Skrílveldi - grísveldi - minnihlutinn ræður.

Það er nokkuð ljóst að Icesave verður að lokum samþykkt af Alþingi og hengt á þjóðina gegn vilja meirihluta hennar. Og án þess að þjóðin fái að kjósa um málið. Og forsetinn mun varla gera athugasemdir við málið. Honum þykir eflaust hæfa að í þessu máli fái að vera gjá milli þings og þjóðar og önnur gjá milli hans og þjóðarinnar. Það er alveg ljóst að meirihluti þess fólks sem um málið vélar hefur einhverja aðra hagsmuni að leiðarljósi en almannahagsmuni. Þannig að það stefnir í að tekin verði skrílræðisleg ákvörðun í málinu gegn vilja meirihluta þjóðarinnar og sú ákvörðun verði svo staðfest á grísræðislegan hátt af þjóðhöfðingjanum.

Meirihluti vill kjósa um Icesave

Þá versnar enn skuldastaðan frá síðustu viku - nálgast hratt 400%

Það er vissulega gott að útflutningur eykst og innflutningur minnkar. En verra er að landsframleiðslan er að dragast hratt saman. Það þýðir m.a. að erlendar skuldir þjóðarinnar fara hratt hækkandi sem hlutfall af landsframleiðslu. Slæm var staðan fyrir, í síðustu viku var í umræðunni að erlendu skuldirnar væru um 350% af landsframleiðslu. Nú er ljóst að landsframleiðslan er að dragast mikið saman þannig að ef þetta yrði reiknað út m.v. nýjustu tölur þá er skuldastaðan líklega að nálgast 370% núna og verður komin í 400% eftir eitt eða tvö ársfjórðungsuppgjör í viðbót ef þróunin verður áfram í þessa átt.

Er enn til fólk sem heldur virkilega að það sé ekkert mál að borga Icesave?? Hvað segir Gylfi ráðherra núna??

Mikill samdráttur

Ekki vitað hvar Osama Bin Laden er niðurgrafinn - orð að sönnu.

Þegar leitað er upplýsinga um Osama Bin Laden virðist hann vera algjörlega horfinn af yfirborði jarðar. Ekkert hefur sést til hans eða frá honum heyrst lengi svo staðfest sé. Ýmsir aðilar telja reyndar að hann sé löngu dauður, fyrir ca. 7-8 árum síðan. En engar upplýsingar eru fáanlegar um hvar hann er grafinn, eða niðurgrafinn eins og það er líka kallað. Al Qaida samtökin eru líka sögð fjárvana og máttlaus.

Og þá er nú spurning um af hverju enn er verið að leita að honum? Er verið að nota Bin Laden, dauðan eða lifandi, sem tylliástæðu til að halda úti stríðsbrölti í Afghanistan og Írak. Og til að vera með stæla við Íran og Pakistan? Allavega virðist engin ógn stafa af Osama Bin Laden í raun, þó vesturlönd séu enn dugleg að markaðssetja hann sem óværu sem þurfi að elta endalaust. Og fórna í því skyni mörgum mannslífum saklauss fólks og barna.

Verja ákvörðun Obama

Loksins kemur eitthvað upp á borð.

Það er nú gott á þessari tækniöld að hafa vefsvæði eins og Wikileaks og leyniþjónustur sem skoða tölvupósta og farsímanotkun. Fyrir vikið tekst að koma einhverjum mikilvægum upplýsingum upp á borðið, eins og sagt er. Ríkisstjórn Íslands vill hafa allt uppi á borðum eins og forystumenn hennar hafa marglýst yfir. Því miður hefur þeim ekki tekist að framfylgja þessari yfirlýstu stefnu hjálparlaust. En nú er það kannski að breytast með hjálp Wikileaks.

Annars vil ég bara hvetja fólk til að lesa þennan tölvupóst á Wikileaks þó þar komi ekki margt óvænt fram. Aðallega staðfesting á því sem ég og margir hafa haldið fram, að AGS stjórni hér. Þeir vilja bara að við borgum Icesave, hvernig sem við látum það líta út gagnvart þjóðinni. Ef við gerum það þá hleypa þeir einhverjum lánum í gegn, væntanlega til að við höfum eitthvað til að borga með.

Þannig að það má senda alþingismenn og ríkisstjórnina í langt frí. Hagfræði asnans sem elti gulrótina ræður hér för.

