Ágætt að til eru menn sem standast tískubylgjur.

Ég verð nú að segja að ég ber virðingu fyrir mönnum eins Jenis af Rana sem standast það að fallast á hina síútrbreiddari skoðun á hjónaböndum samkynhneigðra, að þau séu hið besta mál. Ég held að sú skoðun sé bara tískubylgja sem gengur yfir á nokkrum áratugum.

Samkynhneigð hefur auðvitað verið til í þúsundir ára og verið látið gott heita að fólk skemmti sér með þeim hætti. En það er alveg nýtilkomið að fara að rugla í þessu með hjónaböndum og giftingum samkynhneigðra.

Í gamla daga vissu menn að hjónabönd samkynhneigðra eru alls ekki til þess fallin að fjölga mannkyninu. En kynlíf er hins vegar til þess ætlað að fjölga mannkyninu. Þess vegna voru menn skynsamir í gamla daga og skildu það vel að samkynhneigð gat aldrei verið annað en dægradvöl og skemmtum.

Svo þegar það er haft í huga að hjónabandið er grundvöllur fjölskyldunnar og rammi um t.d. kynlíf fólks sem stofnar til fjölskyldu með það m.a. að markmiði að fjölga í fjölskyldunni með þeim tækjum sem náttúran eða guð hannaði, kynfærum karls og konu, þá sést líka vel að hjónabönd samkynhneigðra eru ekkert að passa í þessa uppskrift.

En nú eru þessi hjónabönd samkynhneigðra sem sagt í tísku á Íslandi og eitthvað víðar þó furðulegt sé. En ekki eru þau komin í tísku í Færeyjum ennþá. Ég held það sé bara besta mál að þeir sem hafa aðra skoðun en þá sem fylgir tískunni hér fái að hafa hana og fara eftir sannfæringu sinni.

Gegn vilja Guðs

Villandi fyrirsögn.

Af hverju er því slegið upp í fyrirsögn að dragi úr halla ríkissjóðs?
Aðalatriðið í fréttinni er að skuldir ríkissjóðs eru að stóraukast, bæði í krónum og sem hlutfall af landsframleiðslu.

Ríkissjóður Íslands er kominn á hausinn. Af hverju er reynt að telja okkur trú um að það skipti máli að hallinn sé að minnka. Núna skiptir það engu máli, skuldirnar eru svo miklar að hallinn getur ekki horfið. Það getur ekki orðið afgangur af rekstri ríkissjóðs vegna þess að skuldirnar eru nú þegar svo miklar að það er ekki hægt að greiða til baka vextina af þeim, hvað þá að greiða niður höfuðstólinn. Þess vegna skiptir það engu máli hvort hallinn er að minnka aðeins eða aukast. Skuldinar eru orðnar óviðráðanlegar og eru að stóraukast. Það er eina fréttin sem skiptir máli í þessu. Það væri gaman að fréttamenn reyndu að athuga hvað ríkisstjórnin hyggst gera í því.

Dregur úr halla ríkissjóðs

Þvæla er þetta.

Síðan hvenær er Kanada í hitabeltinu? Hitabeltisstormar eru bara í hitabeltinu, þeir eru ekki í Kanada. Ef þessi lægð kemur til Íslands eins og búast má við verður þá hitabeltisstormur á Íslandi? Verður Ísland þá í hitabeltinu? Það held ég að hlegið verði að Íslendingum út um allan heim ef þeir reyna að halda því fram að Iceland sé í hitabeltinu.

Reynið nú fjölmiðlamenn að gæta að því að það sé glóra í því sem þið skrifið, ekki klikka á svona basic kunnáttu í landafræði. Kallið þetta lægð eða leyfar af fellibyl eða eitthvað annað viðeigandi, ekki tala um hitabeltisstorma norður á hjara veraldar.

Rafmagnslaust víða vegna Earl

Vilhjálmur Bjarnason ætti að vera dómsmálaráðherra núna. Út með strútana úr stjórnarráðinu.

