Hlutabréfamarkaðurinn er krabbamein viðskiptalífsins.

Það er furðulegt að hlutabréf í bönkum skuli lækka við það að setja eigi skárri reglur um starfsemi þeirra. En þessar reglur ganga m.a. út á að takmarka stærð fjármálafyrirtækja þannig að óhætt verði að láta þau gossa í gjaldþrot þegar stjórnendur hafa klúðrað málum í stað þess að leyfa fyrirtækjunum að verða svo stór að ríkissjóðir neyðist til að bjarga þeim. Þetta verðfall á mörkuðum núna vegna þessara aðgerða bendir til að markaðurinn hafi lítið traust á sjálfum sér og treysti fjármálafyrirtækjum illa til að standa á eigin fótum án framtíðaráskriftar að ríkisaðstoð.

Þetta sýnir vel hvílíkt krabbamein fjármálastarfsemi heimsins er orðin. Þetta er mein sem leggst á allt þjóðfélagið, hvort sem það er í USA eða á Íslandi. Þetta kerfi þarf að endurbyggja frá grunni. Heimurinn gengur ekki án peninga og hann gengur heldur ekki ef fjármálfyrirtækin bera enga virðingu fyrir peningum og háma þá í sig eins og sælgæti í stað þess að geyma þá fyrir rétta eigendur þeirra og endurlána gegn sanngjarnri þóknum eins og þeim ber með réttu að gera.

Þetta einfalda grunnatriði í bankastarfsemi, að fara vel með peningana, virðist löngu gleymt í bönkunum. Nú gengur allt út á að stela sem mestum peningum og láta svo aðra borga. Þetta er krabbamein fjármálastarfseminnar sem þarf að skera hraustlega í.

Obama hefur áhrif á hlutabréfaverð í bönkum

Fáum útþynnta dagskrá.

Það hlýtur að þjóna ríkisstjórninni vel að RÚV verði að þynna allt sitt efni út og fækka starfsfólki. Þannig verða litlir kraftar settir í málefnalega skoðun á hlutunum hjá þessum fjölmiðli. Þetta ætti að byggja vel undir spillinguna. Hún getur þá grafið hljóðlaust um sig í ríkisstjórnarflokkunum þegar búið er að takmarka tjáningarfrelsið með því að fjársvelta það.

Tíu-fréttir Sjónvarps styttar

Beint lýðræði 2520 ára á þessu ári. Þótti strax í upphafi of lýðræðislegt fyrir þá sem öllu vildu ráða.

Það var í kring um árið 510 fyrir Krists burð að Aþeningar tóku upp beint lýðræði fyrstir jarðarbúa að talið er. Þetta var að vísu ekki beint lýðræði fyrir alla, það voru bara karlmenn 18 ára og eldri, innfæddir Aþeningar, sem máttu greiða atkvæði. Á þessum árum voru Aþeningar taldir vera um 300 þús alls eða álíka margir og Íslendingar eru núna. Þegar konur, börn, 100 þús. þrælar, innflytjendur og aðrir óatkvæðisbærir voru frátaldir voru það þó um 50-60 þús. menn sem höfðu atkvæðisrétt og tóku þátt í hinu beina lýðræði.

Til að hægt væri að framkvæma beint lýðræði á þessum árum þurfti samfélagið (í þessu tilfelli borgríki) að vera nægjanlega samþjappað til að fólk gæti mætt á fundi og tekið þátt í atkvæðagreiðslum. Og svo þurfti það að vera nægjanlega sjálfstætt og frítt frá vinnu til að geta gefið sér tíma í þessa pólitík. Þar komu þrælarnir að góðum notum. Þeir sáu um vinnuna fyrir húsbændur sína og skópu þeim þannig tíma til að sinna pólitík.

Við innrás Rómverja í Aþenu lagðist lýðveldið af og herveldi Rómar réði ríkjum á svæðinu. Beint lýðræði var að vísu síðar tekið upp í nokkrum borgríkjum í Rómarveldi þar sem aðstæður leyfðu þetta fyrirkomulag. Og á 13. öld var þetta lýðræðisfyrirkomulag notað um skeið í Sviss. En almennt þótti þetta of lýðræðislegt fyrir stjórnvöld, þau vildu stjórna lýðræðinu og gátu það ekki ef allir voru þátttakendur í því. Þess vegna var það meira að segja aflagt þar sem hægt var að stjórna með því.

