð var borinn ofurliði og beygður eða snúinn niður í þessum málum og að lokum nánast borinn út úr Seðlabankanum.

Það eru sennilega mestu mistök stjórnmálasögu seinni tíma á Íslandi að þjóðin og meirihluti þingmanna skyldi úthúða og nánast útskúfa eina manninum sem sá að eitthvað var athugavert við það sem var að gerast í efnhagsmálunum og viðskiptalífinu og reyndi að bregðast við því, jafnvel þó svo hann hafi átt verulegan þátt í að koma á þeirri stefnu sem olli því að svo margt hefur farið úrskeiðis.

Davíð er sérstakur maður og er ekkert að hlaupa í fjölmiðla og segjast hafa gert mistök eða að eitthvað sem hann stóð fyrir sé að klúðrast. Og kannski viðurkennir hann það aldrei að hafa gert nein mistök. En verk hans sanna að hann reyndi að taka á því sem var að fara úrskeiðis. Ég sé hvergi merki um að nokkur annar stjórnmálamaður hafi sýnt slíkt í verki.

Okkar ógæfu varð allt að vopni í þessu, við áttum einn mann sem var nógu greindur til að taka á málum. Við úthúðuðum honum og fögnuðum spilltum heimskingjum í staðinn og settum þá í ábyrgðarstöðurnar.

„Þið tveir getið ekki gert þjóðina gjaldþrota“

Gefum yfirvöldum 2 daga til að gefa út handtökuskipanirnar.

Það er nú þegar komið fram þegar varla er liðinn hálftími frá því rannsóknarnefndin byrjaði að kynna skýrsluna að allir stóru bankarnir lánuðu eigendum sínum langt umfram það sem eðlilegt getur talist. Einnig að eiginfjárgrunnur bankanna var að 3/4 hlutum verulega ofmetinn þar sem hann byggðist meira og minna á lánum bankanna til eigenda sinna og annarra sérvalinna aðila sem stuðlaði að óeðlilegu verði hlutabréfanna og fölsun á verðmati bankanna. Fjölmargt annað í svipuðum dúr virðist vera framundan í þessari kynningu sem yfir stendur núna m.v. hið 20 blaðsíðna efnisyfirlit skýrslunnar, þar með talið meðsekt endurskoðenda bankanna sem pössuðu að raunverulega staða þeirra kæmi ekki fram í ársreikningum. Það er því fullljóst af þessari skýrslu sem ég og fleiri hafa haldið fram í meira en ár að þessir bankar voru svikamylla. Þarna var í raun rekin skipulögð glæpastarfsemi sem þarf að ráðast í að uppræta. Allt það ljóta og hneykslanlega sem við höfum heyrt um útrásarvíkinga og viðskiptahætti þeirra undanfarna mánuði virðist skv. skýrslunni í meginatriðum vera rétt.

Nú ætla ég að hvetja Íslendinga til að halda ró sinni yfir þessu um leið og búið verður að setja alla fyrrum aðstandendur bankanna í gæsluvarðhald, sem hlýtur að gerast í dag eða á morgun ef lögregluyfirvöld, saksóknarar og dómarar eru eitthvað að fylgjast með þessari skýrslu.

Skýrslan staðfestir líka það sem ég og fleiri hafa haldið fram að lagaumgjörð um bankareksturinn var meira til að sýnast en til að veita raunverulegt aðhald. Allt regluverkið þarf að smíða upp á nýtt.

Og svo er það getuleysi stjórnvalda og eftirlitsaðila. Ég er ekki búinn að heyra hvort heldur nefndin rekur það til heimsku eða spillingar, en það kemur sjálfsagt fram síðar í kynningu skýrslunnar.

Ágætu Íslendingar, gefið yfirvöldum 2 daga til að gefa út handtökuskipanir á allt bankagengið. Ef það verður ekki gert er engum vorkunn þó allt verði vitlaust í þjóðfélaginu.

Ör vöxtur bankanna orsökin

Ekki sama Thor og Björgólfur Thor.

