Bófarnir stikkfrí á meðan þingmenn eru uppteknir af sjálfum sér.

Nú hlakkar líklega í bankaræningjunum. Það er búið að finna alþingismönnum eitthvað að gera sem dregur athyglina frá aðalskúrkunum sem mestu ollu um bankahrunið á Íslandi og ófarir Íslands. Hvað skyldu nú ræningjarnir eiga stóran þátt í þessari sýningu? Eru fjölmiðlar og þeir stjórnmálamenn sem standa fyrir þessu áhlaupi á fyrrv. ráðherra að vinna fyrir bankaræningjana eða almenning?

Alþingi er nú upptekið af sjálfsskoðun og hörku pólitík um hvaða pólitíkusa eigi að draga fyrir Landsdóm og hverja ekki. Á meðan þarf ekki að óttast að þingmenn beiti sér fyrir aðgerðum gegn bankaræningjunum sjálfum, þeim mönnum sem tæmdu bankana undir sinni stjórn og með því m.a. að plata stjórnmálamenn og ráðherra.

Í staðinn fyrir að láta plata sig fá ráðherrarnir nú alla athyglina og umræðu um hvort draga eigi þá fyrir landsdóm vegna aðgera eða aðgerðaleysis mánuðina fyrir hrunið.

En í staðinn fyrir bankaránið fá bankaræningjarnir nú frið í bili úr því að búið er að stilla nokkrum ráðherrum upp fyrir pólitíska aftökusveit.

Mér finnst mikil skítalykt af því alþingismenn eru duglegir við að gera ekki neitt nema að standa í pólitískum vígaferlum. Úr þeirri áttinni er ekkert verið að pota í efnahagslega hryðjuverkamenn Íslands, það er ekkert verið að hjálpa almenningi á lappirnar eftir hrunið. En nú er þrasað um það á þingi hvaða pólitíkusun sé helst um að kenna að illa fór. Mér sýnist að það sé augljóst að það er nokkurn veginn jafn mikið öllum að kenna nema VG. En það er hins vegar að verulegu leyti á ábyrgð VG að ekkert er gert til að taka á bófunum núna og þar með eru VG að verða alveg jafn illa sekir um vanrækslu og allir hinir. Þannig að þess vegna má draga allt heila klabbið fyrir Landsdóm. En það breytir ekki því að Landsdómur tekur ekkert á bankaræningjunum sjálfum. Þeir virðast vera stikkfrí í bili, en eru þó þeir sem ættu að vera komnir í steininn, allir með tölu, nú þegar.

Umræðu líklega frestað á morgun

Þá verður íslenskan okkur dýr.

Það er mikið áfall fyrir Íslendinga ef bankaræningjarnir út Glitni geta fengið málum skilanefndinarinnar á hendur þeim vísað frá dómi í New York vegna þess að þeir tala bara íslensku, eru svo lélegir í ensku að þeir geta ekki varið sig.

Ég hef nú oft viðrað þá skoðun að íslenskan sé okkur Íslendingum dýr þjóðrembingur, en hún getur kostað okkur hundruði milljarða í töpuðum endurheimtum á stolnu fé ef bankaræningjunum tekst að fá málunum vísað frá dómi vegna þess að þeir tali bara íslensku.

En það mun víst vera eitt af varnarbrögðum bankaræningjanna í þessum málarekstri skilanefndar Glitnis, að krefjast frávísunar vegna lélegrar enskukunnáttu. Þeir bera því við að þeir séu ekki vel mæltir á neina tungu nema íslensku.

Þetta er enn ein áminningin fyrir okkur um að fara að leggja niður þetta tungumál og taka upp annað útbreiddara í staðinn.