En lýðræði hefur að mestu þróast í þann farveg á undanförnum árþúsundum að fulltrúar hafa verið kosnir fyrir almenning, kallað fulltrúalýðræði. Þetta er einhvers konar millistig lýðræðis sem varð fyrir valinu af skiljanlegum ástæðum. Alls staðar utan smárra borgríkja var þetta eina leiðin um þúsundir ára til að framkvæma einhvers konar lýðræði. Það gátu ekki allir tekið þátt í stjórnun og ákvörðunum vegna þess að vinna leyfði það ekki, fjarlægðir leyfðu það ekki. Aðstæður hreinlega buðu ekki upp á það. Þá var skástur kostur að kjósa einn mann fyrir hvert hérað eða ætt eða stjórnmálaflokk seinna meir eða hvernig sem þessu var ráðið í hverju landi, til að fylgja eftir málum sinna umbjóðenda og taka þátt í lagasetningu og stjórnun landa.

Nú eru löngu komar aftur forsendur til að praktísera lýðræði eins og það var hugsað í upphafi. Upphaflega hugsunin á bak við lýðræði er beint lýðræði, að allur lýðurinn taki ákvarðanir. Allt annað en það er ekkert lýðræði. Fulltrúalýðræði er ekki það sama og lýðræði. Fulltrúalýðræði er einungis úrelt miðaldafyrirkomulag sem var tekið upp sem málamiðlun milli lýðræðis og einræðis af því aðstæður buðu ekki upp á lýðræði. Í dag er almenningur vel menntaður, vel upplýstur og tæknivæddur til að taka þátt í beinu lýðræði. Það er ekki meiri vandi fyrir almenning á Íslandi að taka þátt í lýðræðislegri stjórnun landsins en að fá sér kaffisopa á morgnana. Samt er ennþá haldið í löngu úrelt miðaldafyrirkomulag á stjórnun landsins og fólki talin trú um að það sé lýðræði.

Því miður þá spilla völd eins og sagt er. Stærsta spillingin á Íslandi er sú að völd eru nú notuð til að taka lýðræðið algerlega af þjóðinni. Þjóðinni er sagt af ólýðræðislegum stjórnvöldum að hún sé bara samsafn hálfvita sem hafi ekkert vit á landsmálum og sé ekki hæf til að taka þátt í að ákveða niðurstöðu mikilvægra mála sem geta varðað hag okkar um langa framtíð. Glæpamenn sem hafa steypt landinu í fjárhagslega glötun hafa keypt upp stjórnmálaflokkana. Þeir sem mótmæla spillingunni og lágkúru Alþingis eru ákærðir og skulu í fangelsi. Þetta er ekkert lýðræði, enda er ekki lýðræði á Íslandi núna. Það er okkur til skammar sem státum af elsta þjóðþingi í heimi að hafa glutrað niður lýðræðinu. Af hverju stöndum við ekki í lappirnar og komum alvöru beinu lýðræði í framkvæmd. Það er eina raunverulega lýðræðið og nú eru kjörskilyrði til þess, eins og fyrir gróður í votri hitabylgju að vori. Nú er til staðar almenn þekking, tækni og tími, að taka upp lýðræði á Íslandi.

Við erum ekkert vitlausari en Aþeningar voru fyrir 2520 árum. Tökum nú forystu í lýðræðisumbótum í heiminum og innleiðum alvöru lýðræði á Íslandi. Ég veit að þetta er of lýðræðislegt fyrir þá sem vilja ekki lýðræðislegt stjórnarfar. Hér eru einræðisherrar til hægri og vinstri í pólitík, kostaðir af alls konar ólýðræðislegum öflum sem munu berjast móti lýðræði. En þetta ólýðræðislega stjórnarfar höfum við haft frá fyrsta degi á Íslandi og nú hefur það komið okkur í þá stöðu sem við erum í. Því ættu menn að hugleiða að uppfæra þetta nærri 1200 ára gamla fyrirkomulag okkar sem nánast ekkert hefur breyst á öllum þessum öldum. Það hefur fyrr þótt ástæða til að endurbæta eða endurnýja 1200 ára gamla hluti. Tökum okkur saman um að koma á beinu lýðræði, hinu raunverulega lýðræði.

