#6791 - Eignaupptaka hjá skuldurum.

Þó það sé ekki fullljóst hvaða leiðir er verið að skoða, það kemur líklega betur í ljós á morgun, þá virðast þær allar miða við fulla upptöku á eigin framlagi almennings í íbúðarhúsnæði sínu. Eigið fé þeirra sem hafa tekið lán fyrir um 50% af kaupverði eigna eða meira á síðustu árum fyrir hrun, hefur algjörlega horfið í verðbólgu, gengisbreytingum og verðfalli eigna. Það er ekki að sjá að nein tilraun sé gerð til að leiðrétta þetta eignarnám í þeim tillögum sem fyrir liggja. Þetta er hið nýja íslenska réttlæti norrænu velferðarstjórnarinnar.

Það er engin tilraun gerð til að koma með sanngjarnar lausnir eins og verðtryggingu launa eða afnám verðtryggingar lána til að samræma útreikninga á tekjum og skuldum og leiðrétta mismunandi verðmæti tveggja gjaldmiðla í landinu sem eru óverðtryggðar krónur og verðtryggðar.

Er þessi eignaupptaka hjá almenningi stjórnarskrárbrot?

Á að setja í stjórnarskrá ákvæði um heimildir til svona eignaupptöku. Á að fjalla í stjórnarskrá um fjölda innlendra gjaldmiðla í umferð?

Þeir sem hafa tillögur um þetta mega koma með þær á:
www.almannathing.is
www.austurvollur.is/lindal.

Vaxtabótahækkun árangursríkust

#6791 - Hvað segir stjórnarskráin um erlenda íhlutun í málefni Íslands?

Er það eðlilegt að erlend hagsmunasamtök fái að eyða hér fúlgum fjár í að reka áróður fyrir hagsmunum sínum? Er verið að sniðganga lög eins og Vigdís Hauksdóttir heldur fram? Er hægt að vega og meta sjónarmið vegna ESB aðildar á sanngjarnan og hlutlausan hátt þegar fylgjendur ESB aðildar fá ómældan fjárstuðning á móti blönkum andstæðingum aðildar. Er þetta eðlileg íhlutun í okkar mál?

Verður Ísland keypt inn í ESB? Er ESB ekki nógu spennandi kostur til að Íslendingar falli fyrir aðild nema verða keyptir inn með tugmilljarða áróðursherferð?

Hvað segir stjórnarskrá Íslands um svona stöðu? Hvernig vill fólk að tekið sé á þessu í stjórnarskrá? Þeir sem hafa tillögur um það mega koma með þær á:
www.almannathing.is
www.austurvollur.is/lindal.

Lögbrot eða ekki lögbrot

#6791 - Semjum við Butyrka!! - Hættum við nýtt fangelsi á Íslandi fyrir útrásarvíkinga.

Það er greinilega ágæt aðstaða í þessu Butyrka fangelsi. Notum tækifærið og leitum samninga við rússnesk yfirvöld um að nota þetta fangelsi fyrir útrásarvíkinga okkar þegar við komum lögum yfir þá. Það er óþarfi að byggja fyrir þá nýtt fangelsi hér eins og nú stendur til að gera. Frestum fangelsisbyggingunni í kreppunni, sýnum ráðdeild í ríkisútgjöldum og leitum tilboða í langtímavistun útrásarvíkinga í Rússlandi. Lögðu þeir ekki hvort eð er grunninn að útrásinni þar m.a.?

Ef menn vilja setja í stjórnarskrána einhver ákvæði um þáttöku Íslands í alþjóðasamstarfi í löggæslu- og dómsmálum má koma með tillögur um það á:
www.almannathing.is
www.austurvollur.is/lindal.

„Er Butyrka að breytast í heilsuhæli?“

Tjáningarfrelsi eða lygar - hvar eiga mörkin að vera?

Ég hef enga sérstaka skoðun á þessum tilteknu málum sem fjallað er um í fréttinni, hvort dómar um þau á Íslandi voru réttir eða rangir.