Það sem Vilhjálmur hefur sannanir fyrir núna skv. fréttinni um FL Group er því miður ekki eina dæmið.

Glitnir,
Landsbankinn,
Kaupting,
Sparisjóðirnir,
Exista,
Baugur,
Gaumur,
Sjóvá,
Icebank,
Kjalar,
Samvinnutryggingar, eignarhaldsfélagið,
o.s.frv.

Takið bara fyrir öll fyrirtæki þessara svokölluðu útrásarvíkinga, og menn munu komast að því að alls staðar má finna greinileg merki þess að fyrirtækin hafi verið notfærð í hagnaðarskyni fyrir lítinn hóp einstaklinga með því að gera óeðlilega gerninga, stela úr félögunum.

Þetta hefur nú þegar legið fyrir í um 2 ár í grundvallaratriðum en samt hefur ekkert verið gert í því sem máli skiptir. Flestir þeir sem sekir eru í þessum málum verða ellidauðir áður en armur laganna tekur á þeim með þessu áframhaldi.

Það vantar glöggan mann eins og Vilhjálm Bjarnason í embætti dómsmálaráðherra til að hjóla í þetta lið sem kom Íslandi á hausinn.

Núverandi ríkisstjórn er í sams konar afneitun og þjóðkirkjan 1996 þegar altalaður varð perraskapur biskups og nokkrar konur komu fram með ásakanir þar um. Þá kaus kirkjan að trúa ekki því sem svo margir héldu fram, heldur kaus kirkjan að trúa þeim sem glæpina framdi, trúa að hann væri saklaus þó svo margir kæmu fram með ásakanir.

Nýjasta dæmið um veruleikafirringu ríkisstjórnarinnar er þvælan í forsætisráðherra í vikunni um viðsnúning hagkerfisins. Hún sýndi vel með þessari fullyrðingu að hún er ekki læs eða að hún stingur strútshaus sínum í sandinn til að forðast að sjá sannleikann. Það var að koma út hagskýrsla sem sýnir að samdráttur í efnahagslífinu er meiri en áður var talið. Íbúatölur sýna að fólki fækkar. Viðskiptaskýrslur sýna að bílasala er nánast engin. Umferðartölur sýna að umferðin hefur dregist verulega saman. IMF (AGS) segir að Ísland hafi ekkert svigrúm vegna skakkafalla í efnhagslífinu og hafa þeir þó verið duglegir að telja í okkur kjark til að geta rænt landið því sem útrásinni tókst ekki að stela áður en hún fór til fjandans. Almenningur segir að aldrei hafi verið minna í veskinu en núna. Það vill enginn taka lán lengur því viðskiptasóðaskapurinn í bönkunum hefur ekki breyst, það hefur ekkert verið lagað til í þeim. Ríkisstjórnin sér ekkert af þessu. Forsætisráðherra blaðrar bara út og suður og veit ekkert í sinn haus. Ríkisstjórnin er ónýt.

Nú ætla ég að vona að ríkisstjórnin ætli ekki að láta 14 ár líða áður en hún viðurkennir að stjórnendur og eigendur þeirra fyrirtækja sem hafa verið að fara á hausinn með miljarða og tuga eða hundraða milljarða skuldir sem engar eignir eru á bak við, séu glæpamenn. Að menn eins og t.d. Jón Ásgeir Jóhannesson sem þegar hefur dóma á bakinu fyrir glæpi sína séu glæpamenn. Að nánir samstarfsmenn hans séu glæpanautar hans. Þjóðin hefur ekki efni á að bíða í 14 ár eftir að losna við fávitalega stjórnarhætti strútanna í stjórnarráðinu. Það þarf að taka á þessi liði núna, það er þegar búið að trassa það í 2 ár.

Og það er vitni um ótrúlegan aumingjaskap ríkisstjórnarinnar og dómsmálaráðuneytisins að það skuli vera einstaklingur sem er í forsvari fyrir lítil hagsmunasamtök sem er duglegastur að berjast við þetta þjófagengi, þessa mafíu sem setti landið á hausinn, með glæpanautum sínum úr stétt lögfræðinga og endurskoðenda o.fl.