Hussein Obama farinn að hlusta á landsmenn, áður hlustuðu þeir á hann.

Nú eftir eitt ár í embætti hefur Hussein Obama helst unnið það sér til frægðar að vera óvinsælasti forseti allra tíma í Bandaríkjunum á þessum tímamótum þegar hann hefur verið í eitt ár forseti landsins. Þar með hefur hann staðið sig verr en bæði Richard Nixon sem varð að hrökklast úr embætti og George Walker Bush sem var orðinn frægur að endemum áður en hann varð forseti.

Þessi neikvæði lágpunktur á ferli Husseins Obama hefur þó haft það í för með sér sem verður að telja nokkuð gott, að hann er nú farinn að hlusta á þjóð sína. Nú hefur hann ákveðið að taka eitthvað á bankasukkinu og haga sér eins og almennilegur læknir sem fær krabbameinssjúkling á stofuna. Hann ætlar að reyna að lækna sjúklinginn af krabbameininu með alvöru meðölum. Ekki bara að segja sjúklingnum að allt sé í lagi og ævin verði góð framundan þó ekkert sé að gert. Sjúklingurinn finnur það nefnilega á sjálfum sér að það er ekki allt í lagi og krefst þess að reynt sé að lækna meinið.

Obama ætlar semsagt að gera tilraun til að koma einhverju skikki á fjármálastarfsemi Bandaríkjanna. Auðvitað verður það erfitt, þetta er krabbamein á háu stigi, næstum því ólæknandi. En samt er eina leiðin til að tjónka við það sú að reyna að lækna það með öllum tiltækum meðölum. Ef ekkert er að gert steindrepur það sjúklinginn hratt og örugglega.

Þetta er á skjön við það sem Hussein Obama er vanur. Hann hefur vanist því að fólk hlusti á hann og hylli hann og dásami. En nú hefur hann komist að því að sú hrifning nær skammt, hún var einungis tilkomin vegna væntinga sem hann byggði upp í kosningabaráttu sinni, ekki árangurs. Ef hann ætlar að starfa í 2 kjörtímabil í röð eins og algengt er í Bandaríkjunum þarf hann að sýna árangur. Árangur sem höfðar til kjósenda sem höfðu væntingar. Og þetta virðist hann nú loksins skilja nú þegar hann tekur afstöðu með þorra landsmanna í þessu máli. Hann er pínulítið í takti við Ólaf Ragnar Grímsson núna sem ákvað til tilbreytingar að standa á þjóðargjábakkanum en ekki þinggjárbakkanum þegar gjá myndaðist síðast milli þings og þjóðar.

Nú er það bara spurning hvenær Jóhanna Sigurðardóttir og Steingrímur J. Sigfússon fara að dæmi Husseins Obama og fara að hlusta á þjóð sína í stað þess að tala bara yfir henni.

Obama sækir að bönkunum

Sjóvá strax aftur gjaldþrota - nýtt met í stuttri endingu kennitalna.

Ef þetta er rétt að 90% af eiginfé Sjóvár sé bara hókus pókus tala í bókhaldinu og því svo bætt við að meðal annarra eigna fyrirtækisins eru skuldabréf mjög illa stæðra félaga eins og sveitarfélagsins Álftaness þá virðist nokkuð ljóst að nýja Sjóvá er nú þegar gjaldþrota. Þetta heitir líklega að nýja félagið sé andvana fætt og líklega verður það að fara í þrot fljótlega. Í guðanna bænum góðir Íslendingar, forðið ykkur frá að skipta við þetta félag. Það kemur öllum í koll að lokum. Og sennilega verður þetta nýtt met í stuttri endingu kennitalna hjá þetta stóru fyrirtæki.