En eitt af því sem verður á dagskrá stjórnlagaþings vegna nýrrar stjórnarskrár verður örugglega tjáningarfrelsið. Hvað á tjáningarfrelsið að ná langt, hvernig sköpum við rými fyrir tjáningarfrelsi án þess að það megi nota til að búa til eða breiða út tilhæfulausan óhróður um fólk eins og sumir fullyrða að sé stundum gert og dómar hafa staðfest?

Það eru allir sammála um að vilja hafa víðtækt tjáningarfrelsi og við erum líka sammála um að þeir sem tjá sig geri það af ábyrgð og misnoti ekki tjáningarfrelsið. Þess vegna vil ég að stjórnarskráin heimili öllum að tjá sig að vild um sannleikann. En lygina verða menn að varast, stjórnarskráin verður líka að verja borgarana fyrir lygum.

Þeir sem vilja koma með nánari hugmyndir um tjáningarfrelsið fyrir stjórnlagaþing mega koma þeim á framfæri á:
www.almannathing.is
www.austurvollur.is/lindal

Tvö íslensk mál til Mannréttindadómstólsins

Hvort er betra að njóta peninganna eða hafa áhyggjur af hvort fjárfestar eða ríkið tapi þeim?

Ég held það sé um þessar mundir best að njóta peninganna frekar en að láta ríkið eða fjárfesta geyma þá í sjóðum eða skuldabréfum.

Þeir sem eyða peningunum fyrir sjálfa sig, í að laga húsið, skemmta sér, ferðast, fá sér gæludýr eða drekka rauðvín eins og VB nefndi, eru að njóta þeirra og hafa kannski einhverja ánægju af að sjá peningana sína hverfa.
Svo er góður kostur að nota peningana í einhvern rekstur, framleiða eitthvað af viti, vöru eða þjónustu.
Í öllu falli hefur þetta allt þau jákvæðu aukaáhrif að skapa störf og hressa við efnahagslífið.

En hinir sem vilja treysta bönkunum eða ríkinu fyrir peningunum hafa bara áhyggjur og naga neglurnar þangað til peningarnir tapast. Þá sjá menn eftir að hafa ekki eytt þeim sjálfum sér til ánægju og gleði.

Og svo eru alltaf þeir sem stefna á að taka með sér fúlgur fjár í gröfina og geyma kannski seðlana undir koddanum. Nú er erfðafjárskatturinn að hækka umtalsvert þannig að skattstjóri fer líklega að verða áberandi í jarðarförum hjá svoleiðis mönnum til að sækja hlut ríkisins, leita í kistunni að því sem menn taka undir græna torfu með sér.

Það er engin leið að geyma peninga á Íslandi í dag af neinu öryggi. Þess vegna er best að eyða þeim, njóta þeirra.

Ríkisskuldabréf eða bara rauðvín?

Aðalmálið í næstu samningum að verðtryggja öll laun eða afnema alla verðtryggingu.

Burtséð frá samstarfi launþegasamtaka þá sýnist mér að aðalmálið í næstu kjarasamningum verði að endurskoða verðtrygginguna. Nú er verðtryggingin búin að kosta marga launþega aleiguna á örfáum árum vegna þess að lánin eru verðtryggð en ekki launin, nema hjá litlum hópi manna. Er þá ekki ráð að fara að verðtryggja öll launin líka eða afnema alveg verðtrygginu?

Þetta hlýtur að verða aðalmálið í næstu kjarasamningum. Til hvers að semja um nokkrar krónur í launahækkanir í óbreyttu efnahagskerfi sem þróast með allt öðrum hætti en tekjur vinnandi fólks.

Raunar hefur verðtryggingin líka valdið gríðarlegum launamun ákveðinna stétta í þjóðfélaginu sem ég býst við að helstu launþegasamtök landsins vilji hafa í huga í næstu samningum.

Fjármagnseigendur, þeir hafa nefnilega tekjur sínar verðtryggðar, njóta sérstöðu í launamálum. Peningarnir eru verðtryggðir og því hækka tekjur þeirra alveg í samræmi við þá vísitölu sem framreiknar skuldirnar hjá öðrum. Og þar sem þegar er til þetta fordæmi um verðtryggð laun, er þá ekki bara málið að ganga alla leið og verðtryggja öll laun með sama hætti eða leggja verðtrygginguna niður?