Kannski sýnir þessi kraftur í Vilhjálmi Bjarnasyni og reyndar í samtökum eins og InDefence og Hagsmunasamtökum Heimilanna að ríkisstjórnin er bara til trafala, það eru svona aðilar sem eru helstu verndarar þessarar þjóðar í dag. Þjóðfélagið verður ekki endurreist og þjófarnir ekki dregnir fyrir dómstóla með tilstuðlan ríkisstjórnarinnar. Umbætur í þessu þjóðfélagi koma annars staðar frá. Ríkisstjórnin og Alþingi er orðið að einhvers konar afætukerfi á þjóðfélaginu og sökunautar landsins helstu glæpagengja.

Áfram svo Vilhjálmur Bjarnason og aðrir góðir menn. Þjóðin styður ykkar starf!

Stálu frá og eyðilögðu FL

Stóriðjustefnan nýtur fulls stuðnings þó hún sé á kostnað almennings.

Það er merkilegt að öll þau orkufyrirtæki í landinu sem mest eru komin að fótum fram vegna skulda eiga það sameiginlegt að hafa fjárfest mikið í virkjunum vegna stóriðju á undanförnum árum.

Þetta á við OR sem nú þarf að hlýða fyrirmælum lánardrottna um gjaldskrárhækkanir á almenning til að standa undir afborgunum af lánum vegna stóriðjuorku.

Þetta er Landsvirkjun sem getur ekki byrjað á Búðarhálsvirkjun sem nýbúið er að bjóða út vegna þess að enginn hefur viljað lána þeim fyrir framkvæmdunum og eldri stóriðjufjárfestingar skila engum afgangi til að nota í nýjar fjárfestingar.

Þetta á við um HS orku, Geysir green, Magma eða hvað það fyrirtæki heitir nú, sem er verið að selja fjárfestum til að losa nokkra milljarða til að fleyta Reykjanesbæ í nokkra mánuði í viðbót í kreppunni. En takist að koma þessu söluferli til enda eins og til stóð gerist fátt annað en það að gjaldskrárnar verða hækkaðar og almenningur látinn kaupa fyrirtækið fyrir fjárfestana með þeim hætti. Svo er óljóst hvort nýjir eigendur ætla að selja rafmagn til stóriðju eða grænnar iðju eins og þeir hafa gefið til kynna.

Það eina sem eftir stendur úr stóriðjubrölti þessara orkufyrirtækja eru himinháar skuldir sem nú eru að falla á almenning með ýmsum hætti.

Ég þakka þó fyrir að ná að klára þessa færslu án þess að rafmagnið detti út á meðan vegna bilunar í einhverju álverinu.

Stjórn OR nýtur fulls stuðnings meirihluta borgarstjórnar

Ríkisstjórnin og kirkjan - hver er munurinn?

Á þessum tímamótum, þegar ríkisstjórnin stokkar upp og Alþingi er að koma saman þá er ágætt að minna nýja meðlimi ríkisstjórnarinnar á að enn er eftir að taka á útrásarglæpamönnunum.

Síðasta útgáfa af ríkisstjórninni var í sams konar afneitun gagnvart þessum mönnum og kirkja var gagnvart fyrrv. biskupi. Rétt eins og kirkjunnar menn virðast hafa neitað að trúa (þó trúin sé þeirra fag) að biskup gæti verið að perrast í sóknarbörnum sínum, þá virðist ríkisstjórnin neita að trúa að fjármálaperrarnir í útrásinni og bönkunum séu afbrotamenn. Þeir ganga allir lausir og njóta stuðnings eða hlutleysis yfirvalda og bankanna sem hafa verið endurreistir á kostnað ríkisins. Þeir njóta þess að rannsóknir á málum þeirra ganga áfram með hraða snigilsins og að nánast ekkert hefur komið út úr þeirri vinnu ennþá.