Starfsleyfi óháð viðskiptavild

Ég býð fram útvarpsstöð til afnota fyrir gott fjölmiðlafólk og aðra áhugasama.

Það er ekkert gott við það að vera sagt upp störfum og ég hef fulla samúð með þessu fólki á RÚV sem reynt hefur að standa sig sem best í sínum störfum. Þó manni finnist nú ekki umræðan alltaf hafa verið hlutlaus eða skammlaus að öllu leyti þá held ég þó að allt þetta fólk hafi verið að reyna að gera vel þó oft hafi tekist að glepja því sýn eins og öðrum landsmönnum.

Ástæðan fyrir þessum uppsögnum er auðvitað sú ákvörðun ríkisstjórnarinnar að taka AGS og Icesave fram yfir fólkið í landinu. Að skera niður opinber útgjöld og borga þess í stað skuldir óreiðumanna. Að ríkisstyrkja og bankastyrkja gjaldþrota fyrirtæki útrásarvíkinga og nota þau til að drepa niður heilbrigðan fyrirtækjarekstur. Að refsa almenningi fyrir óreiðu útrásarvíkinga en sleppa þeim sjálfum alveg út fyrir alla lagaramma og -arma.

En ef einhver ykkar fjölmiðlafólks sem eruð að missa vinnuna og aðrir fjölmiðlamenn sem hafa lent í því undanfarið viljið spreyta ykkur í útvarpi áfram þá býð ég ykkur afnot af útvarpsstöð gegn hagstæðum samningum upp á hlut í tekjuöflun eingöngu. Um er að ræða stöð sem hefur þagað í rúmlega hálft ár en ætlar í loftið aftur fljótlega. Stöðin er með gott stúdíó og nær vel til um 80% landsmanna. Þið getið ráðið ykkar dagskrárgerð og aflað ykkur auglýsinga og tekna að vild. Hjá okkur er engin ofanstýrð dagskrárstefna með sumum og móti öðrum. Hver og einn fær að ráða sinni umfjöllun og segja sannleikann óbreyttan og óritskoðaðan. Stöðin er ekki ríkisrekin og ekki bankalánaafskrifuð reglulega og því algjörlega óháð opinberum aðilum og fjármagnsöflum.

Áhugasamir sendi póst á [e-mail]

Margir missa vinnuna á RÚV

Ljósi varpað á skjaldborgina.

Þá sjáum við skaldborgina betur, þegar þessu ljósi hefur verið varpað á hana. Hún virðist sem sagt reist um hagsmuni þingmanna og annarra gæðinga. Það er svo sem ekkert nýtt í því og ég hvet bara alla almenna skuldara til að hætta að borga af lánum sínum af yfirveðsettu húsnæði og fara frekar að dæmi ættingja þingmannsins. Kaupa eignir frekar á niðursettu verði og minnka þannig greiðslubyrðina en láta bankana hirða yfirveðsettu eignirnar. Það er það eina skynsamlega í stöðunni og sparar okkur skuldurum stórfé. Þetta er eina leiðin til að ná fram eðlilegri leiðréttingu á skuldunum. Röðum okkur í skjaldborgina með Birni og félögum. Húrra fyrir VG.

Sjá ennfremur síðustu færslu mína sem er einmitt um þetta sama mál.

Fengu húseignir á góðum kjörum

Hættið að borga af lánum, það borgar sig ekki. - Reiknið dæmið til enda.

Ég sá hér á netinu ágæta grein um ástandið á húsnæðismarkaði í USA. Þar kemur fram að búist er við að fleiri en nokkru sinni muni skila húsnæði sínu til bankanna á árinu 2010. Verð hefur fallið á húsnæði á sama tíma og vextir eru háir. Algengt er að fólk geti lækkað húsnæðiskostnað sinn um helming eða meira með því að skila lyklunum, hætta að borga af lánunum og kaupa aftur eða fara á leigumarkað. Og það sem mest athygli vekur í USA nú er að fólk er að hætta að greiða af lánum og skila húslyklum í stórum stíl vegna þess að það er fjárhagslega skynsamlegt, hagkvæmt. Þetta snýst ekki lengur eingöngu um greiðslugetu, heldur skynsemi.

