#6791 - Kirkjan uppsker eins og hún sáir.

Biskup hefur áhyggjur af þverrandi trausti á kirkjuna. Almenningur hefur áhyggjur af því að kirkjunni sé ekki treystandi því mörg vandræðamál hafa komið upp í kirkjunni á undanförnum árum sem biskupi hefur mistekst að taka skynsamlega á. Þá er það ekki til að auka traustið að daglega má lesa í fjölmiðlum nýjar fréttir af afbrotum og misnotkun kirkjunnar manna í öðrum löndum.

Auðvitað er þetta allt saman áhyggjuefni og verst að refsivöndur Guðs virðist litt ná til kirkjunnar manna. Það er þar sem afstaða almennings ræðst. Ráði yfirstjórn kirkjunnar ekki við að taka á alvarlegum brotum innan kirkjunnar eftir því sem landslög og almenn siðferðisvitund býður að gert sé þá er eðlilegt að traustið á kirkjunni þverri. Fyrirgefning syndanna er vissulega góð og göfug, en stundum þarf fleira til.

Mikil umræða er um afstöðu frambjóðenda til stjórnlagaþings til aðskilnaðar ríkis og kirkju. Mín skoðun er sú að ég vil setja í stjórnarskrána ákvæði sem gerir þjóðinni kleyft að ákveða það sjálf hvernig hún hagar tengslum sínum við trúfélög. Þetta er einfaldlega þannig að ég vil að þjóðin ákveði í þjóðaratkvæðagreiðslu hvort hún heldur eða slítur sambandi sínu við þjóðkirkjuna.

Þeir sem vilja koma með hugmyndir eða tillögur um þetta mega koma með þær á:
www.austurvollur.is/lindal
www.almannathing.is
www.facebook.com/stjornarskra

Þverrandi traust áhyggjuefni

#6791 - Getur hún verið forseti ef hún er ekki fær um að passa póstinn sinn?

Er hægt að treysta Palin fyrir ríkisleyndarmálum og öðru sem fylgir starfi forseta Bandaríkjanna ef hún getur ekki passað tölvupóstinn sinn betur en svo að menn geta skoðað hann með einföldu giski á aðgangsorðið?

Vilja lesendur setja í stjórnarskrá ákvæði um vernd persónuupplýsinga og friðhelgi einkalífs?

Þeis sem hafa skoðun á þessu mega koma með hana á:
www.austurvollur.is/lindal
www.almannathing.is

Braust inn í tölvupóst Palin

#6791 - Jóhannes í Bónus að spilla góðu sambandi Íslands og Færeyja?

Þá er Jóhannes í Bónus búinn að kaupa SMS í Færeyjum, skuldlaust og vel rekið félag. Hvað skyldi nú vera langt þangað til búið verður að skuldsetja félagið upp í rjáfur og mjólka út úr því allt sem hægt er eins og gert var með ótalmörg íslensk félög á undanförnum áratug? Það verður fróðlegt að fylgjast með því.
Ég óttast að Jóhannes í Bónus sé nú að flytja út gamalgróna íslenska aðferð við að koma góðum fyrirtækjum í þrot, koma þeim á forræði banka og ríkis en hirða úr þeim allt verðmæti fyrst.

Færeyingar hafa reynst okkur traustir vinir og nágrannar og stutt okkur í öllum áföllum og vandræðum um árabil. Mun Jóhannes geta stýrt þessu fyrirtæki þannig að það valdi ekki gremju Færeyinga og vinslitum við Íslendinga?

Hefur greitt fyrir helmingshlut í SMS

#6791 - Íslendingar í megrunarferðir til útlanda?

Ég sá hér frétt um að það sé svo dýrt að borða á Kastrup í Danmörku að Íslendingar hafi verið að neita sér um matarkaup þar undanfarið.

Kannski eru tækifæri núna til að fara í megrunarferðir til útlanda. Það er alþekkt að fólk sem vill grenna sig á oft í mesta basli með það. Fellur í alls konar freistingar, hreyfir sig of lítið og hreinlega klikkar á prógramminu.

En núna er gengisskráningin orðin eðlilegri en var hér áður fyrr. Það er farið að kosta helling að ferðast til útlanda. Því dettur mér í hug að það mætti kannski skipuleggja megrunarferðir til útlanda núna, búa til nýjan megrunarkúr fyrir þá sem eiga erfitt með að komast í gegn um hefðbundna kúra.

Uppskriftin gæti verið þessi.