Ég óska nýjum ráðherrum til hamingju með embættin og hvet þá til að taka á þessu brýnasta verkefni sem fyrir liggur og sem hefur verið trassað hingað til vegna afneitunar. Ekki halda áfram á braut kirkjunnar í þessu máli. Takið nú trú og trúið því sem rétt er en ekki því sem ykkur langar að trúa. Takið á glæpagenginu sem setti ríkissjóð og landið allt á hausinn. Sækið peningana og setjið liðið í steininn. Ekki stinga hausnum í sandinn og selja þeim allt góssið aftur fyrir stolið fé og segjast ekki hafa hugmynd um hvaðan það kemur, en láta svo almenning borga allt tapið tvisvar eða oftar.

Yfirgefa ríkisstjórn

Gleymdu þeir skuldugasta sveitarfélagi landsins?

Eftirlitsnefndin er nú ansi slöpp ef hún er ekki búin að senda Reykjavík aðvörun. Þar er lang skuldugasta sveitarfélag landsins með skuldir sem eru langt yfir þessum 150% sem nefndin virðist miða við þegar metið er hvort sveitarfélög eru í vanda eða ekki. Það var allavega talað um það þegar þessi viðmiðun var sett í tengslum við umræðu um lagasetningu sem bannar skuldsetningu sveitarfélaga umfram 150% af tekjum að öll starfsemi sveitarfélaga skyldi vera undir í þessu viðmiði, þar með talin veitufyrirtæki sveitarfélaganna. Og nú er Reykjavíkurborg með skuldir OR á herðunum og það fyrirtæki rær lífróður til að tóra næsta fjárhagsár. Samt fær borgin enga aðvörun. Þetta er nú ansi undarlegt. Ég held það veiti ekki af að vekja borgarstjórn upp með aðvörun um fjárhagsstöðun svo hægt sé að fara að undirbúa plön um neyðaraðstoð við OR. Það er ljóst að fyrirtækið er í miklum og vaxandi vanda og alls óvíst að gjaldskrárhækkun um nærri þriðjung dugi til að bjarga fyrirtækinu.

12 sveitarfélög fá aðvörun

Árni Páll efnahags og viðskiptaráðherra - á þetta að vera brandari?

Þetta ráðherraval er algjörlega skiljanlegt. Það er enginn metnaður fyrir neinu hjá þessari ríkisstjórn nema að halda völdum. Þess vegna eru brandarakallar eins og Árni Páll áfram ráðherrar.

Fagmennska í ráðherravali, hvað er nú það?
Hagsmunir almennings, hvað er nú það?
Hagsmunir Íslands, hvað er nú það?
Hagsmunir skuldara, hvað er nú það?
Framtíð Íslands, hvað er nú það?

Þetta eru allt hlutir sem skipta máli.

Skrítin kímnigáfa flokksleiðtoganna og dýrar brandarar þeirra er ekki það sem Íslendinga vantar núna.

20 mál sett á oddinn

Spaugstofan og ríkisstjórnin í uppstokkun.

Kannski Gylfi geti komist að í Spaugstofunni nú þegar honum er skilað úr ríkisstjórninni. Ég sé hann alveg fyrir mér þar, hann er búinn að sanna sig vel sem grínista af R-Reykásgerðinni.

Það er annars merkilegt að bæði Spaugstofan og ríkisstjórnin skuli vera á tímamótum núna. Því er þó ekki að neita að færsla Spaugstofunnar frá RÚV yfir á ríkisrekinn fjölmiðil eiginkonu Jóns Ásgeirs er meiri frétt en frétt af uppstokkun í ríkisstjórninni. Þó var hvort tveggja nokkuð fyrirsjáanlegt, eftir á að hyggja!

Gylfi: Aðdragandinn langur

Traustasti skúrkur landsins um þessar mundir.