Þar sem ekkert er verið að gera hér á landi til að koma til móts við lántakendur verð ég að mæla með að fólk skoði þessa leið. Í USA fara menn auðvitað á svartan lista vegna vanskilanna og það fylgir því kostnaður að fara í þrot, en þegar dæmið er reiknað til enda marg borgar það sig samt. Það sama á auðvitað við hér á landi, en ef það sparar stórar fjárhæðir að fara þessa leið, þá ber það líka vott um að lántakendur velja skynsemi fram yfir kúgun og það er mikils virði.

Sá heiðarleiki sem okkur flestum hefur verið innrættur, að borga skuldir okkar, hefur um langt skeið verið misnotaður af fjármálafyrirtækjum til að kúga fé af okkur. Við tökum lán á tilteknum forsendum og flest eða öll sjáum við fram á að geta greitt lánin til baka og að við séum að eignast það húsnæði sem við erum að borga fyrir með láninu. En fjármálafyrirtækin taka af okkur verðtryggingu langt umfram það sem þau sjálf telja að þau þurfi í upphafi, auk þess taka þau af okkur breytilega vexti af verðtryggðu lánunum. Eða þá að lánin eru gengistryggð og vextir breytilegir. Með þessum hætti hafa bankarnir hirt allt eigið fé af fjölmörgum skuldurum, fé sem menn hafa greitt út við kaup á íbúðum eða vinnu sem menn hafa lagt í eigið húsnæði.

Það var í eina tíð talinn jafnmikilvægur heiðarleiki að standa við samninga eins og að borga skuldir sínar. Nú hafa bankarnir löngu hætt þeim heiðarleika að standa við samninga, það gerðu þeir þegar samningarnir voru gerðir teygjanlegir og sveigjanlegir þeim í hag. Það hefur sýnt sig vel undanfarið. Bankarnir hafa flestir farið á hausinn og skipt um kennitölur. Þrotabú þeirra borga sáralítið af skuldum sínum, gert er ráð fyrir að þeir komist þó langt með að greiða forgangskröfur. Ríkisstjórnin leggur blessun sína yfir þetta sukk og svindl og stendur með bönkunum í blíðu og stríðu.
Ríkisstjórnin setti neyðarlög til að bjarga innistæðum á venjulegum bankareikningum þegar allt bankakerfið hrundi 2008. Með þessu var verið að velta megninu af hruninu yfir á skuldara. Hver trúir því að skuldarar geti einir borið hrunið ef þeir sem áttu peninga geta lítið sem ekkert borið?
Á sama tíma er verið að höfða til heiðarleika skuldara til að plata þá til að láta féfletta sig áfram.

Ég vil skora á alla skuldara að skoða það vel og vandlega hvort ekki borgi sig að hætta að borga af bankalánum. Þrátt fyrir svarta lista og jafnvel gjaldþrot. Þrátt fyrir að menn verði að yfirgefa húseignir sem þeir eiga hvort eð er ekkert í og fara á leigumarkað eða kaupa ódýrara húsnæði.
Ég er þess fullviss að ef ekkert verður aðhafst varðandi leiðréttingu skulda af íbúðarhúsnæði umfram það málamyndafix sem aðeins hefur örlað á þá er skynsamlegt fyrir fólk að hætta að borga af lánunum og fara að koma sér fyrir annars staðar.

Siðferðilega tel ég að ekkert sé athugavert við þetta í ljósi þess hvernig bankarnir hafa snúið út úr heiðarleika í viðskiptum, þetta er bara ein hliðin á hinum frjálsa markaði og öfluga kapítalisma sem við höfum tileinkað okkur á undanförnum árum. Spilum bara þann leik til enda, þá fer allt vel að lokum.

Hér er svo tenging á greinina um þetta í USA.
http://finance.yahoo.com/news/Strategic-Defaults-and-the-usnews-2190373684.html?x=0&mod=loans

Björgólfur að brenna inni með hlut sinn í þessu félagi og vantar meir pening.

