Friðarverðlaunahafinn farinn í stríð.

Þetta stríð í Afghanistan hófst 7. október 2001. Það hefur því staðið í rúm 8 ár nú þegar eða fullum 2 árum lengur en seinni heimsstyrjöldin. Nú á að bæta við herafla með það að markmiði að ljúka stríðinu á 3 árum. Ég veit ekki hvaða rök ættu að vera fyrir því að það takist. Afghanir eru því miður ekki óvanir stríðsbrölti, Sovétmenn háðu stríð í landinu á árunum 1979-1989 og á árunum milli þessara stríða var beitt mikilli hörku af stjórnvöldum. Afghanir eru illu vanir úr öllum áttum. Það er erfitt að átta sig á hvernig þar verður komið á friði með meira stríði. Ég held að Hussein Obama Bandaríkjaforseti þurfi að ræða við sína ráðgjafa um aðrar leiðir í þessu máli. Nema hann sé að hugsa um eigin ímynd heima fyrir. Hann virkar kannski ekki nógu harður eins og er, þá er meira stríðsbrölt á erlendri grund sjálfsagt ágætt til að auka vinsældirnar. Hann er þó dáldið spes hann Obama því sennilega er hann fyrsti handhafi friðarverðlauna Nóbels sem ákveður að koma á friði með meira stríði.

Stríðinu lokið eftir þrjú ár

Athugasemdir

[el-Toro, 2.12.2009 kl. 17:52]

gott innlegg hjá þér Jón Pétur og skemmtilega kaldhæðnislega orðað. 

hann er að draga saman seglin í írak, svo hann verður að halda vopnaköllunum ánægðum með því að auka herin á öðrum stöðum.

ég er einmitt sammála því að stríðið í afganistan verði ekki leist með hervaldi.  það er sagan búin að sýna okkur svo grimmilega. 

[Helga Ingólfsdóttir (IP-tala skráð) 2.12.2009 kl. 20:32]

Þetta  er  einkennilegt  og  óvanalegt  stríð  að  því  leyti  að  NATO  hermenn  mega  ekki  skjóta  nema  Talibanar  skjóti  fyrst  á  þá.  Síðan  verða  NATO  hermenn  að  hætta  að  skjóta  um  leið  og Talibanar  hætta  að  skjóta.

 

 

Um  1776  tóku  múslímar  3  Bandarísk  kaupskip  og  færðu  til  hafnar  í  Tripóli,  seldu  farminn  og  áhafnirnar  sem  þræla,  þessu  héldu  þeir  áfram  í  mörg  ár.

 

 

Það  var  upphafið  af  beinum  hernaðarátökum  múslíma  og  Bandaríkjamanna.  Því  lauk  þegar  Jefferson  sendi   flotann  inn  á  Miðjarðarhaf  og  fyllti  höfnina  í Tripólí  um  1809.   Múslímar  voru  mát  í  það  skiptið.   Það  eru  litlar  líkur  á  því  að  átökunum ljúki      eftir  þrjú  ár  eins  og  hernaðinum  er  háttað  í  dag.

 

 

Áður  en  Bandaríkjamenn  mega  handtaka  Talibana,  þá  verður  að  lesa  þeim  svokallaða  ,,Miranda Rights"  svipað  og  bandaríska  lögreglan  gerir  við  handtökur  í  Bandaríkjunum.  Þessu  var  komið  á  eftir  að  Óbama  komst  til  valda  væntanlega  til  að  bæta  ímynd  Bandaríkjamanna.

 

 

Ég  reikna  með  að  margir  kannist  við  þessa  þulu:  ,,You  have  the  right  to  remain  silent...  if  you  say  anything  .....  it  may  be  used  against  you  in  a  court  of  law."

 

 

Ætli  að  Ameríkaninn  ætti  ekki  frekar  að  tala  um  300  ára  stríð  fremur  en  3  ára  stríð?

 HELGA INGÓLFSDÓTTIR

[Jón Pétur Líndal, 4.12.2009 kl. 00:28]

Komið þið sæl bæði, El-Toro og Helga Ingólfsdóttir og takk fyrir athugasemdirnar. Það er nokkuð löng saga stríðsátaka í Afghanistan, þó ég léti duga að nefna núverandi stríð og næsta þar á undan. En þetta endalausa stríðsástand þarna og svo víða annars staðar virðist svo ótrúlega vitlaust og vonlaust. Ekkert nema tjón og skaði af ýmsu tagi. Það hlýtur að vera hægt að bæta heiminn með betri aðferðum en stríðsrekstri. Og það pirrar mann dálítið að það skuli virka eins og að stökkva vatni á gæs að láta Obama hafa friðarverðlaun Nóbels. Maður skyldi nú ætla að þetta dygði til að hann reyndi nú að hafa hemil á sér í þessu stríðsbrölti, jafnvel að hann hefði getað nýtt sér þessi verðlaun til að taka á málum með öðrum hætti. En hann hefur greinilega ekki kjark til þess, frekar skal senda meiri herafla til að ná undirtökum í þessu stríði og gefa um leið skít í friðarverðlaunin.