Ódýrasta flugfar Keflavík-Kaupmannahöfn-Keflavík, sem völ er á. Þá er ekki hægt að breyta miðanum til að komast fyrr heim ef menn höndla ekki kúrinn.

Einn mánuður í Danmörku á ódýru hóteli með engan morgunverð að vetri til. Lúxushótel er of dýrt fyrir Íslendinga, ekki hægt að svindla á því.

Strætó um bæinn, það þarf alltaf að ganga eitthvað líka þegar strætó er notaður. Bílaleigubílar og leigubílar eru of dýrir fyrir Íslendinga í dag, ekki hægt að svindla á því.

Fólk heldur á sér hita inni á hótelinu með hreyfingu. Ódýru hótelin eru yfirleitt illa kynt og veturinn frekar kaldur. Ekki hægt að svindla á því.

Búðarráp kl. 13.00-19.00 alla daga án þess að kaupa neitt. Blankheitin tryggja að ekki er hægt að svindla á því.

Næturlífið skoðað á kvöldin, diet kók eða bjór með því. Það er alltaf hægt að skemmta sér aðeins þó menn séu blankir.

Þessi kúr ætti að vera pottþéttur fyrir þá sem virkilega eiga erfitt með að klára megrunarkúra en vilja grenna sig eitthvað. Mikil hreyfing og lítill matur, enginn peningur og ekki hægt að svindla á kúrnum.

Mikil fjölgun erlendra ferðamanna

#6791 - Kreppa í náttúrunni líka?

Nú þrengir svo að fílum á Indlandi að það veldur átökum á milli þeirra. Segja má að í náttúrunni sé komin upp kreppa. Hún er því ekki lengur bara hjá mannfólkinu.

Er það ekki vísbending til okkar að eitthvað verulegt sé að í heiminum þegar dýrin eru farin að berjast innbyrðis vegna afleiðinga gjörða mannanna?

Vilja Íslendingar setja í stjórnarskrá ákvæði um náttúru landsins og auðlindir, friðun og nýtingu, samspil þjóðar og náttúru?

Þeir sem hafa skoðanir á þessu mega viðra þær á:
www.austurvollur.is/lindal
www.almannathing.is

Fílar börðust í tvo tíma

#6791 - Heimsveldin í vörn.

Bandaríkjamenn eru óumdeilanlega öflugasta herveldi heimsins ennþá. En á öðrum sviðum eru aðrir að verða sterkari. Bandaríkin eru í vörn á efnahagssviðinu. Endalausar skuldir ríkisins til að viðhalda hermættinum grafa undan atvinnu og stöðugleika í landinu. Fjárfestar í Bandaríkjunum óttast gríðarlegt tap ef dollarinn verður mikið óstöðugri en hann nú þegar er. Þess vegna er Obama nú enn einu sinni að reyna að tala Kínverja til. Þeir eru með (handónýtan) gjaldmiðil sem þeir handstýra genginu á. Þessi gjaldmiðill hefur fært Kínverjum langt efnahagslegt blómaskeið, eflt landið og styrk þess á öllum sviðum. Nú er svo komið að þróun efnahagsmála í Bandaríkjunum er jafnt undir Kínverjum komin sem Bandaríkjamönnum. Vöxtur í efnahagslífi Bandaríkjanna veltur á því að Kínverjar leyfi hann með því að breyta gengi júansins til að dollarinn og bandaríks framleiðsla verði aftur samkeppnisfær.

Obama er ekki valdamesti maður heims þó hann sé öflugasti herforinginn. Hu Jintao forseti Kína er valdamesti maður heims í dag að flestra áliti. Hann leyfir ekki Obama að hirða þann titil af sér. Obama er að reyna að tala Hu Jintao til, grátbiður hann um að aumka sig yfir Bandaríkin og hjálp við að endurreisa efnahagslífið. Ef Hu Jintao hlýðir Obama, gerir það sem hann biður um þá er Obama aftur orðinn valdamesti maður heims. Þess vegna mun Hu Jintao ekki hlýða Obama. Þess vegna verður áfram ólga í efnahagslífi heimsins. Menn eru að átta sig á því bæði í USA og ESB að Kínverjar ráða nú mestu um þróun efnahagsmála í heiminum.

Vilja lesendur setja í stjórnarskrá ákvæði um samleið Íslands með ESB frekar en USA eða Kína í framtíðinni?

Þeir sem hafa skoðun á þessu mega koma með tillögur á:
www.austurvollur.is/lindal
www.almannathing.is

Leiðtogar G20 ræða gjaldeyrismál

#6791 - Mín vísbending er þessi..