Víkingarnir sem námu hér land forðum daga töluðu alþjóðlegt tungumál. Annars vegar létu þeir sverðin tala og svo var tungumál þeirra talað um alla skandinavíu, bretlandseyjar og hluta norður evrópu. Ég held að þeir hafi aldrei borið við skilningsleysi á tungumál þeirra sem þeir rændu þegar þeir töpuðu orrustu og þurftu að verjast eða flýja. Frekar að það hafi verið þveröfugt, þeir vörðu sig snilldarlega á tungumáli óvinarins, eins og t.d. þegar Egill Skallagrímsson sat í dýflissu Englandskonungs sem hugðist taka hann af lífi að áeggjan drottingar sinnar. Þá kvað Egill kvæðið Höfuðlausn á alþjóðlegri íslensku nóttina áður en hann var leiddur fyrir konung og aftökusveitina. Kvæðið flutti hann fyrir konung og hlaut líf sitt að launum þrátt fyrir að kóngur teldi sig eiga ýmislegt sökótt við Egil.

En nú er öldin önnur og þessir útrásaraumingjar sem hafa herjað sem óðir menn á Íslandi og beggja vegna Atlantshafsins þykjast bara tala fornaldar íslensku og láta eins og þeir hafi aldrei heyrt minnst á túlka eða Google translate og reyna að flýja böðlana á þessum forsendum. Vonandi tekst það ekki. En ef þessi vörn þeirra virkar þá er íslenskan orðin okkur dýrkeypt enn og aftur. Eða öllu heldur að við skulum ekki hafa haft vit á að láta hana þróast í takti við tungumál þjóðanna í kring um okkur. Enskan sem er töluð bæði í Bandaríkjunum og Bretlandi er jú ekkert annað en vel þróuð nútíma útgáfa af landnámsíslenskunni í bland við fleiri mál.

Ekki eigi að vísa málinu frá

Uppskrúfuð einskisnýt þvæla.

Þvílík endemis þvæla sem vellur upp úr sumu fólki. Hvað þarf að rannsaka þetta?
Mér sýnist núverandi forsætisráherra alveg jafn karlmannleg og forverar hennar í starfi og alveg jafn útrásar- og hrunsinnuð. Ekki hefur stjórnin breytt um stefnu eftir að hún tók við, gefur almenningi langt nef og dekrar við hrunliðið. Segir þetta ekki allt sem segja þarf um mun kynjanna í þessu efni, hann er enginn? Alveg eins og í umferðinni. Þar reynast konurnar ef eitthvað er örlítið hættulegri bílstjórar en karlarnir. Rannsókn lokið.

Íslensk heimili kynjagreind

Af hverju voru eggin köld?

Var það vegna þess að brjálæðingurinn lét bíða eftir sér í morgunmatinn, eða var konan ekki tilbúin með eitthvað annað þannig að eggin kólnuðu á meðan hún kláraði að taka til morgunmatinn?

Þetta skiptir auðvitað engu máli. En það sem skiptir máli er hálfvitagangurinn í Bandaríkjamönnum að hafa svo frjálslega byssulöggjöf að menn sem hafa ekki einu sinni stjórn á sér út af morgunmatnum geta átt byssur og skotið fólk í hópum í æðisköstum út af engu. Samt má engu breyta um þetta hjá þeim. Allir verða að fá að eiga byssur, annars eru Bandaríkjamenn ekki frjálsir. Það má ekki skerða frelsið um eina byssu til eða frá, allir verða að hafa frelsi til að eiga byssur, sama hvað þeir eru klikkaðir.

Sumt læra Bandaríkjamenn aldrei. T.d. það að almenn byssueign veldur miklu tjóni en gerir lítið gagn. Skv. rannsóknum er talið að um 75.000 manns særist árlega af völdum byssuskota, um 10.000 manns eru drepnir með byssum og um 17.000 sjálfsmorð þar sem menn nota byssur. Alls eru þetta því liðlega 100.000 manns á ári sem líða fyrir frjálslega byssulöggjöf Bandaríkjanna. M.v. hina frægu höfðatölureglu svarar þetta til um 100 manns á Íslandi árlega. Það þætti all nokkuð!