Skv. erlendum fréttaveitum er Björgólfur (Novator) líklega orðinn of seinn að selja hlutinn í þessu félagi. Farsímamarkaðurinn er mettaður í Póllandi og þar að auki er búið að boða nýjar reglur, á þessu ári eða fyrripart næsta árs, um gjaldtöku farsímafyrirtækja sem eru taldar koma illa við P4, farsímafélag Novators. Þess vegna er hluturinn í félaginu til sölu, en af sömu ástæðum finnast engir áhugasamir kaupendur að þessum hlut. Önnur farsímafélög bíða bara átekta í rólegheitum, kaupa örugglega þegar verðið á hlutnum er orðið nógu hagstætt.

Sjá nánari upplýsingar hér t.d.
http://www.tradesignalonline.com/Markets/Story.aspx?id=553614&cat=5

Á sama tíma og þessi fjárfesting Björgólfs er að missa flugið eins og við erum orðin vön að sjá hjá honum er hann hér í Ríki Sínu að knýja á um að samþykkt verði sérstök lög um skattaafslátt og vildarkjör á öllu sem hann þarf frá þjóðinni til að reka gagnaver sitt í Reykjanesbæ. Nú hefur hann látið stöðva framkvæmdir við gagnverið til að reka á eftir þjóðinni að gera þetta lítilræði fyrir sig, að gefa sér meiri pening. Hann þarf alltaf meiri pening og meiri pening og meiri pening og meiri pening og meiri pening og m.................

Félag í eigu Novator til sölu í Póllandi

Svona umræða er nauðsynleg og góð fyrir okkur, tökum þátt í henni.

Ég tek undir með þeim sem telja að Ólafur Ragnar og Steingrímur hafi staðið sig vel í sjónvarpi í Bretlandi í kvöld. Nú er loksins verið að koma sjónarmiðum Íslands almennilega að í þessari umræðu á heimavelli Breta. Það er afar nauðsynlegt til að hægt sé að ná við þá sanngjörnum samningum.

Ég prófaði sjálfur að gefa komment á grein á Times Online í gær og lýsa þar mínum sjónarmiðum. Viðbrögð láta ekki á sér standa og það kom skemmtilega á óvart, á þessum degi þegar allt varð hálf vitlaust eftir því sem fjölmiðlar hér hermdu, að þeir sem hafa verið að lesa þetta og gera athugasemdir hafa verið mjög jákvæðir í garð Íslendinga og skilja að það þarf að kafa dýpra í þetta mál en bara að krefjast þess að Íslendingar borgi.

Hér er tenging á þessa grein.
http://business.timesonline.co.uk/tol/business/industry_sectors/banking_and_finance/article6977039.ece

Það eru fleiri Íslendingar sem koma stundum inn í umræðuna í Bretlandi eins og m.a. má sjá þarna á Times Online. En þetta er bara of lítið og handahófskennt.

Ég vil því skora á bloggara og þá sem lesa þetta að taka þátt í umræðunni í Bretlandi, eftir því sem þið treystið ykkur til, setja fram sjónarmið Íslendinga og gera Bretum grein fyrir okkar málstað. Taka á þessu með stjórninni nú þegar hún er loksins komin í réttan gír. Sýna samstöðu.
Kannski ættum við að skipta með okkur verkum, þannig að 1-2 bloggarar taki að sér að fylgjast með efni tiltekins fjölmiðils í Bretlandi og gera athugasemdir eða koma að efni eftir því sem hægt er til að koma okkar sjónarmiðum að. Þetta væri líka gott að gera í Hollandi, en sjálfsagt afar fámennur hópur sem hefur tök á því tungumálanna vegna. Nú er gott tækifæri til að láta í sér heyra á meðan talsvert er fjallað um málefni Íslands út af þessari fyrirhuguðu þjóðaratkvæðagreiðslu. Menn skilja það nú margir að það stendur í Íslendingum að borga það sem Bretar krefjast. Fólk vill gjarnan vita hvers vegna svo er og ef það er útskýrt vel þá skilja menn það líka vel.