Á maður að hlæja eða gráta þegar maður les þessa frétt og ber þetta saman við margumtalað fyrirhugað betligagnver Björgólfs Thors í Reykjanesbæ.

Hvers konar aumingi er Björgólfur Thor eiginlega og samstarfsmenn hans að þurfa skattaafslætti ofan á skítbillega aðstöðu í gömlum kofa frá hernum til að hafa gagnaverið í. Og kannski þurfa þeir eitthvað fleira, allavega var heilmikil pólitísk fyrirgreiðsla komin í gang út af þessu fyrir ekki löngu síðan. Og þeir stöðva framkvæmdir í miðjum klíðum og eru með alls konar skringilegheit og væl til að mjólka peninga og afslætti í þetta frá öðrum. Rétt eins og þegar Landsbankinn var keyptur.

Svo eru einhver eða einhverjir sem enginn þekkir og eru bara byrjaðir með gagnaver í nýju flottu húsi í Hafnarfirði. Og þeir virðist komast í gang með þetta án þess að betla nokkuð af skattgreiðendum. Kaupa sér bara gám með töludóti og tryggja sér rafmagn og nettengingu fyrir gáminn og Bingó!, 1,5 milljarðar í tekjur framundan árlega af einum gámi. Og það er ekkert verið að búa til leikrit um það að það verði að styrkja þetta með öllum ráðum til að tryggja einhver störf og orkusölu. Þetta er bara gert, væntanlega vegna þess að þetta er hagkvæmt rekstrardæmi. Það er með svona mönnum sem hægt er að hressa upp á efnahagslífið á Íslandi aftur, þ.e. ef ríkisstjórnin kemur sér frá völdum og hættir að gera illt verra, hvar sem hún getur. Eins og t.d. í þessu máli þar sem ríkisstjórnin ætlar að styðja við rekstur gjaldþrota betlaranna sem landsmenn þurfa að líða fyrir næstu áratugi en sýnir sjálfbjarga mönnum engan áhuga, virðir þá ekki viðlits þegar þeir mæta til að sýna ráðamönnum hvað þeir eru að gera.

Ég held að Björgólfur Thor og þeir sem hafa raðað sér í kring um hann agndofa yfir viðskiptasnilld hans ættu að fara að vinna fyrir sér og hætti þessum betlibisniss. Það er á útleið núna að bisnissmenn betli, enda ekkert eftir handa þeim að betla lengur. Þeir eru búnir að eyðileggja allt sem þeir hafa getað með hraða engisprettufaraldurs. Þeir eru búnir að fá meira en nóg. Þeir eru búnir að fara svo illa með það sem þeir hafa fengið að það er bara algjört hámark heimskunnar hjá ráðamönnum að gefa þeim meira. Enda er þetta betl bara svikamylla, vel skipulögð fjársvik. Það er búið að kroppa dáldið í toppinn á þeim ísjakanum, í þeim skilningi að það er komið í ljós smávegis af þeim viðskiptaháttum sem þessir menn hafa stundað. Ég vona sannarlega að menn skoði allan jakann. Eftir því sem ég heyri þá er enn eftir að afhjúpa flest verstu málin, þannig að það á margt eftir að koma í ljós, verði á annað borð reynt að upplýsa fleiri mál.

En að lokum, til hamingju aðstandendur Thor Data Center og gangi ykkur vel.

Og ef ríkisstjórnin er svo vitlaus að ætla að fara púkka upp á gagnver Björgólfs Thors og félaga með sértækum aðgerðum og stuðningi þá er það þvílík heimska að ég vona að hver einasti ráðherra sem að slíku stendur muni að lokum komast á sakaskrá fyrir það svínarí.

Thor Data Center gerir raforkusamning

Meiri líkur á að gosið færist yfir í jökulinn.