Brjálaðist við morgunverðarborðið

Nefndin gleymdi alveg að leggja til eina rannsókn í viðbót en annars athyglisverðar og skynsamlegar tillögur.

Mér finnst það athyglisvert og skynsamlegt að rannska starfsemi lífeyrissjóða á Íslandi. Bæði vegna þess að að almennt virðist vera of mikil dulúð yfir starfsemi þeirra og fjárfestingum og eins vegna þess að núna er uppi verulegur ótti um að ekki séu öll kurl komin til grafar varðandi það hvað útrásarliðið komst með lúkurnar djúpt í þessa sjóði.

Þetta er skynsamlegt hjá þingmannanefndinni sem og flestar aðrar tillögur þeirra.

Það eina mikilvæga sem vantar hjá þessari nefnd er að hún leggi til rannsókn á fjárhagslegum tengslum og öðrum tengslum þingmanna við útrásina svokölluðu og fjármálastarfsemi í landinu, styrkveitingar, hagsmunatengsl, fjölskyldutengsl o.s.frv. og hvaða áhrif þessi tengsl, ef einhver eru, hafa haft á lagasetningu og starfsemi alþingis.

Það er skrýtið að nefndin hafi gleymt þessu, því þetta hlýtur hvort eð er að verða til umræðu þegar landsdómur verður kallaður saman eins og stefnt virðist að.

Það verður varla hægt að fara í gegn um þessi mál nema fyrir liggi af hverju t.d. frjálslegri lög um fjármálastarfsemi í undanfara hrunsins hafa runnið í gegn um alþingi á undanförnum árum. Var allt með felldu í þeirri lagasetningu?

Leggja til rannsókn á starfsemi lífeyrissjóða

Hræðilegt fyrir 365 miðla að missa besta fjölmiðlaráðgjafa landsins!!!

Hræðileg frétt að 365 miðlar skuli vera búnir að missa sinn helsta og besta fjölmiðlaráðgjafa og landsins mesta sérfræðing á því sviði úr sinni þjónustu.

Hvað verður nú um þetta fyrirtæki þegar engin ráð eru lengur tiltæk frá Jóni Ásgeiri? Ég óttast að það verði mikið vandræðaástand á þessum miðlum þegar ráðgjafar hans nýtur ekki lengur við.

Og af hverju er Jón Ásgeir hættur sem ráðgjafi hjá 365 miðlum? Voru launin ekki nógu há? Þetta fyrirtæki hefur hingað til keypt allt sem það langar í, flesta helstu íþróttaviðburði, dýrasta starfsfólkið og nú síðast meira að segja Spaugstofuna. Það er nú ekkert grín að geta keypt þá! En hafa þeir ekki lengur efni á Jóni Ásgeiri? Þetta skil ég ekki, hann er lang besti ráðgjafinn, snillingur í að ljúga að fólki í gegn um fjölmiðla. Það er ekki gott að missa svona mann úr sinni þjónustu. Að vísu kemur víst ekkert fram um að hann sé hættur sem ráðgjafi hjá 365 miðlum, þannig að kannski er ég bara að misskilja eða snúa út úr fréttinni. Það kemur einungis fram að hann sé hættur að fá greidda ráðgjafarþóknun frá 365 miðlum.

En var hann þá ekki ráðgjafi hjá þeim. Var hann bara viðtakandi ráðgjafarþóknunar? Hvaða bruðl hefur það verið að greiða ráðgjafarþóknun fyrir enga ráðgjöf? Það er slæm ráðgjöf? Eru þessir 365 miðlar kannski bara eitthvað skrípaskjól fyrir Jón Ásgeir? Líklega er það svo. Fyrirtækið er búið að vera á hausnum um árabil, en skiptir reglulega um kennitölur og afskrifar milljarða skuldir um leið. Það er víst rekstrarmódelið sem Jón Ásgeir fyrrv. viðtakandi ráðgjafarþóknunar, en líklega ekki sérmenntaður ráðgjafi, hefur sett upp fyrir þetta fjölmiðlafyrirbæri sem heitir núna 365 miðlar.

