Skjalafals, mútur, leynd, svik og skilanefndarmaður.

Í þessum sms skilaboðum er m.a. talað um falsað skjal. Þar er líka talað um hlutdeildarprósentu til að liðka fyrir upplýsingum. Eru það ekki mútur? Það er talað um að hægt sé að leysa málið án þess að gögn þurfi að koma fram. Hljómar eins og í þeim gögnum sem ekki þurfa að koma fram gæti verið eitthvað sem þolir ekki dagsljósið. Það er talað um meðferð málsins á þann veg að tekið hafi verið frá fyrir kröfunni á afskriftarreikningi og gefið til kynna að verið sé að snúa af þeirri leið, sem virðast vera svik við Þorstein. Svo er talað um að leysa málið með Knúti og koma viti fyrir Knút. Þar virðist vera átt við Knút Þórhallsson endurskoðanda bankans og skilanefndarmann í honum, allavega er farsímanúmerið hans með. Og af orðalagi sms skeytanna má vart annað skilja en að Finnur og Knútur séu taldir vita hvaða skjal er falsað. Þorsteinn sendir öll þessi skilaboð þannig að hann hefur vitneskju um þetta allt líka. Svo er rætt þarna um einhvern Helga, sem ég átta mig ekki á hver er, sem geti eyðilagt líf allra fyrrverandi stjórnarmanna Kaupþings með því að leggja fram þetta falsaða skjal sem þeir allir virðast vita um sem nefndir eru í þessum sms sendingum. Þessi Helgi virðist því hafa mikil tök á ákveðnum aðilum, spurning hvort og hvernig hann hefur nýtt sér það.

Í þessum sms sendingum sem alls eru um 16 línur og ná yfir 6 daga tímabil virðist vera nóg efni í glæpareyfara eða góða bíómynd þar sem allt er löðrandi í svikum og spillingu, en endar þó vel því allir skúrkarnir sleppa og aðrir taka á sig glæpinn. Hvað sæjum við eiginlega ef einhver alvöru gögn kæmu upp á yfirborðið?? Og af hverju er ekki búið að stinga neinum í steininn út af þessu??

Það væri gaman að sjá hvort ekki eru til einhver sms á milli stjórnmálamanna og útrásarvíkinga, þar gæti leynst fróðlegt efni.

En svo verður maður auðvitað að horfa á þetta með það í huga að auðvitað er ekki vitað hvort sms skilaboðin eru ekta eða ekki. Það veltur sjálfsagt á því hvort Þorsteinn Ingason getur staðfest að þau séu rétt eða ekki. En allavega er þetta ágætis reyfaraefni.

SMS skilaboð til Finns birt á Wikileaks

Athugasemdir

[ella (IP-tala skráð) 5.12.2009 kl. 12:44]

Góðan daginn

Er þetta rétt?????? 

Ef svo er Eigum við venjulega fólkið ekki rétt á að vita hverjir eru með í leiknum?  Við sem höfum ekki arð af bréfum sem keypt voru fyrir kúlulán - sem svo voru felld niður. Nokkrir tugur milljóna - sem eru kannski 10-13 ára brúttólaun okkar????

[Jón Pétur Líndal, 5.12.2009 kl. 16:03]

Sæl Ella. Auðvitað veit ég ekki hvort þetta er satt. Skil þó ekki til hvers nokkur maður ætti að búa þetta til upp úr þurru. Þetta er líka eiginlega of flókið til að vera tilbúningur, þannig að líklega er þetta satt. En hér geturðu skoðað sms textann sem vísað er í:

http://88.80.16.63/leak/fake-documents-finnur-kaupthing-2009.txt

[Krímer (IP-tala skráð) 5.12.2009 kl. 20:22]

Látum Wernersrotturnar og Ingólfssons helvítið hanga

[Guðmundur 2. Gunnarsson (IP-tala skráð) 5.12.2009 kl. 22:39]

SMS skilaboðin eru vistuð í gagnabanka og ef mér skjátlast ekki þá amk. í áratug.  Nú þarf sérstakur saksóknari og eða fjármálaeftirlitið að hafa hraðar hendur og rannsaka málið.

[Guðmundur 2. Gunnarsson (IP-tala skráð) 5.12.2009 kl. 22:44]

 Athyglisverð færsla um málið.

 http://jakobk.blog.is/blog/jakobk/entry/988844/

[Jón Pétur Líndal, 6.12.2009 kl. 02:26]

Sælir Krímer og Guðmundur. Takk fyrir athugasemdirnar. Það var ágætt að skoða færslu Jakobs um málið. En ekki lítur þáttur Finns vel út í þessu samhengi m.v. það sem þar kemur fram. Hvar eru rannsóknarnefndir og saksóknarar nú? Skyldu þessir aðilar hafa áhuga á að rabba við Finn eða er hann umlukinn einhverri skjaldborg??

[Jón Pétur Líndal, 6.12.2009 kl. 15:47]

Nú skilst mér að Þorsteinn Ingason sé búinn að staðfesta að sms in séu rétt. Það gerði hann með því að lýsa því yfir að hann vilji rannsókn á því hvernig þau komust á Wikileaks. Ekki heyrðist eftir því sem ég kemst næst að hann hafi talað neitt um að sms in væru röng eða fölsuð. Vill bara rannsaka hvernig þeim var lekið.