Ólafur í kröppum dansi á BBC

Leiðinlegt hvað fólk á erfitt með að ná yfirsýn yfir mál.

Ég skil ekki hvað fólk er að æsa sig út af ákvörðun forsetans, hvort sem menn eru með eða á móti. Hann var sjálfum sér samkvæmur og hlustaði á stóran hluta þjóðarinnar sem bað um þjóðaratkvæðagreiðslu.

Það er nú strax farið að finnast á fréttaflutningi fjölmiðla um allan heim að þessi ákvörðun hans var rétt. Í gær var talsverður æsingur og stóryrtar yfirlýsingar út í loftið, aðallega frá fólki sem virðist alls ekki hafa kynnt sér á nokkurn hátt um hvað málið snýst, heldur að það sé verið að neita alfarið að borga nokkuð í þessu Icesave máli. Í dag eru menn að síga til jarðar aftur í umræðunni. Mér sýnist því augljóst að nú er að skapast nýr jarðvegur, nýtt tækifæri, til að vinna þetta mál af einhverju viti.

Ég ætla því að hvetja fólk til að halda ró sinni og leggja frekar lóð á vogarskálar þeirra sem vilja nú gera eina lokatilraun til að semja um þetta mál á raunhæfan og vitrænan hátt. Meira að segja fjármálaráðherrann virðist loksins skilja að hann þarf að fara og ræða málið og að hann hefur ekki frjálsar hendur til að samþykkja allt sem mótaðilarnir óska sér í þessu máli. Þetta er spurning um að semja um viðunandi lausn á vondu máli. Þar verða allir að fórna einhverju en það þýðir ekkert að Íslendingar séu látnir taka á sig meira en þeir ráða við.

Hættið því þessu Facebook fjasi, reynið að skilja hvað er mál og hvað ekki og grípið tækifærið sem forsetinn gaf ykkur til að gera gagn í málinu.

Facebook stríð um forsetann

Fitch metur sem svo að erfiðara sé að ræna af Íslendingum en áður.

Þeir segjast alla tíð hafa metið það sem svo að Icesave samningur væri forsenda til að endurreisa traust á Íslandi.

Þetta mat sýnir bara að þetta Fitch fyrirtæki er að meta það sem svo að erfiðara sé að ræna Íslendinga en áður var talið. Ég álykta allavega svo úr því að þessi fáránlegi, órökrétti Icesave samningur var svona álitlegur í þeirra augum. En með honum var verið að ræna Íslendinga peningum með því að heimta að þjóðin borgaði til baka peninga sem hún hefur aldrei fengið, og meira að segja miklu meira en lög og reglur ESB kveða á um. En þjóðin vill ekki láta ræna sig með þessum hætti, forsetinn vill það ekki heldur og þá koma svona fyrirtæki og lækka lánshæfismatið. Ég hef ekki áhyggjur af þessu. Það væri mun mikilvægara fyrir matsfyrirtækin að koma með mat á því hvernig hægt er að siðvæða reglukerfi fjármálaumhverfis heimsins til að svona vitleysa komi ekki upp aftur. Grunnvandinn er hjá fjármálakerfinu, ekki því að saklausir Íslendinga vilji ekki borga eitthvað sem reynt er að troða upp á þá.

Fitch lækkar lánshæfismat

Furðuleg yfirlýsing Jóhönnu.

Það vakti athygli mína í yfirlýsingu Jóhönnu forsætisráðherra núna áðan að í lok yfirlýsingarinnar sagði hún að ríkisstjórnin myndi fara að undirbúa að Icesave frumvarpið yrði lagt fyrir þjóðaratkvæði.

Þetta finnst mér nú fáránlegt skilningsleysi hjá forystumönnum stjórnarinnar. Það liggur fyrir að fumvarpið verður kolfellt í þjóðaratkvæðagreiðslu og það er því bara óþarfa vesen og kostnaður að fara með það þangað. Það þarf bara að draga þetta til baka og fara að vinna af viti í þessu máli.