Icesave-póstar á Wikileaks

Nokkrir góðir punktar, kannski fróðlegt að lesa bókina.

Mér fannst vera góðir punktar í þessu viðtali við Roger Boyes. Sérstaklega það að breskur leyniþjónustumaður hafi komið hingað til að leita að uppsprettum fjármagns. Vonandi að rannsóknarnefndir og saksóknarar hafi tekið eftir þessu. Það þarf að upplýsa sannleiksgildi þessara þvottapeningasagna í eitt skipti fyrir öll svo við vitum hvar við stöndum í því efni.

En líka fannst mér vanta betri yfirsýn yfir fjárstreymi almennt í hruninu og síðustu 2-3 árin á undan. Boyes fellur í þá gryfju eins og aðrir að segja að Íslendingar geti bara sjálfum sér um kennt og Davíð Oddssyni varðandi þetta hrun. Telur þó reyndar líka að um 150 manns beri langmesta ábyrgð á því hvernig fór eftir að Davíð opnaði kerfið. En það sem vantar hjá öllum þessum hrunskrifahöfundum er að greina fjármagnsferlana. Ég held því fram fullum fetum að um 98-99% af íslensku fjármálabólunni hafi eingöngu verið bankaforkólfum og útrásarvíkingum að kenna. En um 1-2% af þessari bólu má skrifa á almenna þáttöku Íslendinga í bólunni. Það fæ ég út þannig að offjárfesting í fasteignum og tengdri mannvirkjagerð hafi verið um 100-110 milljarðar, sem er staðfest verðmæti óseldra mannvirkja á lager núna, og annað bruðl í einkaneyslu almennings, bílar, utanferðir og annar lúxus hafi á þessari öld numið 100-200 milljörðum til viðbótar. Þetta gerir samtals að hámarki um 300 milljarða sem er aðeins um 2% af þeirri bólu sem sprakk í fyrra og var af stærðargráðunni 14-17.000 milljarðar.

Þess vegna hlýtur mismunurinn, eða 98-99% að hafa farið í eitthvað annað sem bankaforkólfar og útrásarvíkingar bera einir ábyrgð á. Og þetta þarf að greina betur. Það þarf að rekja fjármagnið og það er ekki hægt að viðurkenna að þetta sé bara okkar vandamál þegar allt bendir til að um 70-80% af starfsemi bankanna hafi verið erlendis og bólan falist í því að inn í erlend útibú eða dótturfélög voru færðir peningar, teknir að láni, innlán eða dirty money. Þessi peningar svo lánaðir eigendum bankanna eða tengdum aðilum eða erlendum viðskiptavinum til einhverra "fjárfestinga" erlendis. Þessir aurar hafa yfirleitt aldrei til Íslands komið, aðeins farið um banka með íslenskri kennitölu eða undir stjórn Íslendinga án þess að hafa nokkurn tíma verið nýttir á Íslandi. Þetta er grundvallaratriði í því hvernig á að vinna úr hruninu og hver á að bera ábyrgð á hverju. Og þó það sé sárt fyrir Breta o.fl. að hafa tapað innlánum sínum í stórum fúlgum þá verða þeir bara að líta sér nær. Ef peningarnir hafa aldrei farið úr breskri lögsögu þá er engin glóra í að kúga þá út úr Íslendingum. Þó einn Breti steli af öðrum með aðstoð íslenskra glæpafélaga eða -manna þá þýðir það ekki að sá sem stolið var frá geti komið og stolið sínu tapi af íslenskum almenningi. Það má aldrei gerast, jafnvel þó við höfum svo vitlausa ríkisstjórn að hún geti fallist á það.

Boyes: Of mikil áhersla á ál

Vinstri stjórn búin að koma Bretlandi á hausinn. - Hvað gerist á verðbréfamörkuðum á morgun?