Arion banki ber fullt traust til Jóhannesar í Bónus. Traustið er svo mikið að bankinn leyfir honum þrátt fyrir að hann hafi tekið virkan þátt í að tapa mörg hundruð milljörðum á undanförnum árum, að gera rausnarlegan starfslokasamning og hann fær að kaupa nokkur smáfyrirtæki og hann fær að koma með fé sem hann hefur einhvers staðar komist yfir og staðgreiða með því án þess að nokkuð sé athugað hvernig það er fengið.

Ekki er að furða þó daglega heyrist sögusagnir um að þessir gömlu útrásarskúrkar standi á bak við þá vogunarsjóði sem eru sagðir stórir eigendur nýju bankanna og séu að eignast þá með stolnu fé. Þannig fullyrða einnig sumir að þessi Höskuldur sem er bankastjóri Arion banka sé í raun í vinnu hjá Jóhannesi í Bónus og einhverjum fleiri landsþekktum skúrkum úr viðskiptalífinu og hafi það helsta hlutverk að hjálpa þeim til að sölsa að nýju undir sig sem mestar eignir í gegn um bankana á kostnað þjóðarinnar. Það sé ástæða þess að Jóhannes fær svona þægilegan starfslokasamning fyrir þáttöku sína í Íslands mestu ógæfu á síðari tímum. Sem var vöxtur og viðgangur Bónusverslananna sem lögðu grunninn að viðskiptabólu þeirri og útrás sem nú hefur hrunið yfir þjóðina.

Ekki veit ég hvort þetta er rétt, en vissulega er Höskuldur ótrúlega afslappaður yfir viðskiptum sínum við þennan landsþekkta skúrk sem nú er kominn á áttræðisaldur.

Þarf að greiða með peningum

Verið að kaupa upp órólegu deildina í VG?

Það hefði nú verið nær að stokka þannig upp í þessari ríkisstjórn að hún hætti öll. Það væri líka í takti við t.d. Avant sem sagði upp öllu sínu starfsfólki og Jóhannes í Bónus sem er ekki lengur í Bónus. Og þannig mætti lengi áfram telja.

En líklega er ráðabrugg ríkisstjórnarforystunnar frekar það að koma einhverjum úr órólegu deild VG á ráðherrastóla svo sú órólega deild verði ekki lengur óróleg. Þannig segir mér svo hugur að flokkadraslið sem nú ræður ríkjum ætli að styrkja stöðu sína svo þjóðfélagið geti haldið áfram veginn til glötunar út kjörtímabilið, án þess að nokkur hætta verði á að stakir skynsemistaktar örfárra stjórnarþingmanna verði til að stytta líf ríkisstjórnarinnar.

Gylfi og Ragna hætta í stjórn

Lánskjaravísitalan er sjálfvirkur verðhækkanaspírall.

Er það ekki alveg frábært kerfi sem við búum við hér á Íslandi?
Við erum með neysluvísitölu til verðtryggingar lána sem er búin að hækka gríðarlega undanfarið vegna skattahækkana, erlendra verðhækkana og gengisbreytinga. Nú hafa erlend lán Orkuveitunnar hækkað svo mikið að veitan þarf að hækka gjaldskrána um hátt í 30% til að skrimta næsta bókhaldsár. Þessi verðhækkun fer út í verðlagið og hækkar vísitöluna og þar með lánin sem eru bundin henni. Orkuveitan er ekki eina fyrirtækið sem þarf að hækka gjaldskrár upp úr öllu valdi til að skrimta næstu misserin, fjöldi fyrirtækja og sveitarfélaga eru í þessari stöðu. Það þýðir að fljótlega þurfa ýmsir aðrir að hækka sínar gjaldskrár til að eiga fyrir þessum vísitöluhækkunum lána og svo gengur þetta svona sitt á hvað um ókomna tíð á meðan þessi vísitala verður notuð, að hún verður sjálfvirkur verðhækkana- og verðbólguhvati á allt í þessu landi - nema launin.