Miðað við nokkuð stöðuga skjálftavirkni undir Eyjafjallajökli eru vaxandi líkur á að gosið ryðji sér leið upp úr jöklinum með tilheyrandi flóðahættu. Það hlýtur að vera ansi líklegt að stöðugur hristingur undir jöklinum leiði að lokum til þess að leið opnist fyrir gosið upp í jökulinn. Sú heppni sem það hefur verið að þetta gos hefur hingað til flætt í rás undir jöklinum að Fimmvörðuhálsi þar sem það hefur komið upp á yfirborðið er engin trygging fyrir því að svo verði áfram. Það þarf að hafa allan vara á vegna þessa goss. Ef það breytir um farveg og kemur upp í jöklinum geta orðið mikil flóð og mikil hætta sem fylgir þeim.

Það er ekki heppilegt hvað menn eru kærulausir varðandi það að þetta sé bara saklaust túristagos. Það er langt frá síðasta þekkta gosi á þessu svæði og litlar heimildir til að byggja á um hvað getur gerst áður en þessu gosi lýkur.

Virknin í eldgosinu óbreytt

Varla traustvekjandi aðgerðir.

Það er greinilega búið að finna lausnina á skuldavandanum. Sama lausnin er notuð á Íslandi og í Grikklandi. Það eru tekin lán fyrir skuldunum, gefin út skuldabréf sem ekkert er á bakvið. Varla er þetta nú traustvekjandi lausn.

Ég var í Bretlandi í vikunni og hitti marga Breta sem spurðu í vorkunnartón út í ástandið á Íslandi. Það kom nokkuð á óvart hve Bretar virðast fylgjast vel með Íslandi. Almennt langar þá að heimsækja okkur, langar að koma til Íslands. Ísland hefur ennþá ímynd hins hreina og óspillta lands, að frátöldu fjármálakerfinu. Þeir spurðu flestir í forundran af hverju það væri ekkert tekið á þeim sem báru ábyrgð á bönkunum fram að hruni, af hverju þeir gengju lausir og sumir vissu líka að þessir menn hafa verið duglegir að koma sér fyrir í London. Ég svaraði sem rétt er að ríkisstjórnir Íslands og Bretlands virðist bara vilja pönkast á skattgreiðendum til að laga málin, en þeir sem ábyrgð bera eru víst friðhelgir.
Bretar telja raunar flestir, ef marka má þá sem ég ræddi við, að Bretland sé á sömu leið og Ísland í efnahagsmálum. Skuldirnar séu allt of miklar, bankamenn alltof friðhelgir og stjórnmálamenn alltof spilltir. Í Bretlandi er raunar lögð ofuráhersla á að láta sem allt sé í besta lagi af því að kosningar eru framundan í vor. Stjórnin vill víst ekki láta kosningaumræðuna snúast mikið um raunverulegt ástand og horfur. Það er alls staðar sami feluleikurinn og spillingin í pólitíkinni.

Skuldavanda slegið á frest

Væðingar.

Það er búið að margvæða Ísland.

Hommavæðingin (Gay væðingin) eins og þingmaður kallar það er víst af hinu góða. Hún sagði að það væri gott að vera gay á Íslandi í dag. Þannig að við þurfum sem flest að taka þátt í þessari væðingu. Það er inn í dag að koma út úr skápnum, eða þannig. Þessi væðing er enn á útbreiðslustigi og nýtur sívaxandi vinsælda. Ég geri nú ráð fyrir að eins og aðrar öfgar muni þetta samt ganga yfir á nokkrum árum. Vona það allavega.

Græðgisvæðingin er önnur væðing sem var samtvinnuð einkavæðingunni. Þessar væðingar hafa náð hámarki sínu að sinni allavega. Það eru allir búnir að átta sig á að þessar væðingar fóru langt yfir strikið og hafa valdið þjóðinni ómældu fjárhagslegu tjóni, meiru en nokkru sinni hefur áður sést.