Þessi staða Bretlands er búin að vera vel ljós síðan í fyrra þó lítið hafi verið fjallað um það hér. Ég hef bloggað dálítið um þessa stöðu Bretlands og þá skoðun mína að þetta blankheitaklúður sem Brown hefur komið Bretum í skýri að miklu leyti hörku hans í sambandi við Icesave. Og nú hefur það verið staðfest að Bretland er á hausnum. Þar er allavega viðurkennd af stjórnvöldum versta staða landsins í áratugi. Það er athyglisvert að þarna voru það vinstrimenn einir og óstuddir sem komu landinu í þessa stöðu. Þarna hefur stjórnin ekki verið að hreinsa til eftir Tatcher og aðra hægrimenn. Verkamannaflokkurinn komst síðast til valda 1997 og hefur verið við völd í Bretlandi í um 12 ár samfellt. Sá flokkur hefur einn og óstuddur komið landinu í þá krísu sem það er í núna. Þeir sem mesta ábyrgð bera á breska klúðrinu og tómum ríkiskassa eru Tony Blair og Gordon Brown. Gordon Brown aflétti hömlum af fjármálafyrirtækjum, sleppti þeim lausum og leyfði þeim að vaða uppi með glórulausa starfsemi og himinháa bónusa fyrir allt tapið. Svo hefur hann verið að tæma ríkiskassann undanfarna mánuði til að bæta gráu ofan á svart. Hann hefur reynt að slá ryki í augu heimamanna með stælum út á við út af Icesave og gagnvart öðrum sem hann getur kúgað til að slá sjálfan sig til riddara. Nú kemst hins vegar almenningur í Bretlandi að hinu sanna um stjórn Verkamannaflokksins. Það er sennilega enginn þjóðarleiðtogi alvöru þjóðar eins vitlaus og Gordon Brown.

Nú er spurning hvort heimskreppan tekur nýja dýfu. Ég spái því allavega að þetta verði nú litið alvarlegri augum en smáskjálftinn í Dubai um daginn. Vonandi snarfalla hlutabréf í verði, það er eina leiðin til að ná tökum á þeirri ófreskju sem fjármálamarkaðir heimsins eru orðnir.

Þung spor Alistairs Darling

Sniðug markaðssetning - Einn plús fyrir ESB aðild.

Þetta virðist auðvitað svolítið fáránlegt en sniðugt um leið. Og gott hjá þeim að vera með öflug hagsmunasamtök, dönsku vændiskonunum. Vændi er greinilega nokkuð vel skipulögð atvinnugrein í Danmörku.

Svona verður þetta líka á Íslandi þegar Jóhanna og Álfheiður og Svandís og Katrín Jakobsdóttir og Katrín Júlíusdóttir og restin af ríkisstjórninni eru búin að koma okkur inn í ESB.

Þá geta vændiskonur frá Kaupmannhöfn og Hamborg og Amsterdam eða hvaðan sem er í ESB opnað hér útibú og verið með dúndurtilboð þegar þær vilja, rétt eins og þegar Bónus hefur verið að selja mjólkina á 1. krónu lítrann þegar samkeppnin er hvað mest. Og auðvitað geta íslenskar konur líka séð um þetta ef þær vilja og ef einhver vill þær.

Sameiginlegur vinnumarkaður, stjórnarskrá og regluverk ætti að tryggja svona starfsemi góða og löglega fótfestu á Íslandi í ESB. Þetta verður líka ánægjulegt innlegg í landkynningu á Íslandi sem ferðamannalandi og getur skapað þó nokkuð mörg störf. Kannski verður Skólavörðustígurinn með slatta af vændiskonum stillt út í glugga til sýnis í rauðum ljósum á kvöldin. Það er nú mjög jólalegt og gæti orðið til þess að fullt af mönnum fari í gönguferðir í miðbænum á kvöldin án þess að kaupa sér hund til að draga sig út í öllum veðrum. Þetta gæti líka dregið úr ofbeldi í miðbænum og verið kjörið tækifæri fyrir óstýriláta menn til að losa um spennu á náttúrulegan hátt.

Loksins finnur maður eitthvað sem gæti verið jákvætt við ESB aðild Íslands.

Danskar vændiskonur bjóða ókeypis þjónustu

Fársjúkt kerfi.

Það er ágætt að þessi umræða er komin fram. Ég hef svo sem nokkrum sinnum áður bloggað um Gordon Brown og skuldir Bretlands. Þessi orð Bernanke eru í sama dúr og ég hef haldið fram. Bretland er komið á hausinn undir stjórn Brown. Hann er nú búinn að vera lykilmaður lengi í ríkisstjórn, bæði sem fjármálaráðherra og nú forsætisráðherra. Og það hvernig hann er búinn að klúðra öllum málum skýrir sjálfsagt að verulegu leyti hvað hann er frekur varðandi Icesave og beitingu hryðjuverkalaganna gegn Íslandi í fyrra.

