Er Davíð ennþá það eina sem Ingibjörg hugsar um??

Það hljómar nú eins og vitfirring í mínum huga að þetta sé það merkilegasta sem fram kom í viðtali Ingibjargar Sólrúnar hjá Sölva Helgasyni. Hún virðist vera með Davíð á heilanum, líka núna löngu eftir að hann er hættur í Seðlabankanum. En hún hefur sjálfsagt verið ráðin í það hlutverk af kostunaraðilum Samfylkingarinnar að losna við Davíð úr opinberum stöðum og það pirrar hana kannski ennþá að þetta tókst ekki fyrr en Davíð ákvað að hætta þegar sett voru sérstök lög honum til höfuðs af Jóhönnu Sigurðardóttur. En það er greinilega enginn missir af Ingibjörgu úr pólitík úr því þetta er efst í hennar huga ennþá. Hún er greinilega eins og fleiri í hennar flokki langt úr tengslum við almenning í landinu. Það er engin þörf á fleira svoleiðis fólki í stjórnmálin.

Ingibjörg er Davíð örg,
Ingibjörg er kjáni.
Ingibjörg er dauf og körg,
en Davíð enginn bjáni.

Var lofað að Davíð myndi hætta

Athugasemdir

[Sigurður Sigurðsson, 14.12.2009 kl. 08:14]

Satt segirðu Jón Pétur, kerlingin er bara örg yfir því að hún náði ALDREI því sem Davíð náði, komst aldrei með tærnar þar sem hann hafði hælana.

Nokkuð góð vísa hjá þér í lokin líka, á vel við !!!

[hilmar jónsson, 14.12.2009 kl. 10:37]

Held kannski að djúpstæðari ástæða sé fyrir því að fólk er ekki alveg búið að gleyma DO.

Hvað með ástæðuna 1 stk gjaldþrota land ?

[Jón Pétur Líndal, 14.12.2009 kl. 10:45]

Sælir Sigurður og Hilmar og takk fyrir athugasemdirnar. Hilmar, 1. stk. gjaldþrota land ætti nú ekki að vera nein ástæða fyrir Ingibjörgu Sólrúnu til að muna eftir Davíð Oddssyni, var hún ekki sjálf í ríkisstjórn að greiða götu ræningjanna mánuðum saman undir það síðasta? Mig minnir að hún hafi verið að því. Ég hef allavega ekki heyrt að Davíð eigi neina leynireikninga í hænsnakofa á Tortola, en hins vegar hefur það marg oft komið fram að ýmsir styrktaraðilar Samfylkingarinnar geri það.

[Guðlaugur (IP-tala skráð) 14.12.2009 kl. 14:49]

Það er dapurlegt að sjá hér svart á hvítu hvað var eina markmið ISG. Það að koma DO frá hvað sem það kostaði. Það er sennilega það sem þjóðin þurfti mest á að halda. Þessi kona sem hvergi þykist í dag hafa nærri komið. En stökk óðara uppí næstu vél í mars 2008 og sagði hér allt í lukkunar vel standi. Ég vona að fólk sé ekki búið að gleyma því. Ég vona að ISG eða einhver henni likur verði aldrei aftur í pólitík á íslandi. Við þurfum fólk  sem talar tæpitungulaust og fólk sem ekki felur upplýsingar fyrir okkur. Þeim kafla eru nánast allir sem á þingi sitja í dag búnir að gleyma. Þetta fólk á að vinna fyrir okkur og er kjörið til þess. Það verður sennilega mjög seint sem við fáum þanni einstaklinga inná Alþingi íslendinga sem vinnur af heilum hug fyrir sína þjóð alla ekki suma ALLA. Gs.