Alþjóðavæðingin er líka samtvinnuð einka- og græðgisvæðingunni. Það virðast reyndar fáir sjá samhengið eða heildarmyndina í þessum væðingum. Þess vegna eru sumar þessar væðingar enn taldar góðir kostir þó aðrar þeirra hafi algjörlega floppað. Það er t.d. hluti af alþjóðavæðingunni að Ísland gangi í ESB. Það þykir mörgum álitlegur kostur þó það sé í raun bara næsta skref í alþjóða græðgisvæðingu landsins.

Útrásarvíkingavæðingin, stóriðjuvæðingin og lánavæðing fjármálakerfisins voru líka hluti af þessum efnahagsvæðingum sem hafa algjörlega hrunið til grunna. En samt skal reyna alla afkima þessara væðinga og prófa líka ESB svo öll flóran sé prófuð.

Og þó allar þessar efnahagsvæðingar hafi brugðist þá eru stjórnvöld bísperrt að ljúga að sjálfum sér og þjóðinni að það borgi sig að halda áfram á sömu braut. Þau hugsa eins og dópistar (dópvæðingin) sem vilja prófa nýtt dóp og stærri skammta af öllu þangað til þeir steindrepa sig að lokum. Og þegar þeir átta sig á að það eina sem hefst af dópneyslunni er dauði er oft of seint að snúa til baka. Þannig virðast okkar stjórnvöld vinna. Þau neyða upp á þjóðina allskonar vonlausum væðingum með lygum og blekkingum.

En stjórnvöld hafa aðra skoðun á einni væðingu. Það er kynlífsvæðingin, hana er verið að banna hvar sem glittir í hana. Það þykir ekki góð væðing að fólk geri sér að skemmtun og atvinnuvegi eitthvað sem sumpart er þó hluti af lífinu. Það að körlum finnist gaman að horfa á konur og að konur geti haft tekjur af að láta karla horfa á sig er afar slæmt. Þannig að það er búið að banna það. Vonandi tökum við bráðum upp blæjuskyldu líka. Hún hefur lengi verið við lýði í mörgum löndum múslima og gefist vel. Ég hefði sjálfur ekkert á móti því að sjá þingkonur bera blæju fyrir andliti í þingsal.

Og svo er það jafnréttisvæðingin. Hún er í tísku og er nú komin á það stig að alþingi þykist hafa rétt til að segja sjálfstæðum hjálparsamtökum fyrir verkum um hverja þau megi styðja og hverja þau megi ekki styðja í starfi sínu. Þannig vill alþingi auðvitað ekki líða það að gamalt fólk á Íslandi fari að taka mat frá útlendingum sem hafa komið hingað. Þó alþingi og ríkisstjórn Íslands séu með allt niður um sig í sínum verkum og standi sig hvergi vel nema í að ljúga að landsmönnum, þá mega aðrir ekki forgangsraða til að bæta að einhverju marki fyrir ömurlegt gagnsleysi þessarar ríkisstjórnar sem gerir engum gagn. Svona er nú jafnréttisvæðingin. Það er gott að hafa svona þing og svona stjórn.

Svo að lokum má auðvitað ekki gleyma frelsisvæðingunni. Það er frelsi á öllum sviðum sem virðist helst koma fram í því að stjórnvöld hafa fullkomið frelsi til að stjórna öllu og banna og leyfa hægri vinstri eftir eigin geðþótta. Reyndar virkar þetta þannig í praxís að stjórnin og vinir hennar mega gera það sem þeir vilja, hinum er bannað að gera flest sem þeim dettur í hug.

Þegar þið hafið lesið þetta finnst ykkur þá ekki þessar væðingar stangast dáldið á við hvora aðra? Hvers konar bull þjóðfélag er þetta eiginlega sem er orðið til hér?

Fordæma ákvörðun um mismunun

Furðulegt yfirlæti í Google eigendum.

Það er greinilegt að eigendur Google telja sig hafna yfir lög og reglu eins og oft verður þegar velgengni stígur mönnum til höfuðs. Þeir vilja ekkert fara að Kínverskum lögum, þeir vilja bara starfa þar á sínum forsendum og ætlast til að stjórnvöld í landinu lagi sig að því. Minnir þetta nokkuð á Ísland og útrásina?