En það er rétt hjá Bernanke að allt þetta los á eftirliti og umgjörð um fjármálastarfsemi í Bretlandi hefur haft mjög slæmar afleiðingar. Sama var gert í USA undir stjórn Greenspans í Seðalbankanum og þetta var líka gert hér. Þannig er þetta sjálfsagt ákveðið lykilatriði í því að koma kreppunni í þær hæðir sem hún hefur náð. Fjármálakerfið hefur verið algjörlega stjórnlaust, ekkert sem hefur stjórnað því eða hamið það nema hræðsla og græðgi.

Þó þetta aðhaldsleysi í fjármálakerfinu sé alþjóðlegt vandamál þá er eitt ríki sem sker sig nokkuð úr núna þegar taka þarf á afleiðingunum. Það er USA, þar eru menn teknir á beinið og settir í steininn á meðan mál eru rannsökuð. Svo falla bara dómar og málin gerð upp, sum meira að segja nokkuð hratt. En í Bretlandi og á Íslandi er ekkert gert, kannski búnar til skýrslur og sussað aðeins á liðið. En svo er öllu stungið undir stól og látið eins og ekkert hafi farið úrskeiðis. Spillingin virðist rista dýpra í þessum löndum en í USA. Hér er stjórnkerfið og fjármálakerfið enn svo sjúkt af spillingu að lækning finnst ekki, veikindin færast enn í aukana. Þessi veikindi geta þýtt endalok lýðveldisins.

Bernanke gagnrýnir Gordon Brown

Fullt af stofnunum sem má leggja niður.

Varnarmálastofnun verður lögð niður. Sama má gera við eftirfarandi:

Úrskurðarnefndir um tryggingamál, útboðsmál o.fl. Nefndin hefur ekkert gildi. Öllum hennar úrskurðum má skjóta til dómstóla.
Fleiri slíkar úrskurðarnefndir eru jafn óþarfar.

Fasteignaskrá Íslands. Það er vafamál að þessi stofnun sé þörf. Bæði er að gögn sem frá henni koma eru ákaflega ónákvæm af ýmsum ástæðum og svo eru það byggingarfulltrúar landsins sem leggja stofnuninni til gögnin þannig að þessa stofnun mætti strangt til tekið skera niður í eina góða tölvu og gagnagrunn til að halda utan um upplýsingarnar.

Hagstofan. Það mærri athuga með öflugan niðurskurð þar. Það eru t.d. allt of margar vísitölur í gangi sem Hagstofan heldur utan um. Þessi vísitölufjöldi og starfsemi Hagstofunnar þar að lútandi vinnur beinlínis að ójöfnuði í þjóðfélaginu og óréttlátri tilfærslu fjármuna. T.d. má núna sjá verulega hækkun á lánskjaravísitölu á sama tíma og byggingarvísitala hefur lítið hreyfst. Önnur vísitalan er notuð til að meta verð mannvirkja og hin er notuð til að meta verðmæti lánanna sem tekin eru fyrir verði mannvirkjanna. Hvaða vit er í þessu. Af hverju er ekki nóg að nota sömu vísitöluna úr því þetta er á annað borð vísitölutengt.

Svona má lengi halda áfram.

Fagna lokum Varnarmálstofnunar

Tók ekki nema viku að ná 12 milljörðum. - Hvað náðist hér í vikunni?

Þarna var brugðist skjótt við. Eftir upplýsingar sem fram komu í sjónvarpsþætti var gengið í að finna verðmæti sem var verið að skjóta undan úr þessu mikla gjaldþrotamáli. Með símahlerunum og fleiri aðgerðum tók aðeins viku að finna málverkasafnið og ná þarna 12 milljarða verðmæti upp í gjaldþrotið. Svona vel gengur þetta nú á Ítalíu. Hvað skyldi hafa tekist að ná miklum verðmætum upp í risagjaldþrotin hér í sömu viku??

Reyndi að fela málverkasafnið

Tilbreyting frá daglegri umræðu.