Fær ekki lengur greitt frá 365

Svo biblían er þá hluti af kóraninum.

Úr því að gospelið er hluti af kóraninum er biblían hluti af kóraninum. Þannig að kristnir menn lesa hluta af kóraninum þegar þeir lesa þennan hluta biblíunnar. Það er sem sagt ekki svo langt á milli kristinnar trúar og múslimatrúar, kóransins og biblíunnar.

Enda felur þessi fyrirhugaða biblíubrenna sem Vawda ætlaði að standa fyrir einmitt í sér hefnd, sem er eitt af því sem margir lesa út úr biblíunni, þegar talað er um auga fyrir auga o.s.frv. Þarna átti að brenna bók fyrir bók, biblíur fyrir kórana. Hefna fyrir kóranabrennuna með biblíubrennu.

Það er nú meira ruglið sem fylgir stundum þessum trúarbrögðum.

Biblíubrenna bönnuð í Suður-Afríku

Algjörlega snargeggjaður náungi.

"Jón Ásgeir segir, að slitastjórn Glitnis hefði átt að vera ljóst, að kyrrsetningarkrafan myndi hafa alvarlegar afleiðingar fyrir hann."

Þessi setning úr greininni segir allt sem segja þarf. Lýsir vel Jóni Ásgeiri. Núna þegar reynt er að ná til baka einhverju af því sem hann er búinn að stela af Íslendingum og fleirum á undanförnum árum, hvort sem hann gerði það til að stinga peningunum í eigin vasa eða hvort hann gerði það af eintómum asnaskap og tapaði svo öllu í einhverju rugli, þá er hann aðallega að hafa áhyggjur af því að þessi tilraun til að endurheimta féð valdi HONUM vandræðum. Að þetta hafi alvarlegar afleiðingar fyrir HANN. Honum er alveg sama um greiðann sem stjórnum þessara félaga er gerður með því að fá þessa ástæðu til að losna við hann úr stjórninni! Honum er alveg sama um tap Glitnis og tap Íslendinga af viðskiptum hans á undanförnum árum. Hann þakkar ekki einu sinni fyrir að ganga ennþá laus. Hann kvartar yfir því að það valdi honum vandræðum að hart sé gengið að honum til að ná til baka því sem hann stal.

Þetta er snargeggjaður náungi. Ég skil ekki af hverju hann gengur laus, það væri hvort heldur sem er hægt að hafa hann í varðhaldi vegna rannsóknar á bankaránum hans eða í spennitreyju á geðveikrahæli vegna þess hve hann er snargeggjaður.

Neyddist til að segja sig úr stjórnum

Þarna er verið að vinna í réttu málunum!

Ég er ánægður með hve skilanefnd Glitnis er fylgin sér. Einhverra hluta vegna virðist þessi skilanefnd vera nógu ópólitísk til að sinna sínu starfi af viti. Annað en þingmenn sem allir virðast vera undir hælunum á útrásarvíkingunum sem kostuðu þá marga á þing. Á meðan þingmenn og ráðherrar myndast við að róa almenning með því að draga hvern annan fyrir landsdóm, eins og Jóhanna sagði í kvöldfréttum að væri tilgangurinn með Landsdómsmálinu, þá er skilanefnd Glitins að vinna í því að koma lögum yfir raunverulega bófa. Skilanefndin er að reyna að koma lögum yfir menn sem stálu hundruðum milljarða úr bankanum sem þeir stjórnuðu. Það væri nú gaman ef þingmenn og ráðherrar tækju virkan þátt í að endurheimta féð sem stolið var úr íslensku bönkunum og með þeirra tilstuðlan á undanförnum árum. Það væri gagn að því fyrir Ísland. Það myndi róa almenning ef hann sæi stjórnvöld taka eðlilega á málum. En nei, stjórmálamenn eru ennþá á kafi í pólitík, nú eru það pólitískar aftökuskýrslur, pólitískur dómstóll, landsdómur til höfuðs ráðherrum sem sáu ekki við glæpamönnunum í bönkunum.

