Jón Gnarr enn meðvirkur.

Jón Gnarr skilur ekki að það hefur enginn farið í meðferð ennþá.  Meðferðarstofnunin á Litla Hrauni kannast ekki við að hann hafi komið í meðferð.   Alkinn lýgur að Jóni Gnarr og okkur hinum og þykist vera farinn í meðferð.  Það er ekki satt, hann er enn á fylleríi en nú felur hann bara drykkjuna betur.

 Hann stakk af til London og heldur þar til á frægri krá, en ekki meðferðarheimili, og drekkur enn stíft.   Hann hefur ekkert iðrast eða séð að sér.  Hann er enn jafn hortugur og heldur að hann geti ennþá haldið áfram á sömu fyllerísbrautinni og látið fjölskylduna borga.  Þessi bytta sem Jón Gnarr talar um er svo hrikalega harðsvíruð að það þarf að loka hana inni á meðan á meðferðinni stendur og setja hana svo í ævilanga eftirmeðferð þar sem passað er upp á að hún komist aldrei aftur í veisluföng, því þá fellur hún aftur.  

Þegar þetta er tryggt er tími til kominn að byrja að fyrirgefa og hætta að slíta sér út með reiði og sorg og örvæntingu yfir afleiðingum drykkjumannsins.  En núna er fólk örvæntingarfullt og ráðvillt því það átta sig flestir á að byttan er að plata okkur.  Það er engin betri tíð í vændum þegar hún kemur aftur eftir þykjustumeðferð.  Þá byrjar bara sama fylleríið aftur.

Jón Gnarr, fylgstu betur með fyllibyttunni, ekki láta hana plata þig, ekki vera meðvirkur.  Ekki trúa því gegn innri vitund að byttan sé í meðferð á kránni í London.  Sjálfsblekking og meðvirkni er það sem við þurfum síst á að halda núna.

 

Líkti þjóðinni við fjölskyldu alkóhólista

Athugasemdir

[Amen (IP-tala skráð) 17.12.2010 kl. 02:41]

Nákvæmlega Jón. Varastu úlfa í sauðargærum mun betur en heiðarlegri úlfa. Þeir eru enn verr innrættir en hinir. Dagur Ekkert og það lið eru ekki vinir þínir heldur hrægammar sem vofra yfir þér og bíða pólítísks dauðadaga þíns með ákvefð. Láttu þau ekki blekkja þig. Farðu að lesa Konfúsíus og slíka...