Ungt fólk athugið - Hvernig verður háttað herskyldu á Íslandi í ESB?

Þetta er spurning sem ég er spenntur fyrir að fá svör við áður en ég greiði atkvæði á móti inngöngu í ESB. Hvort sem kommúnistastjórnin tekur svo mark á atkvæðagreiðslunni eða ekki.

En eitt aðalsmerki ESB er sameiginleg utanríkisstefna. Með hverjum sáttmálanum eftir annan færist ESB nær þessu markmiði, og er raunar ansi stutt eftir í að það náist. En þegar að því kemur er gert ráð fyrir að stök ríki þurfi ekki að svara því hvert fyrir sig hvort þau ætla að taka þátt í hinu eða þessu stríðinu eða ekki. Það mun verða yfirstjórn ESB sem tekur ákvarðanir um slíkt fyrir hönd allra aðildarríkjanna. Og raunar er það eina sem er ekki alveg ljóst í þessu það hvort stofnaður verður sameiginlegur her ESB sem ESB þjóðirnar leggja sameiginlega til blóðpeninga og mannafla, eða hvort ríkin leggja sjálf til herdeildir og blóðpeninga frá sínum heimaherjum í hlutfalli við efnahag og íbúafjölda. Þetta er nokkuð sem Hitler hefði ekki getað gert betur, hvor leiðin sem verður valin. Þannig er nú Hitlerisminn í þessu.

En hvort sem verður þurfa íslensk stjórnvöld að fara að hugsa út í hvernig þau ætla að velja þá menn sem á að fórna í þessa blóðbaðsstarfsemi og hvar blóðpeningarnir verða teknir. Það er nauðsynlegt að þetta verði uppi á borðum þegar til atkvæðagreiðslu um inngöngu í þetta stórríki kemur.

Svo þarf auðvitað samhliða að huga að uppbyggingu landvarna Íslands. Því ekki er nú sjálfgefið að enginn nenni lengur að ráðast á okkur hér þegar við verðum orðin hluti af virku hernaðarbandalagi með því að leggja til bæði blóðpeninga og fórnarlömb í stríðsrekstur.

Einhverjir kunna að fyrtast og hugsa sem svo að þetta sé nú meira bullið í mér, en staðreyndin er sú að Bretar og Þjóðverjar og Frakkar og Ítalir og Pólverjar og Spánverjar eru löngu orðnir leiðir á að hernaðarbrölt Evrópu gegn múslimaríkjum og fleirum sé að mestu leyti á þeirra herðum, bæði varðandi mannfall og blóðpeninga. Þessi ríki vilja að þessi byrði leggist jafnt á allar ESB þjóðir. Ég fæ ekki séð að Ísland fái neina undanþágu frá þessu þó kannski séu til einhverjir draumórar um slíkt. Og hvergi hefur heyrst að ESB sé friðarbandalag þannig að ekki þarf að dreyma um að það dragi úr ófriði í heiminum fyrir tilstuðlan ESB.

Athugasemdir

[Gísli Ingvarsson, 8.11.2009 kl. 15:34]

Ekkert af því sem þú hefur fullyrt hér að framan er rekjanlegt í staðreyndir. Finnst þér það þarft að fara með staðlausa stafi? Ekki það að mér komi við hvað þér finnst. En ég er með létt óþol fyrir bulli sem er ekki skemmtilegt einusinni.

"Einhverjir kunna að fyrtast og hugsa sem svo að þetta sé nú meira bullið í mér..." afhjúpar að þú talar gegn betri vitund og lýgur upp í opið geðið á sjálfum þér. Hernaðarbrölt ESB gegn múslimaríkjum! Þú ert ekki í lagi vinur. Ekki einusinni Jón Valur bullar svona...

[Jón Pétur Líndal, 8.11.2009 kl. 19:41]

Sæll Gísli. Ég þakka þér fyrir áhugann á skrifum mínum hér á blogginu. Reyndar er það nú svo að efnislega er þetta blogg mitt því miður allt of satt. Og það gleddi mig fátt meira en að fullyrðing þín um að ég sé að tala gegn betri vitund og ljúga að sjálfum mér væri rétt. En því miður hefur þú rangt fyrir þér í þessu. Því miður.