Þeir sem vilja fjalla um verðtryggingu í stjórnarskrá mega koma með tillögur um það á:
www.almannathing.is
www.austurvollur.is/lindal

Kennarar hafna kjarasamráði

Þessi skilyrði hafa aldrei staðið í vegi fyrir inngöngu í ESB.

Óttalegur leikaraskapur er þetta að tala um að Ísland í kaldakoli uppfylli öll pólitísk og efnahagsleg skilyrði fyrir inngöngu í ESB.
Þessu er stillt upp eins og akkúrat núna eigum við að grípa tækifærið til að ganga í ESB af því að nú séu hagstæð skilyrði til þess.

Mín skoðun er sú að það skipti engu máli nokkurn tíma hver efnahagsleg eða pólitísk staða Íslands er. ESB mun alltaf vilja að Ísland gangi í sambandið. Hagsmunir ESB af því eru einfaldlega svo miklir að pólitíska ruglið á Íslandi skiptir engu máli. Skuldirnar heldur ekki.

Íslendingar geta óhræddir reynt að leysa úr sínum vandamálum sjálfir. ESB missir ekkert áhugann á Íslandi þó efnahagsleg eða pólitísk staða Íslands breytist.

Ef þið viljið leggja eitthvað til fyrir stjórnlagaþing um Ísland og ESB má koma með tillögur á:
www.almannathing.is
www.austurvollur.is/lindal

Efnahagsleg skilyrði uppfyllt

Gamalt trikk að þæfa málið.

Þessi málaferli eru greinilega í hefðbundnum farvegi þeirra mála þar sem sakborningar reyna að snúa sig út úr málinu með klækjum og með því að þæfa málin.
Þetta er oft gert þegar menn hafa litlar eða engar málefnalegar varnir í lögsóknum sem þessum. Það veit á gott að því leytinu að það gefur von um að sækjendur vinni málið og nái til baka einhverju upp í tjónið sem varð af hruni Glitnis. Hins vegar veit þetta líka á vont að því leytinu að málið getur tekið mörg ár ef verjendur beita öllum tiltækum brögðum til að þæfa það.

Á meðan geta hinir ákærðu valsað um og valdið meira tjóni með því að ráðstafa eignum sem hugsanlega næðust upp í tjónið sem þeir ollu.

Eiga íslensk stjórnvöld að gera eigur stjórnenda og eigenda bankanna upptækar með lagasetningu til að fá sem mest upp í skellinn sem þessir menn hafa valdið þjóðinni með viðskiptum sínum?

Ef menn hafa skoðanir á því hvort heimila megi upptöku eigna í einhverjum tilvikum og setja til þess heimildir í stjórnarskrá má koma með tillögur hingað:
www.almannathing.is
www.austurvollur.is/lindal.

Réttarhaldi frestað í New York

Oft hefur maður nú truflast af fallegum barmi.....

...en ég held ég hafi nú aldrei borgað fyrir þau eftir vigt eins og gerðist þarna í Bretlandi skv. fréttinni. Ég held að karlmaður hefði ekki áttað sig á þessum mistökum eins og konan gerði.

Ef þið viljið koma á framfæri hugmyndum vegna stjórnlagaþings þá má koma þeim á framfæri á:
www.almannathing.is
www.austurvollur.is/lindal

Þær þurfa ekki að tengjast þessari frétt sem ég er að blogga hér um.

Brjóstin blekktu neytanda

Óskandi að það gengi jafn vel með innanríkismálin.

Allar tímaáætlanir hafa staðist í undirbúningi aðildarviðræðna við Evrópusambandið er sagt í fréttinni.

Úr því þetta gengur svona vel, af hverju gengur þá svo illa að leysa innanríkismál landsins? Af hverju gengur ekkert að koma skikki á arðrán bankanna og fjármálakerfisins á skuldurum, af hverju gengur ekkert að leggja niður verðtryggingu eða að tryggja með öðrum hætti boðlegt viðskiptasiðferði í landinu?
Af hverju gengur ekkert að koma böndum á þá sem settu bankana á hausinn og landið allt?