Í þessari frétt um aukningu í kortaveltu er því slegið fram sem hugsanlegri skýringu að hún sé vísbending um að einkaneysla sé að aukast. Sérstaklega er tiltekið að aukninguna megi að mestu rekja til aukningar í erlendri kortaveltu.

Mín tilgáta er sú að þessi aukning í kortveltu sé aðallega til marks um að Íslendingar sem hafa flúið til Noregs hafi það betra þar en á Íslandi, svo gott að þeir séu aftur farnir að nota kreditkortin.

Kannski er þetta rétt hjá bankanum og rangt hjá mér eða öfugt eða eitthvað allt annað að baki sem skýrir þetta.

En það væri nú gaman að fréttir en ekki getgátur um þróun efnahagslífsins. Allt of oft er verið að mata okkur með upplýsingum sem lítill eða enginn fótur er fyrir. Þannig er það núna, núna fá bankarnir að telja okkur trú um að aukning í kortaveltu erlendis sé til marks um það að við séum að komast á fulla ferð út úr kreppunni. Væntanlega á svo að nota þessar órökstuddu vísbendingar um að kreppan sé að baki til að telja okkur trú um að ekkert þurfi meira að gera fyrir skuldara. Þvílíkt bull.

Ef þið hafið eitthvað fram að færa til stjórnlagaþings um tjáningarfrelsi og fjölmiðla má koma með hugmyndir á:
www.austurvollur.is/lindal
www.almannathing.is

Einkaneysla að aukast

#6791 - Kreppan er bönkunum að kenna, nema í I-1 ríkinu?

Leiðtogar G20 ríkjanna vísa ábyrgðinni á kreppunni á fjármálastofnanir fyrst og fremst. Þær kunnu ekki að fóta sig í því frelsi sem þær hafa fengið til að höndla með fé.

Þess vegna á nú að herða reglurnar aftur, auka eftirlitið, minnka frelsið, passa betur upp á bankamenn.

Á Íslandi erum við ekki í hópi G20 ríkjanna. Miðað við aðgerðir stjórnvalda hér eftir kreppu er ekki að sjá að íslensk stjórnvöld kenni bönkunum um kreppuna. Hér er dekrað við bankana, skattborgarnir og skuldarar gerðir að þrælum bankanna. Hér má ekki láta fjármálakerfið bera skellinn af eigin mistökum. Hér er alltaf spurt þegar krafist er sanngjarnra viðskiptahátta fyrir skuldara, hver eigi að borga fyrir það? Menn vilja auðvitað ekki að ríkið borgi leiðréttingu skulda, menn vilja ekki að skattgreiðendur borgi leiðréttingu skulda og svo er fámennur hópur sem vill alls ekki að bankarnir leiðrétti skuldirnar. Það þykir sumum vitlausast af öllu að þeir sem sendu skuldurum reikning fyrir 50-150% álagi á skuldirnar, dragi þann reikning til baka. Þó er það auðvitað það eina sem vit er í. Það er í anda þess sem leiðtogar G20 ríkjanna telja rétt. En við erum bara í öðrum hóp en G20, við erum í I-1 hópnum, eina landið í þeim hóp. Þess vegna gildir allt annað um kreppuna hér.

Vilja menn sjá í stjórnarskrá sterkari ákvæði um eignarrétt einstaklinga? Viljum við að stjórnarskráin komi í veg fyrir að fjármálastofnanir geti sent almenningi reikning fyrir upptöku alls eigin fjár í heimilum sínum:

Þeir sem hafa tillögur um þetta mega koma með þær á:
www.austurvollur.is/lindal
www.almannathing.is

Styðja hertar fjármálareglur

#6791 - Tímdu þeir ekki að nota stærri loftstein?

Mér finnst það hefði alveg mátt nota stærri loftstein en 5 kg. stein sem hornstein í bygginguna úr því það var notaður loftsteinn á annað borð.
Það var hins vegar vel við hæfi láta geimveruna hjá borginni flytja ávarp þegar loftsteinn var lagður sem hornsteinn að byggingunni. Sá eini sem ég sé ekki að hafi átt heima á þessari samkomu var forsetinn. Hann er hvorki loftsteinn né geimvera. Kannski var hann þarna af því hann er geimsteinn í samkvæmishring frá London.

Annars óska ég HR til hamingju með húsið, vona að það standi fyrir sínu þó eftir sé að finna út hvernig á að borga það.