Í gamla daga var alltaf talað um víxlhækkanir launa og verðlags. Þá var samið um launahækkanir sem fóru út í verðlagið sem varð til þess að aftur þurfti að semja um hærri laun. Þannig gekk þetta árum saman. En með lánskjaravísitölunni er þetta óþarfi, nú hækkar allt sjálfvirkt - nema launin. Það þarf ekki lengur að semja um neitt, því allt gengur nú sjálfvirkt fyrir sig, nema verkalýðshreyfingin sem tók sjálfa sig úr sambandi þegar VG og Samfylking tóku við landsstjórninni.

En almenningur bíður spenntur eftir að lánskjaravísitalan verði aflögð. Fyrr en hún hefur verið aflögð næst enginn stöðugleiki í efnahagslíf þessa lands.

Annað dæmi um okkar frábæra land er sú hugmynd sem var til umræðu í fréttum í dag, að lækka aðflutningsgjöld á nýjum bílum og kaupa upp gamla bíla 10 ára og eldri til að bílgreinarnar fái innspýtingu í sína starfsemi.

Ég á nú eftir að sjá að fólk sem í dag ekur um á 100-300 þús. kr. bílum hlaupi upp til handa og fóta að kaupa 3-4 milljóna bíla, jafnvel þó einhver afsláttur verði veittur af aðflutningsjöldum af þeim og gamli bíllinn keyptur eða tekinn upp í!

Fyrir utan það fáránlega rugl að ætla að búa til eitthvað eyðsluprógramm í kring um viðskipti með bíla hjá gjaldþrota þjóð sem býr við óstjórn í ríkisfjármálum og hagstjórn, þá má ekki gleyma því að það er örugglega ekki verð nýrra bíla sem veldur því að neytendur láta það eiga sig að kaupa þá. Það er miklu frekar siðferði þeirra sem lána fyrir nýjum bílum sem fólk er búið að fá nóg af. Þegar menn kaupa bíl á láni sem fljótlega tvöfaldast, bíllinn svo hirtur af því og verðfelldur niður í partasöluprís fyrir að þvo hann og yfirfara eins og fjölmörg dæmi eru víst um núna, þá verða bílakaup ekki lengur freistandi.

Þarna þarf auðvitað að taka á ruglinu í fjármálakerfinu sem enn á að fá að mergsjúga almenning. Það má ekkert hrófla við þessu kerfi sem er sem krabbamein á þjóðinni.

Þess í stað á að reyna að koma fólki út í óráðsíuviðskipti í bílakaupum á nýjan leik. Það er nýjasta bjargræðið!
Fólk er sem betur fer ekki svo vitlaust að gleypa við þessu, það þarf að bíða eftir næstu kynslóð til þess.

Hækkun OR hægir á hjöðnun verðbólgu

Fiskveiðistefna ESB - snýst hún núna um að Íslendingar fóðri makríl fyrir þá?

Nú verður fróðlegt að fylgjast með aðgerðum ESB út af makrílveiðum Íslendinga og Færeyinga.

Það er allt vitlaust yfir því að Íslendingar og Færeyingar séu að veiða makríl annarra þjóða í óleyfi. Þetta er mjög skrýtin afstaða. Það virðist sem menn gleymi því að makríllinn er nú á beit á íslensku hafsvæði, étur frá okkar stofnum og hamlar fiskveiðum okkar verulega ef við megum ekki veiða þar sem hætta er á að makríllinn slæðist með í of miklu magni. Sumir segja að makríllinn éti allt sem að kjafti kemur og í hann kemst, þannig tekur hann æti frá öðrum stofnum og étur seiði annarra stofna. Þess vegna verðum við auðvitað að veiða makrílinn. Að öðrum kosti værum við bara að fóðra hann fyrir aðra á okkar kostnað. Og hvað ætla menn að borga fyrir það?