Kannski voru þessir ráðherrar of grandalausir og svifaseinir vegna þess sem var að gerast í bönkunum misserin fyrir hrun, ég dreg það svo sem ekki í efa. En það voru ekki þeir sem rændu bankana. Bankaræningjarnir voru þeir menn sem skilanefnd Glitnis er að eltast við og þeir menn sem stýrðu hinum bönkunum og nokkrir fleiri. Það eru mennirnir sem þarf að ákæra, sakfella og dæma. Það eru mennirnir sem léta peningana hverfa, mennirnir sem þarf að grandskoða til að finna peningana aftur. Ráðherrarnir stálu engu, þeir voru bara trúgjarnir og slegnir glýju af góðærisbjarmanum svokallaða.

Þeir ráðherrar sem núna starfa í ríkisstjórn eiga frekar skilið að fara fyrir landsdóm, því með aðgerðaleysi sínu og aðgerðum hafa þeir skapað landinu stórhættu. Þeir ætluðu að samþykkja Icesave á vonlausum kjörum sem landið réði ekkert við fyrir löngu síðan. Það var nokkurs konar landsdómur sem stöðvaði það.
Þeir hafa allt of lítið gert í að koma lögum yfir þá sem rændu bankana og að endurheimta ránsfenginn. Það er landsdómssök, því nú er öllum ljóst að bankarnir voru rændir. Nú liggja fyrir alvarlegar staðreyndir, skýrslur, gjaldþrot, játningar, þrengingar. Staðan var ekki svona ljós hjá þeim ráðherrum sem nú er rætt um að draga fyrir landsdóm. Samt er ekkert gert af hálfu núverandi ríkisstjórnar í að taka á málunum. Núverandi ríkisstjórn mun þurfa að sitja að eilífu ætli hún sér að sleppa við landsdóm fyrir aðgerðaleysi sitt gagnvart bankaræningjum Íslands.

Ætla að fylgja málarekstrinum eftir

Var einhver glæpur framinn?

Það er nú bara aulafyndni hjá þessu liði á Alþingi að vera að tala um draga ráðherra fyrir Landsdóm. Fyrst þarf nú að sýna fram á að einhver hafi gert eitthvað af sér. Á meðan enginn útrásarvíkingur er dreginn fyrir dóm og dæmdur fyrir fjármálaglæp hefur enginn glæpur verið framinn. Forsenda þess að ráðherra verði dreginn fyrir Landsdóm og dæmdur þar hlýtur að vera sú að viðkomandi hafi sýnt slíka vanrækslu í starfi að vegna hennar hafi einhverjir glæpir verið framdir, eða glæpamafía starfað án þess að tekið hafi verið á henni með viðeigandi hætti.

En á meðan enginn glæpamaður eða mafíuforingi hefur verið ákærður og dæmdur er ljóst að enginn glæpur hefur verið framinn og þá er líka ljóst að engir glæpir og ekkert óeðlilegt eða ólöglegt hefur gerst í þjóðfélaginu. Og þá skiptir ekki einu sinni máli hvort ráðherrar hafa sýnt vanrækslu á einhvern hátt eða ekki, því ekkert tjón hefur þá hlotist af henni úr því ekkert ólöglegt hefur verið gert.

Það er því bara almenn skynsemi sem segir mér það að ef Jóhanna vill koma pólitískum andstæðingum í bobba með Landsdómi verður hún fyrst að láta stinga vini sínum Jóni Ásgeiri og útrásarfélögum hans í steininn fyrir svindl þeirra í bönkunum og víðar. Ef hún gerir það ekki er hún að lýsa því yfir að engir glæpir hafi verið framdir í tengslum við banka- og efnhagshrunið á Íslandi. Og ef hún lýsir því yfir, þá hefur hún enga ástæðu til að draga fyrrverandi ráðherra fyrir Landsdóm. Nema hún geti skipað einhverja pólitíska aftökusveit í Landsdóm sem geti dæmt menn án nokkurra raka og skynsemi.
Landsdómur er þá auðvitað bara íslensk útgáfa af gúlaginu. Kannski er það það sem koma skal hjá kommúnistastjórn Íslands.