Hafa lesendur skoðun á því hvort setja á reglur um loftsteina og geimverur í stjórnarskrá Íslands? Þeir sem hafa skoðun á þessu mega koma með tillögur á:

www.almannathing.is
www.austurvollur.is/lindal

Hornsteinn lagður að nýbyggingu HR

#6791 - Lítur Reykjavík út eins og Akrópólís þegar vinnupallar rísa aftur í borginni?

Blómaskeið Aþenu og Akrópólishæðar er löngu liðið. Grikkland má muna sinn fífil fegri. Hvað verður hnignunarskeið Íslands langt áður en vinnupallar rísa aftur í Reykjavík sem forðum?

Viljum við setja í stjórnarskrána ákvæði um að tryggja fólki atvinnu, jafnvel þegar atvinnuleysi er mikið, eða eigum við að láta gott heita að greiða atvinnuleysisbætur án þess að unnið sé samhliða bótunum? Er hollt fyrir fólk að venja sig við aðgerðaleysi og bætur?

Þeir sem hafa skoðanir á þessu mega koma með þær á:
www.austurvollur.is/lindal
www.almannathing.is

Vinnupallar aftur reistir á Akrópólis

#6791 - Meiri kreppa, meira atvinnuleysi. Hvenær vaknar Þyrnirós?

Þyrnirós svaf heila öld á meðan þyrnigerðið hóf sig hátt.
Er þetta fyrirmynd Jóhönnu við landsstjórnina?
Ætlar hún að sofa af sér vandamálið?
Ætlar hún að sofa meðan þyrnar kreppunnar stinga landsmenn?
Heldur hún að eftir þennan svefn vakni hún aftur ung og fögur eins og Þyrnirós?

Þessi kreppa er ekkert barnaævintýri.

Eigum við að setja í stjórnarskrá ákvæði sem gera almenningi kleyft að vísa ríkisstjórn frá völdum þegar okkur finnst hún sofandi en ekki vakandi yfir okkar málum?

Þeir sem hafa tillögur um þetta mega koma með þær á:
www.austurvollur.is/lindal
www.almannthing.is

25% fyrirtækja ætla að segja fólki upp

#6791 - Hvít lygi hjá PFS.

Ég hef reynslu af því að PFS telur sig stundum ekki þurfa að fara eftir gildandi reglum eða stjórnvaldsákvörðunum í sínum ákvörðunum. Það er því ekki alveg rétt sem þeir eru að segja bóndanum í Breiðuvík.

Í ákvörðun PFS vegna kæru Lýðvarpsins vegna tíðnileyfis var það efnisleg niðurstaða PFS að þeim bæri ekkert sérstaklega að fara eftir gildandi reglum eða útgefnum leyfum, heldur bæri okkur (Lýðvarpinu) að hafa sérstakt eftirlit með því að opinberir aðilar fari að lögum, reglum og eigin ákvörðunum. Eiginlega var okkur sagt að bera sjálfir póst á milli stjórnsýslustofnana sem eru nánast í kallfæri innan Reykjavíkur ef við ætluðumst til að hann bærist á milli þeirra. Það er því ekki skrítið þó stofnuninni finnst erfitt eða óþarft að dreyfa pósti á vestfjörðum.

Eigum við að setja í stjórnarskrá ákvæði um skyldur opinberra aðila til að framfylgja eigin ákvörðunum, lögum og reglum, eða leyfa þeim að varpa áfram ábyrgðinni á að stjórnsýslan gangi eðlilega fyrir sig, á viðskiptavinina.
Eigum við að setja ákveðnar kröfur um vandaða stjórnsýslu í stjórnarskrána?

Þeir sem hafa hugmyndir um þetta mega setja þær inn á:
www.austurvollur.is/lindal
www.almannathing.is

Fara verður eftir reglunum

#6791 - Ójafnræði líka á RÚV.

Það er ekki bara hjá dómstólum sem misvísandi reglur virðast gilda um hliðstæð mál.

Það er líka þannig hjá RÚV. Þar virðist nú allt í einu vera farið að segja upp sumum starfsmönnum sem ekki þykja yfir hlutleysi hafnir í störfum sínum. Tveimur var nýlega sagt upp af slíkum sökum.

Hins vegar eru aðrir og áhrifameiri sem hafa lýst yfir að þeir hafi stutt til þingsetu aðila sem þeir hafa verið duglegir að ræða við í þáttum sínum á sama tíma og þeir vildu ekki tala við þá sem þeir studdu ekki. Þannig má ekki bara draga hlutleysi viðkomandi í efa, heldur er augljóst að sumir komast upp með það að misnota RÚV með því að nota vinsæla umræðuþætti sína til að plata ákveðna aðila og sjónarmið inn á kjósendur sem standa í þeirri trú að þeir séu að greiða nefskatt fyrir útgerð á hlutlausum fjölmiðli.