En þetta viðhorf sýnir ágætlega hvílík veruleikafyrring er stundum í þessari ríkisstjórn.

Þetta skýrir kannski ágætlega hversu illa hefur til tekist af Íslands hálfu í þessum Icesave samningum. Í stað þess að kynna málstað Íslands almennilega fyrir viðsemjendum og semja a.m.k. um þetta í samræmi við lög og reglur, þá hefur bara verið reynt að troða því upp á þjóðina sem hinir samningsaðilarnir vilja fá framgengt.

Þessi ríkisstjórn er því miður óhæf. Ég hélt lengi vel að það væri bara út af tengslum Samfylkingarinnar við útrásina, en líklega er bara því miður ákveðinn hæfileikaskortur fyrir hendi þar að auki. Og það gengur ekki að manna alþingi og ríkisstjórn á þessum tímum með óhæfu fólki.

Endurreisnaráætlun í uppnám

Til hamingju Ólafur Ragnar Grímsson.

Ólafur með þjóðarvilja,
afstöðuna tók með sæmd.
JóSteina nú ætti að skilja,
að stjórnin hún er dauðadæmd.

Sómi landsins, sverð og skjöldur
ég hylli þig og heiður sýni.
Hafinn yfir pex og nöldur,
forseti vor, greindi og fíni.

Styrkur þinn er þjóðarhagur,
verðu áfram land og strönd.
Bráðum kemur betri dagur,
betri tíð við sjónarrönd.

Staðfestir ekki Icesave-lög

Samspillingin í vanda.

Eigi Ísland að fara inn í ESB að uppfylltum hliðstæðum skilyrðum og Króatía þarf Samfylkingin líklega að byrja á að byggja fangelsi fyrir sína forystumenn og koma þeim þangað inn og henda lyklunum áður en möguleiki verður á að við komumst í ESB. Ef taka þarf á spillingu og óeðlilegri bankastarfsemi þurfa Íslendingar reyndar að byggja upp nýtt fjármálakerfi og nýtt stjórnkerfi, ætli þeir inn í ESB. Svo mikil er nú spillingin og sukkið hér að þessir 4 milljarðar í Króatíu myndu varla ná inn í nokkurn fréttatíma hér eða verða nokkurn tíma að ástæðu til að handtaka nokkurn mann. Allavega hefur enginn verið handtekinn út af 10-50 sinnum stærri málum hérlendis sem þó eru sambærileg að því leiti að óhófleg lán voru veitt vinum út á litlar eða engar raunverulegar tryggingar.

En ESB umsóknin fer að verða skrýtið mál ef umsækjendurnir þurfa að láta læsa sjálfa sig inni til langframa svo þeir geti uppfyllt nauðsynleg skilyrði til að koma þessu gæluverkefni í framkvæmd. Og þá þurfa þeir að loka sig inni með bestu vinum sínum, þeim Jóni Ásgeiri glæpamanni og Bjórgólfi Thor Icesaveskuldara. Það verða líklega ekki margir þekktir menn úr viðskiptalífi og stjórnmálum sem enn ganga lausir þegar ESB kveikir loksins græna ljósið fyrir Ísland til að ganga í sambandið ef nauðsynlegt er að taka á spillingu til að fá straum á þetta græna ljós.

Og þannig á þetta lið sem gekk harðast fram í að koma landinu á hausinn enn eftir að kosta okkur ómælt fé, hvernig sem fer, hvort sem það gengur laust eða ekki. Það kostar víst upp undir 30 þúsund kall dagurinn í steininum. Það er alveg ótrúlegt hvernig sumir geta einhvern veginn tryggt sér að verða eilíflega á opinberu framfæri, hvort sem þeir eru í afskrifuðum og ríkisstyrktum viðskiptum eins og Jón Ásgeir glæpamaður og Bjórgólfur Thor eða þeir eru í steininum eins og líkur eru á að báðir þessir menn verði innan fárra ára. Það virðist bara ekki vera hægt að komast hjá því að hafa þá á framfæri þjóðarinnar.

Króatískir bankamenn handteknir