Skýrslan prentuð í nótt

Æi, hvað er verið að velta henni upp úr einhverju sem hún sagði fyrir löngu síðan.

Aumingja Jóhanna að hafa sagt fyrir 13 árum að fátækt sé þjóðarskömm. Nú er henni velt upp úr þessu þegar sett hefur verið nýtt Íslandsmet í fátækt í hennar forsætisráðherratíð.

Menn verða að skilja að nú hefur Jóhanna annað viðhorf til fátæktar. Hún hefur ekki lengur áhyggjur af fátækt almennings eins og 1997. Nú vinnur hún að því að verja hag útrásarvíkinga og slíkra auðmanna svo þeir verði ekki fátækir. Það gerir ekkert til þó almenningur sé fátækur, en hún passar að þeir sem hafa náð til sín miklum auðæfum verði ekki fátækir aftur. Þetta er bara eitt af því sem er kallað þróun. Þetta er 21. öldin. Nú þurfa verkalýðsleiðtogar að skilja að verkalýðurinn á að vera fátækur, það er nútíminn. Ríkidæmi nútímans snýst ekki um að almenningur hafi peninga. Ríkidæmi almennings er fólgið í hamingjunni. Hjónaböndum samkynhneigðra og norrænu velferðarkerfi og ókeypis megrun undir forystu ríkisstjórnarinnar. Þessir hlutir fást ekki keyptir fyrir peninga. Þetta er miklu mikilvægara en fjárhagslegt ríkidæmi. Þetta er það sem Jóhanna stendur fyrir. Menn verða að skilja það og ættu bara að vera glaðir í stað þess að velta henni upp úr gömlum ummælum sem hún hafði uppi áður en hún náði fullum pólitískum þroska.

Spyr Jóhönnu út í þjóðarskömmina

Ekki óeðlilegt svar í höfuðborg Evróklámsins - en samt ekki gott mál.

Hvað er verið að æsa sig yfir þessu!!

Jón Gnarr er bara hreinskilinn og saklaus Reykvískur borgarstjóri. Ég hef tekið eftir því á ferðum mínum um Evrópulönd að víða er klám- og kynlífsvæðingin miklu lengra komin en á Íslandi. Í þessum löndum mörgum hverjum þykir nú ekki tiltökumál að stelpur dansi alstrípaðar á súlustöðum, að kynlíf sé selt á löglegan hátt, að klámmyndir séu á hótelherbergum og léttklæddar stelpur á síðum dagblaðanna á hverjum degi.

Og svona er þetta einmitt í Brussel, höfuðborg Evrópusambandsins. Er það nema von að í höfuðborg Evróklámsins hafi það hrokkið upp úr Jóni Gnarr að hann horfi aðallega á klám á netinu. Hann er enginn ógeðslegur dónakall ef þetta er mismæli út af öllu kláminu í kring um hann þarna úti. En kannski er þetta bara alveg satt hjá honum, en ekki mismæli.

En hvernig sem á þessu svari stendur þarf hann að passa sig. Hann er nefnilega með þessu svari að lenda í nákvæmlega sama klúðrinu og Jóhanna Sigurðardóttir, að umfjöllun um einkamál hans (sem ég geri ráð fyrir að klámáhorf hans á netinu sé) vekur miklu meiri athygli en erindi hans til Brussel sem borgarstjóri. Sama er með Jóhönnu. Það er enginn áhugi á henni neins staðar eða störfum hennar, fyrir utan það að hún er samkynhneigð og var að giftast annarri konu.

Nú fjölgar því enn í þeim hópi mektarmanna á Íslandi sem eru að verða alræmdir og heimsfrægir fyrir einkamál sína.