Hefur útvarpsstjóri ekkert faglegt nef fyrir rekstrinum á RÚV? Er hann bara eins og hver önnur rjómaterta þarna? Ræður hann ekki við að kenna starfsmönnum sínum hlutlausa umfjöllun? Finnst honum í lagi að starfsmenn hagnýti vinsæla þætti og dreyfikerfi hins hlutlausa miðils allra landsmanna sem nær um allt land til að koma á framfæri prívatskoðunum sínum?

Ef einhver hefur skoðanir á því hvort setja á reglur um hlutleysi og jafnræði ríkisfjölmiðla í stjórnarskrá má koma með þær á:
www.austurvollur.is/lindal
www.almannathing.is

Jafnræðis ekki gætt í nafnbirtingum?

#6791 - Hátíðahöld í Háskólanum í dag, þrátt fyrir að eigandinn sé að fara á hausinn.

Kl. 17.00 í dag á að leggja hornstein í nýbyggingu Háskólans í Reykjavík við hátíðlega athöfn, sama dag og fréttir eru fluttar af því að eigandi háskólabyggingarinnar, eignarhaldsfélagið Fasteign, hafi sagt upp öllum starfsmönnum vegna fjárhagsvandræða. Á sama tíma hefur HR mistekist að ná samkomulagi við Háskólann á Bifröst um hagræðingu sem þó er báðum skólunum lífsnauðsynleg. Eru hátíðahöld í dag viðeigandi?

Það er ljóst að mikill vandi steðjar að eignarhaldsfélaginu Fasteign, það mun annað hvort fara í þrot eða eigendur þess koma því til bjargar með einhvers konar fjárhagsaðstoð, hvernig sem farið verður að því nú þegar allir eigendurnir hafa við ærinn vanda að glíma nú þegar.

Í gær heyrði ég að Landsvirkjun fái ekki enn lán vegna Búðarhálsvirkjunar. Það er ljóst að kreppan er enn að versna á sumum sviðum, a.m.k. hjá félögum og fólki í fasteignarekstri og mannvirkjagerð. Þau glíma við vaxandi skuldir og verkefnaleysi. Það er spurning hvort tekst að klára Hörpuna næsta vor eins og stefnt er að, eða hvort kreppan kemur meira þar við sögu.

Þessar fréttir af uppsögnum og fjárhagsvandræðum sem enn berast flesta daga eru þvert á fullyrðingar ríkisstjórnarinnar um að botni kreppunnar sé náð og hagkerfið á vendipunkti eða kreppunni lokið. Ofan á allt þetta bætist svo að niðurskurður ríkisins sjálfs er varla byrjaður ennþá, hann kemur fyrst til sögunnar að ráði á næsta ári. Verður það þá fyrsta uppgangsárið eftir kreppu?

Það er eitthvað í þessu öllu sem gengur ekki upp. Það er einhver að ljúga þegar því er haldið fram að kreppu sé lokið á sama tíma og staða fyrirtækja versnar stöðugt, fleiri missa atvinnu og ríkið þarf að skera meira niður.

Á að setja skýrari reglur um upplýsingaskyldu og sannleiksgildi opinberra upplýsinga í stjórnarskrá?

Þeir sem hafa skoðun á því eru beðnir um að setja hana inn á:
www.austurvollur.is/lindal
www.almannathing.is

Starfsfólki Fasteignar sagt upp

#6791 - Gerum Reykjavík að höfuðborg landsins?

Hvergi er í stjórnarskrá eða landslögum minnst á að nokkur staður á Íslandi sé höfuðborg landsins. Kannski er engin þörf á höfuðborg í eins litlu landi og Íslandi. Samt er alltaf talað um Reykjavík sem höfuðborg landsins. Er einhver borg á Íslandi, eru það ýkjur að kalla Reykjavík borg, hvað þá höfuðborg? Er Reykjavík ekki bara aðeins stærra þorp en hin þorpin í landinu okkar?

Eigum við að staðfesta með formlegum hætti í stjórnarskrá að Reykjavík sé höfuðborg landsins? Eigum við að setja í stjórnarskrá einhverja skilgreiningu á réttindum og skyldum Reykjavíkur sem höfuðborgar?

Þeir sem hafa skoðanir á þessu mega koma með þær á:
www.almannathing.is
www.austurvollur.is/lindal

Hefði ekki blásið miðstöð af