Sennilega er þeir orðnir of stórir upp á sig til að lúffa, þannig að niðurstaðan verður sennilega sú að þeir verði reknir frá Kína. Það eru furðulegir viðskiptahættir að láta reka sig þaðan út af heimskulegri sérvisku. Og bendir til að Google stefni í sömu átt og Netscape, Altavista og fjölmargir aðrar sem risu hátt í netheimum. Að endalok Google séu að hefjast. Þegar svona stórt fyrirtæki getur ekki starfað eftir reglum fjölmennasta ríkis í heimi er það ekki góðs viti. Í Kína er tvímælalaust mest vaxandi markaður veraldar á flestum sviðum, líka fyrir Google. Það er því furðulegt að vilja ekki taka þátt í þeim markaði.

Kína varar Google aftur við

Jafn saklausir af þessu og öllu öðru.

Það er ekkert hróflað við þessum bankamönnum og útrásarliði. Og verður ekkert frekar þó tuga eða hundruða milljarða skattsvik bætist við allt hitt sem þeir hafa verið að gera af sér. Þetta eru hvort eð er allt ósannaðar dylgjur sem eru svo fáránlegar að það verður ekkert gert í þessu. Þannig hefur viðhorfið allavega verið hingað til þegar maður talar um að stinga þessu liði í gæsluvarðhald og frysta eignir á meðan málin eru rannsökuð.

Og það er örugglega enginn vilji til þess hjá Jóhönnu að fara að láta þetta lið borga skatta, hún var alveg tilbúin í að borga undir nýtt fyrirtæki hjá Björgólfi Thor fyrir nokkrum mánuðum síðan, og þar innifalið að veita honum góða skattaafslætti. Þetta tal hjá ríkisstjórninni er bara enn eitt moldviðrið til að afsaka að ekkert sé gert, enda eru þau strax farin að skammast yfir því að þetta sé eitthvað sem Sjálfstæðisflokkurinn hafi átt að gera fyrir 4-5 árum síðan. Þau ætla örugglega ekkert að gera annað en að röfla yfir því að Sjálfstæðisflokkurinn hafi ekkert gert. Og ef einhver raunverulegur vilji væri hjá þessari ríkisstjórn til að taka á þessu þá hefðu þau betur velt þessu fyrir sér áður en þau endurreistu bankana í fyrra horf með gömlu eigendurna og gömlu bankamennina innanborðs.

Alveg er þetta órúlega fyrirlitlegt lið sem aldrei getur framkvæmt eins og það talar.

Það er út af þessari endalausu spillingu og bulli sem við verðum nú vitni að á hverjum degi sem Íslendingar verða að krefjast beinnar aðkomu að ákvarðanatöku, beins lýðræðis, svo hægt sé að vinda ofan af spilltum stjórnmálamönnum og vinum þeirra í sínu prívat hagkerfi sem virðist alveg vera fyrir utan lög og reglu.

Hundraða milljarða skattsvik

Jackson gengur betur dauðum en lifandi.

Það er ekki nóg með að dánarbú Jackson hafi verið að gera metsamning með möguleika á ýmsum aukatekjum umfram og meðfram þessum samningi, sem samanlagt fara langt með að greiða upp allar skuldir hans.
Og það er ekki nóg með að hann hafi verið söluhæstur í Bandaríkjunum í fyrra.

Hann seldi þar að auki tvöfalt fleiri plötur í öðrum löndum en í heimalandinu.
Og hann á líka 50% á móti Sony í Elvis Presley, Bob Dylan og Bítlunum ásamt fleiri þekktum tónlistarmönnum. Sú eign er gríðarlegra fjármuna virði.
Og það eru engar áhyggjur af því lengur að hann sé að kássast á óeðlilegan hátt utan í börnum.