Fyrrv. biskup - kynferðisleg misnotkun.
Núv. forsætisráðherra - samkynhneigð.
Núv. borgarstóri - ógeðslegur dónakall.

Er ekki allt í lagi á Íslandi??

Ætlar aldrei aftur til Brussel

Fer kynhneigð Jóhönnu að valda Íslandi vandræðum erlendis?

Mér finnst það glannalegt af Íslands hálfu að vera með forsætisráðherra sem er samkynhneigður. Nú er þetta farið að valda okkur vandræðum í Færeyjum og hefur margoft áður skyggt á alvarlegri málefni Íslands á erlendum vettvangi sem hafa fallið í skuggann eða gleymst vegna þess að erlendir fjölmiðlar hafa meiri áhuga á að fjalla um forsætisráðherrann vegna kynhneigðar hennar, en um þau mál sem hún er að reka á hverjum tíma.

Við megum ekki gleyma því að þó hjónabönd samkynhneigðra séu nú leyfð og viðurkennd á Íslandi, og þyki bara nokkuð sniðug af mörgum hér, þá þykir þetta í ýmsum öðrum löndum enn verra en hvalveiðar og gróðurhúsaáhrif.

Það eru nú ekki nema 10 lönd í heiminum að Íslandi meðtöldu sem leyfa hjónabönd samkynhneigðra og ekki nema fá ár síðan þetta var fyrst leyft í Hollandi sem var fyrsta landið til að leyfa slík hjónabönd.

ESB hefur ekki samið sameiginlega löggjöf um þetta ennþá fyrir aðildarríki sambandsins þó örugglega styttist í það, enda furðulegt að ESB, þar sem reglur eru til um nánast alla hluti skuli ekki hafa sett reglur um hjónabönd samkynhneigðra eða hvort þau skuli leyfð yfir höfuð.

En á meðan þetta er svona, að sífellt er verið að fjalla um Ísland og forsætisráðherrann í tengslum við kynhneigð hennar, eins og Íslendingar séu bara almennt öfugir, þá held ég að tími sé kominn til að staldra við og velta því fyrir sér hvort kynhneigð forsætisráðherra sé farin að skaða þjóðarhag. Og ef svo er þarf að bregðast við því.

Danir blása Jenis-málið út

Samdráttur á öllum sviðum hér, nema skuldum, þær vaxa hratt og veðrið, það batnar.

Nokkrar neikvæðar fréttar úr efnahagslífi Íslands á undanförnum dögum:

Íbúum fækkar.
Erlendum ferðmönnum fækkar.
Umferðin minnkar.
Bílasala snarminnkar.
Hagtölur mun verri en búist var við á bæði fyrsta og öðrum fjórðungi ársins, hagkerfið enn að dragast hratt saman.
AGS hefur áhyggjur af að Ísland hafi ekkert svigrúm til að bregðast við áföllum í efhahagslífinu.
Engir peningar fást að láni til að greiða fyrir Búðarhálsvirkjun ennþá.
Allir að hækka gjaldskrár, OR um 28%.
Allar hækkanir OR fara í skuldir.
Alls staðar verið að hagræða, lækka laun og reka fólk, OR ætlar að gera skurk í því á næstunni.
Sáralítið sem á að framkvæma í landinu á næstu árum.
Skuldir ríkissjóðs vaxa hratt, um ca. 10 milljarða á mánuði.
Forsætisráðherra talar um jákvæðan viðsnúning, það er mjög slæmt að hún skuli ekki fylgjast betur með.
Ekkert að gerast í að endurheimta ránsfeng útrásarvíkinganna.
Ekkert rafmagn til fyrir álverið í Helguvík.
12 stór sveitarfélög á hausnum, gleymdist að hafa Reykjavík með í fjárhagsrannsókn ráðuneytisins.

Jákvæðar fréttir undanfarna daga:
Veðrið er óvenju gott, stefnir í metsumar varðandi hlýindi.