Það getur auðvitað verið viðkvæmt ef verið er að ýkja eða ljúga upp sögum af látnu fólki. Látnir eru þjóðfélagshópur sem á erfitt með að svara fyrir sig. Yfirleitt gerir þetta samt ekki til, það vita allir sem sögurnar heyra að það skiptir mestu máli hve alvarlega menn taka sögunum. Í þessu umrædda tilviki get ég ekki lagt mat á hvort verið er að gera úlfalda úr mýflugu eða ekki, en það er allavega nýnæmi í fréttum að deilur rísi út af draugasögum og kirkjugarðsferðum. Þannig að þetta er tilbreyting frá hefðbundinni umræðu.

Verra þykir mér þó en þetta, þar sem Jónas Freydal er að skemmta ferðafólki í kirkjugarðinum með alls kyns sögum um íbúana, að stjórnvöld hafa alveg sama verklag og Jónas. Þau fóðra landsmenn líka á hálfgerðum draugasögum, halda réttum upplýsingum út af fyrir sig og magna upp alls konar óvætti til að ógna landsmönnum með. Kannski Skattamóri og Jóhanna Heilaga Hvítavofa séu bara í raun og veru draugar. Það getur nú skýrt margt fyrir manni ef tilfellið er að draugar stjórni landinu. Og sömuleiðis ef þau eru alltaf að segja draugasögur, þó þau séu ekki draugar sjálf, þá skýrir það líka margt. Þá skilur maður alls konar vitleysu sem maður heyri frá þeim skötuhjúum. Þetta eru kannski bara draugasögur en ekki alvöru stjórnmál. Og kannski væri bara til bóta að fá Jónas Freydal í ríkisstjórnina, ég hugsa að hann sé bara að segja skemmtilegri draugasögur en Skattamóri og Hvítavofa.

Falsaðar sögur af látnum ekki líðandi

Skjalafals, mútur, leynd, svik og skilanefndarmaður.

Í þessum sms skilaboðum er m.a. talað um falsað skjal. Þar er líka talað um hlutdeildarprósentu til að liðka fyrir upplýsingum. Eru það ekki mútur? Það er talað um að hægt sé að leysa málið án þess að gögn þurfi að koma fram. Hljómar eins og í þeim gögnum sem ekki þurfa að koma fram gæti verið eitthvað sem þolir ekki dagsljósið. Það er talað um meðferð málsins á þann veg að tekið hafi verið frá fyrir kröfunni á afskriftarreikningi og gefið til kynna að verið sé að snúa af þeirri leið, sem virðast vera svik við Þorstein. Svo er talað um að leysa málið með Knúti og koma viti fyrir Knút. Þar virðist vera átt við Knút Þórhallsson endurskoðanda bankans og skilanefndarmann í honum, allavega er farsímanúmerið hans með. Og af orðalagi sms skeytanna má vart annað skilja en að Finnur og Knútur séu taldir vita hvaða skjal er falsað. Þorsteinn sendir öll þessi skilaboð þannig að hann hefur vitneskju um þetta allt líka. Svo er rætt þarna um einhvern Helga, sem ég átta mig ekki á hver er, sem geti eyðilagt líf allra fyrrverandi stjórnarmanna Kaupþings með því að leggja fram þetta falsaða skjal sem þeir allir virðast vita um sem nefndir eru í þessum sms sendingum. Þessi Helgi virðist því hafa mikil tök á ákveðnum aðilum, spurning hvort og hvernig hann hefur nýtt sér það.

Í þessum sms sendingum sem alls eru um 16 línur og ná yfir 6 daga tímabil virðist vera nóg efni í glæpareyfara eða góða bíómynd þar sem allt er löðrandi í svikum og spillingu, en endar þó vel því allir skúrkarnir sleppa og aðrir taka á sig glæpinn. Hvað sæjum við eiginlega ef einhver alvöru gögn kæmu upp á yfirborðið?? Og af hverju er ekki búið að stinga neinum í steininn út af þessu??

Það væri gaman að sjá hvort ekki eru til einhver sms á milli stjórnmálamanna og útrásarvíkinga, þar gæti leynst fróðlegt efni.

En svo verður maður auðvitað að horfa á þetta með það í huga að auðvitað er ekki vitað hvort sms skilaboðin eru ekta eða ekki. Það veltur sjálfsagt á því hvort Þorsteinn Ingason getur staðfest að þau séu rétt eða ekki. En allavega er þetta ágætis reyfaraefni.

SMS skilaboð til Finns birt á Wikileaks

ESB er á hausnum.