Var gerð einhver tímaáætlun um þessa hluti, eða skipta þeir of litlu máli til þess að mati stjórnvalda?

Það er furðuleg forgangsröðun að allt skuli ganga eftir áætlun með þau mál sem þjóðin er andsnúin en ekkert gengur í þeim málum sem þjóðin þarf á að halda að verði leyst sem fyrst.

Ef menn vilja koma með hugmyndir um tímaramma til að setja ráðamönnum í stjórnarskrá þegar brýn mál þurfa úrlausn má setja þær hugmyndir inn á:
www.almannathing.is
www.austurvollur.is/lindal

Aðildarferlið gengið vel

Nærri 100 þús kall á hvern þáttakanda - algjört sukk.

Þetta var dýr þjóðfundur, ég er sammála því. Það er sagt að pláss á Litla Hrauni kosti um 30 þús. kr. sólarhringurinn pr. mann. En þessi þjóðfundur er að kosta nærri 100 þúsund krónur dagurinn og engin gisting greidd. Það er ansi mikið. Var ekki þjóðfundarfulltrúum greiddar 15 þús. krónur hverjum? Það hefur þá farið mikill kostnaður í eitthvað annað þarna.

Ég er tíl í að vera launalaus á stjórnlagaþingi í 2-4 mánuði, ég er hvort eð er með reynslu af því úr mínum störfum að hafa stundum ekkert fyrir mína vinnu.

Mér finnst að ekki eigi að vera svona dýrt fyrir skattgreiðendur að menn komi skoðunum sínum og hugsjónum á framfæri. Ég vona að 522 frambjóðendur hafi önnur markmið en að sólunda skattfé með framboðum sínum. Ég veit að það er ekki það sem ég stefni á.

Vonandi tekst þeim sem undirbúa stjórnlagaþing að sýna eðlilega aðhaldssemi í útgjöldum vegna þess. Hingað til mætti halda að þetta sé allt sett upp sem tekjuöflun fyrir einhverja sem ég veit ekki ennþá hverjir eru.

Ef þið viljið koma áliti ykkar á framfæri varðandi laun ráðamanna og annarra sem vilja hafa áhrif á stjórnarskrá landsins og stjórn þess, endilega farið inn á:
www.almannathing.is
www.austurvollur.is/lindal

Þjóðfundurinn kostaði 91,7 milljónir

Skuldaaukningin er betri mælikvarði en lánsfjárþörfin.

Þetta eru háar fjárhæðir sem ríkin þurfa að taka að láni, en segir ekki alla söguna. Eitthvað af þessu fer í að endurgreiða eldri lán. Það væri fróðlegt að vita eitthvað um raunverulega skuldaaukningu ríkjanna á milli ára. Þá sést hvert stefnir í raun. Það er það sem skiptir mestu að vita.

Hins vegar er alveg ljóst að það eru mikil fjárhagsvandræði og óstöðugleiki framundan því nokkur ríki eru nú svo skuldsett að þau ráða ekki við skuldirnar nú þegar.

Ef þið viljið setja í stjórnarskrá einhverjar reglur um það hvað íslenska ríkið má skuldsetja sig og hvernig það má standa að því þá komið með tillögur á:
www.almannathing.is
www.austurvollur.is/lindal

Ríki þurfa mikið fjármagn

Mismunun ójafnaðarmannaflokksins Samfylkingarinnar.

Afstaða efnahags og viðskiptaráðherra staðfestir það vel að jafnaðarmenn á Íslandi eru í raun ójafnaðarmenn. Hann vill að bankarnir haldi sinni verðtryggingu og fái að auki að innheimta að fullu lán sem þeir fengu fyrir u.þ.b. hálfvirði.

Á sama tíma vill hann lítið hlusta á þá sem eiga að borga þessi lán. Þeir fá ekki að verðtryggja launin sín, þeir fá ekki niðurfellda verðtryggingu af lánum sínum, þeir fá engan slaka. Þetta er ójafnaðarstefna af verstu sort. Þetta vil ég ekki sjá á Íslandi, hvorki þessa stefnu né rugludallana sem reyna að selja okkur hana.