Meiri samdráttur hér en hjá kreppuþjóðum

Vantar að ná í ránsfenginn svo hægt sé að greiða hærri laun, og hagræðingu alls staðar.

Það þarf að hagræða í þjóðfélaginu. Það eru allt of margar afætur, of fá störf sem skapa verðmæti, of stórt ríkisapparat, of margir skólar í hlutfalli við störf fyrir menntafólk, of mörg símafyrirtæki m.v. stærð markaðarins, of margir bankar m.v. stærð markaðarins, of mörg tryggingafélög m.v. stærð markaðarins, of skuldug fyrirtæki alls staðar o.s.frv. endalaust. Þjóðfélagið er óhagkvæmt, ekki bara vegna þess hve landið er stórt og fámennt, heldur fyrst og fremst vegna þess hve illa við spilum úr, skipuleggjum okkur. Líka vegna þess að það er ekki alþingi eða almenningur sem stjórnar landinu, heldur fámennir þrýstihópar, flokkar eða hvað þær heita klíkurnar sem eru svo mikilvægar á hverjum tíma að allt snýst um þær. Þegar vel gengur eru það "flokkarnir" sem menn styðja, hvaða þvælu sem þeir bera á borð fyrir kjósendur, þegar illa gengur þá "verður að bjarga fyrirtækjum sem er ekki hægt að láta fara á hausinn" eins og það er kallað þegar þarf að ríkisvæða tapið af því að láta nokkra einstaklinga ræna einkafyrirtæki sín. Og svona má áfram telja.

Og þó þjóðin sé orðin gríðarlega vel menntuð þá er nú ekki nógu menntuð til að taka á öllu því sem er upp talið hér að ofan. Það er búið að mennta úr mönnum allar hugsjónir og skynsemi. Menntunin er seld almenningi sem leið til að ota sínum tota, komast upp um nokkra launaflokka og fá skrifborð, that´s all. Eins og afraksturinn er í menntakerfinu í dag held ég að hvergi sé eins miklum peningum illa varið í íslenskum ríkisrekstri og í menntakerfinu. Ekki er að furða þó íslenskt menntakerfi sé ekki mjög hátt skrifað í öðrum löndum.

Þetta allt veldur því að vöruverð er of hátt m.v. laun og fyrirtæki eiga samt erfitt með að greiða almennileg laun. Vöruverð og húsnæðisverð er þó lágt á Íslandi samanborið við flest önnur lönd í dag. Launin líka.

En það sem er þó alverst í dag er að við höfum leyft fámennum hópi manna að ræna þjóðina nánast öllum verðmætum í útrásinni sem endaði með bankahruni. Á meðan við gerum ekkert í því, tökum ekki á því máli, reynum að koma glæpamönnum bak við lás og slá eða endurheimta horfið fé er varla von að hitt allt lagist eða launin hækki.

Hér er allt í djúpum skít sem snýr að stjórnmálamönnum. Sama á við um verkalýðshreyfinguna. Þetta lið gerir ekkert í því að ná eigum þjóðarinnar til baka, hvort sem þeim var stolið úr lífeyrisjóðum eða bönkum eða í gegn um ríkissjóð eða með öðrum hætti. Það segja bara allir, þetta er ekki mitt mál. Það er einhver annar sem ber ábyrgð á þessu. Og meðan allir segja þetta og glæponarnir ganga allir lausir er ekkert hægt að hækka nein laun þó þess þurfi. Því það er látið gott heita að búið sé að ræna öllu sem nota átti til að greiða launin. Þetta er alveg eins og í villta vestrinu í gamla daga þegar lestarræningjar rændu lestirnar sem fluttu peninga til greiðslu launa. Nema á Íslandi er ekkert gert í að handsama ræningjana og ná í ránsfenginn. Þess vegna verður ekkert hægt að greiða hærri laun, sama um hvað verður samið, sama hve þurfandi fólk er, sama hvað sanngjarnt er.

Fólk vill sjá launin hækka