Þangað til semst um greiðslur fyrir fóðrun á makríl í íslenskri lögsögu verðum við bara að veiða hann. En auðvitað mætti hætta þessum veiðum ef þeir sem telja sig eiga tilkall til veiðanna eftir að makríllinn hefur verið stríðalinn á Íslandsmiðum, eru til í að greiða sanngjarnt verð fyrir fóðrið.

Og skyldi þessi afstaða ESB breytast eitthvað þó Ísland gangi í ESB? Eða verðum við bara skikkaðir til að láta lögsöguna undir makríleldi fyrir aðrar þjóðir?

Bretar undirbúa makrílstríð

Vitlausu Greyin í kjánaflokknum VG plötuð einu sinni enn.

VG (Vitlausu Greyin) eins og samstarfsflokkurinn lítur á þá, hefur látið plata sig einu sinni enn. Þeir eru loksins að byrja að fatta að Samfylkingin er á hraðferð inn í ESB. Það er ekki bara verið að skoða hvernig landið liggur svo hægt sé að upplýsa Íslendinga um kosti þess og galla að ganga í ESB. Samfylkingin er að troða Íslandi þarna inn og almenningur fær ekkert að skipta sér af neinu fyrr en honum verður kynnt að málið sé komið svo langt að ekki sé hægt að hætta við eða að afstaða þjóðarinnar skipti engu máli. Þetta er það plan sem Samfylkingin hefur í þessu máli, enda þýddi ekkert að eyða í þetta tíma og fé ef eitthvað ætti að taka mark á vilja þjóðarinnar, sem er að langstærstum hluta algjörlega á móti þessu ESB brölti.

En vitlausu greyin í VG eru nú að fatta að þau hafa veitt Samfylkingunni gott skjól til að vinna að þessu máli eins og þeir vilja vinna það, ekki eins og ríkisstjórnin talaði um á sínum tíma.

Þó vitlausu greyin í VG séu búin að fatta þetta og sumir þar komnir í fýlu út af þessari málsmeðferð Samfylkingarinnar þá breytir það engu. Þeir eru hlýðnir og verða fljótir að jafna sig á þessu og gerast sjálfsagt meðvirkir í málinu og koma með einhverjar afsakanir fyrir því fljótlega að svona verði þetta auðvitað að ganga fyrir sig.

Ólga í grasrót vinstri-grænna vegna aðlögunar

Gölluð biblía?

Ég skil vel rök Geirs Waage. Hann rökstyður afstöðu sína vel og erfitt að mæla móti þeirri afstöðu. Eins og hann segir þá kæmu menn einfaldlega ekki til presta að játa þeim syndir sínar ef alltaf yrði hlaupið með vitneskjun til lögreglu þegar prestum þykir menn fara langt yfir strikið í gerðum sínum.

Geir segir hins vegar líka að prestar séu að hlusta fyrir hönd Guðs á menn og leiðbeina þeim á rétta braut.

Þetta vekur því upp spurninguna um hvort Guð er góður, eða ekki? Er það góður Guð sem hlustar á menn játa á sig barnaníð en gerir svo ekkert frekar í því en að segja þeim að gera þetta ekki aftur?

Er þetta vilji Guðs? Ég er ekki svo vel að mér í biblíunni og trúarfræðunum að ég geti svarað því hvað Guð mundi gera ef t.d. biskup segði honum frá því að hann væri að níðast á sóknarbörnunum. En mig minnir að eitthvað sé talað í biblíunni um rétt og rangt og muninn á þessu tvennu. Kirkjunnar menn þurfa að kafa vandlega í sín fræði og athuga hvort ekki má finna aðra leið þegar alvarlegar syndir eru játaðar en þá að þegja yfir þeim. Kannski þarf líka að leita betur í gömlum hellum í mið austurlöndum og athuga hvort eitthvað hefur gleymst þar af guðs orði sem ætti að vera í biblíunni. Ég trúi ekki að þöggun sé eina leiðin sem kirkjan hefur í þessum málum. Guð er slappur ef hann getur ekki leyst betur úr þessu með sínum fulltrúum.

Þagnarskyldan er algjör