Ég vil taka upp á stjórnlagaþingi ákvæði um bann við verðtryggingu, eða að annaðhvort verði allt verðtryggt eða ekkert. Verðtrygging á sumt en ekki annað er bara aðferð til mismununar og fjármagnsflutninga, hún er skerðing á eignarrétti sumra, bónus á eignarrétt annarra.

Ef þið viljið leggja eitthvað til þessa máls setjið þá hugmyndir ykkar inn á:
www.almannathing.is
www.austurvollur.is/lindal

Lýsa furðu yfir málflutningi ráðherra

Svona á standa að menningarmálum.

Það er gaman að sjá hvernig Iceland Airwaves er að stækka sem menningarviðburður og stefnir í að þarna sé að verða til sjálfbær menningarviðburður og menning sem fólki finnst þess virði að kynna sér. Þannig finnst mér að menningin eigi að vera.

Nú á eftirránsárunum höfum við Íslendingar ekki efni á miklum útgjöldum til menningarmála og verðum því að leita nýrra leiða til að fjármagna menninguna ef vilji er til að halda henni úti. Þá er að sjálfsögðu rétt að taka til fyrirmyndar viðburði sem eru ekki bara byrði á skattgreiðendum heldur líka gjaldeyrisaflandi og helst sjálfbærir. Slíka viðburði þarf að nota sem nýtt módel fyrir rekstur menningarlífsins. Mér sýnist að Iceland Airwaves sé slík fyrirmynd.

Ef þið hafið hugmyndir um tengingu menningarmála í stjórnarskrána þá setjið þær inn á:
www.almannathing.is
www.austurvollur.is/lindal

Yfir 2.000 erlendir gestir á Airwaves

Félagið komið á gjörgæslu á gamalsaldri.

Það er ótrúlega líkt með mannfólkinu og fyrirtækjum hvað heilsan versnar oft með árunum.

SÍS og kaupfélögin flest hver voru í kring um 70-100 ára aldurinn þegar þau félög fóru að týna tölunni. Fjárhags- og rekstrarleg heilsa þeirra versnaði svo um munaði og leiddi mörg þessi félög í dauðadá eða algjöran dauða.

Bankarnir okkar þoldu aldurinn líka illa og dóu fyrir 2 árum. Íslandsbanki-Glitnir hafði átt við langvarandi heilsufarsvanda að etja og hafði eigilega dáið nokkrum sinnum áður.

Eimskip og gamla kolkrabbaveldið náði líka háum aldri áður en það veiktist alvarlega og svona mætti lengi telja.

Sum félög hafa reynst vera með alvarlega fæðingargalla, eins og t.d. Bónus og allt það kennitölusafn sem óx upp af því félagi eins og krabbamein, sem er þess valdandi að þau eru nú þegar á unga aldri komin á fjárhagslega gjörgæsludeild ríkis og skattgreiðenda.

Alltaf virðist liggja að baki þessum heilsubresti gamalgróinna félaga að þau fara í verkefni sem þau ráða ekki við, þau halda að þau séu hraustari en þau í raun eru. Rétt eins og fullorðið eða gamalt fólk sem heldur að skrokkurinn sé ennþá í toppformi og þoli allt það sem hugurinn girnist að gera. En þannig er það ekki. Fólk og fyrirtæki eru alltaf viðkæm, það þarf alltaf að fara með gát og ætla sér ekki um of, sama hvað menn hafa getað gert áður.

Nú heldur Orkuveitan upp á 80 ára afmæli á gjörgæsludeildinni. Ég óska fyrirtækinu til hamingju með afmælið og vona að það nái sér af veikindunum.

Eigum við að setja í stjórnarskrá einhverjar takmarkanir á útgjöld ríkisins til heilbrigðismála stórfyrirtækja, björgunar þeirra, endurreisnar og ríkisábyrgða fyrir þau? Komið með tillögur á:

www.almannathing.is
www.austurvollur.is/lindal

Hitaveitan 80 ára í dag