Það hefur því aldrei verið eins bjart framundan í tónlistinni og fjármálunum hjá Michael Jackson og núna. Verst fyrir hann að hann skuli ekki vera lifandi lengur til að njóta þess sjálfur. Eina hættan sem að honum getur steðjað nú er að gömlu góðu íslensku útrásarvíkingarnir geri veraldlegum umboðsmönnum hans einhver gylliboð sem gætu snúið við bjartri framtíð eins og hendi sé veifað.

Hér er meira um þetta:
http://finance.yahoo.com/news/Jackson-estate-in-record-deal-apf-3925585719.html?x=0

Michael Jackson slær met

Á sama tíma er þetta plottið í bönkunum.

Á sama tíma og fólk er að verða vitlaust á ástandinu og aðgerðaleysi ríkisstjórnarinnar hafa kvisast út fréttir sem skýra ágætlega þá stefnu sem er í gangi varðandi bankaskuldir heimilanna. Hér er afar athyglisvert blogg frá því 7. febrúar s.l. Það er Dagrún Steinunn Ólafsdóttir sem á þessa færslu. Ég hvet ykkur til að lesa þetta vel.Þegar maður les þetta þá er skiljanlegt að ekkert megi gera til að leiðrétta bankaskuldir vegna húsnæðislána. Nú skilur maður betur þessa bílalánadúsu sem Árni Páll ætlar að nota til að róa lýðinn á meðan bankar láta greipar sópa um heimilin.

http://dagsol.blog.is/blog/dagsol/entry/1015652/

Margir eiga um sárt að binda

Úrelt vinnubrögð.

Vonandi verður eitthvað vit í þessari skýrslu þegar hún fer í dreyfingu.

En ég skil ekki af hverju hún er ekki komin nú þegar í hendurnar á okkur sem erum að bíða eftir henni úr því hún er tilbúin af hálfu rannsóknarnefndarinnar. Af hverju er verið að dunda við að prenta þessa skýrslu? Er verið að tefja málið vísvitandi? Af hverju var skýrslan ekki bara birt í síðustu viku á PDF formi á netinu? Hvaða fornaldar vinnubrögð eru þetta eiginlega? Af hverju er hún ekki bara handskrifuð á kálfskinn fyrst þetta þarf að vera svona gamaldags?

Það hefði verið nóg að prenta þessa skýrslu í 100 eintökum í rólegheitum á fjölritunarstofu með engri leynd og litlum kostnaði eftir birtingu PDF útgáfu af henni á netinu. Það er alveg forkastanlegt hvað menn geta komist upp með úrelt vinnubrögð á kostnað skattgreiðenda.

PDF útgáfa er þar að auki miklu þægilegri þegar um svona stóra skýrslu er að ræða. Miklu auðveldara að leita eftir stikkorðum og ná samhengi hlutanna með nútíma tækni en með því að þurfa að grufla í gegn um haug af pappír.

Ég ætla rétt að vona að skýrslan verði yfirhöfuð birt á PDF formi svo almenningur geti nálgast hana með lítilli fyrirhöfn án þess að fella þurfi fullt af trjám til þess.

Hrunskýrslu beðið

Sýndarmennska.

Það er svo sem til bóta að banna dráttarvexti. En það er nú samt sýndarmennska líka. Því dráttarvextir eru bara lítið eitt hærri en samanlagðir samningsvextir og verðbætur í flestum tilvikum. Þeir endurspegla bara hátt vaxtastig. í raun jafngildir dráttarvaxtabann ca. 2-3% vaxtalækkun á lánum í vanskilum. Lánin munu eftir sem áður bera verðbætur og samningsbundna okurvexti. Þar liggur hinn raunverulegi vandi í kerfinu. Ef það á að gera alvöru umbætur á þessu vaxtaumhverfi þarf að afnema verðtrygginguna og setja þak á leyfða nafnvexti.
Og ef það er verið að hugsa um þetta sem sértækar aðgerðir til að rétta hag skuldara í því umhverfi sem hér ríkir í dag er þetta algjört lýðskrum. Í því efni er ekki hægt að bjóða minna en að lánin séu niðurreiknuð til samræmis við yfirtökuverð bankanna á þeim.

Vilja banna dráttarvexti