Nú í kreppunni hefur komið í ljós að ESB getur lítið sem ekkert gert fyrir aðildarríki í vandræðum.
Nýjasta dæmið er Grikkland, önnur dæmi eru Írland, Lettland og Finnland sem öll hafa farið illa í kreppunni.

Og eins og sjá má í alls konar samantektum um efnahag ýmissa ríkja heimsins er ESB fyrst og fremst klúbbur nokkurra skuldugustu þjóða heims. Það er mjög gáfulegt, eða hitt þó heldur, fyrir okkur að vera að stefna þarna inn.

Það er greinilegt af þessari frétt um að seðlabanki ESB ætli að draga úr fjárhagsaðstoð við evrópska banka sem hafa notað aðstoðina til að kaupa ríkisskuldabréf til að aðstoða bágstödd ríki ESB við öflun lausafjár, að það er að koma að skuldadögum í ESB. Þá fyrst skellur nú á alvöru kreppa ef það gerist.

Ský við sjóndeildarhring Evrópusambandsins

Þetta dæmir sig nú sjálft. Steingrímur vill koma á einræði sýnist mér.

Ég var að klára aðra færslu hér rétt áðan um spillingu og sjálftöku stjórnmálamanna bæði varðandi völd og peninga. Og viti menn, þegar maður lítur á fréttayfirlitið þá sér maður haft eftir Steingrími að hann telji sum mál ekki "henta" í þjóðaratkvæðagreiðslu. Þarna er nú sjálftaka valdsins rækilega staðfest. Það hentar ekki að þjóðin fái að skipta sér af máli sem kemur til með að ráða miklu um stöðu hennar næstu áratugi.

Er ekki bara kominn tími til að ákveða að koma bara á formlegu einveldi hér og hætta þessum draumórum um að hér sé lýðræði. Það er nú óljós munur á einræði annars vegar og lýðræði hins vegar sem er þannig að kjósendur fá bara að kjósa um það sem stjórnvöld ákveða að henti kjósendum að kjósa um. Og af reynslu undanfarinna ára er nú ekki margt sem hentar kjósendum að kjósa um. Það virðist helst vera það úr hvaða flokki einræðisherrann skuli koma á hverjum tíma.

Sum mál henta ekki í þjóðaratkvæðagreiðslu

Sjálftaka í Bretlandi - rotið konungsríki sem þarf beint lýðræði.

Breska fjármálaráðuneytið segist hafa fengið heimild til þess að bjarga breskum bönkum með því að dæla í þá ótrúlegum fjárhæðum, eða sem svarar um 172.000 milljörðum króna. Þetta er rúmlega 10 sinnum hærri fjárhæð heldur en íslenska hrunið í heild sinni, sem er þó svo stjarnfræðilega dýrt að fæstir skilja almennilega tölurnar.

Það sem vekur mesta athygli í fréttinni er að ráðuneytið segist hafa fengið heimild til að gera þetta. Frá hverjum kom sú heimild? Var það frá þeim sem eiga að borga? Nei, það hefur ekki verið kosið um þetta í Bretlandi. Það er alveg eins hér eins og hjá Bretum. Stjórnvöld veita sjálfum sér heimild til að gera þetta og gera hitt og halda áfram sukki og spillingu. Þeir sem eiga að borga fyrir eru aldrei spurðir fyrr en í fyrsta lagi eftirá. Það er alltaf sagt að menn geti gert upp sakirnar í næstu kosningum. En þá er skaðinn líka alltaf skeður og um seinan að laga hlutina.

Svo er þetta þannig hjá Bretunum að bankamennirnir slást um að hirða allt sem frá ríkinu kemur í bónusa og annað svínarí.

Þetta er alveg það sama og hér. Hér er peningum dælt í bankana og allt í felum og leynimakki um það hvað verður svo gert við þá og hvar þessir peningar enda. Skattgreiðendur svo látnir borga án þess að fá nokkuð um þetta að segja.

Þetta er ein augljósasta ástæðan fyrir því að við og fleiri þjóðir þurfum beint lýðræði. Lýðræðið sem við höfum er bara blekking. Stjórnmálamennirnir eru bara strengjabrúður, kjarklausir og vitlausir margir hverjir, undir hælnum á sponsorum eigin flokka.

Eitt grunnatriði í endurreisn þjóðfélagsins er að endurreisa lýðræði og moka út spillingu og strengjabrúðum.

850 milljarðar punda í bresku bankana