Mikill tími sem fer forgörðum.

Miklu af þeim tíma sem er varið í sjónvarpsgláp og síma og tölvunotkun er illa varið. Mér þykja það heldur slæmar fréttir að tæknin sé búin að ná þvílíkum tökum á fólki að nærri helmingur þess tíma sem það er vakandi fari í að handfjatla og horfa á þetta dót sem er kallað samskiptabúnaður. Og með öllum þessum samskiptabúnaði verða samskiptin samt ópersónulegri og á margan hátt rýrari en áður.

Og þetta er ótrúlegur tími sem er varið í þessa gerð samskipta. Ef við gerum ráð fyrir að menn sofi að jafnaði 8 tíma þá eru eftir 16 tímar af sólarhringnum. Af þessum 16 fara þá um 7 tímar og 12 mínútur í þessa nýju samskiptatækni. Þá eru það tímarnir sem eftir eru 8 tímar og 48 mínútur sem fólk hefur til að vinna, borða, fara á fætur, í bað, hátta sig, lesa, og stunda gamaldags samskipti eins og t.d. að tala við annað fólk maður á mann.

Það er orðið ansi mikið að nota rúma 7 tíma í sjónvarp, tölvu og síma á dag pr. einstakling finnst mér. Ef þessi þróun heldur áfram mun tæknin að lokum leiða til afturfarar og draga úr hagvexti.

Eyða helmingi vökustunda í samskiptabúnað

Athugasemdir

[Villi Asgeirsson, 21.8.2010 kl. 14:50]

Og með þeim orðum hætti ég að lesa þetta og fer að gera eitthvað "alvöru".

[Jón Pétur Líndal, 21.8.2010 kl. 17:25]

Sæll Villi. Alveg rétt hjá þér. Það eru einmitt svona blogg og annar hégómi sem er hluti af þessum tilgangslausa samskiptapakka nútímans.

[Villi Asgeirsson, 21.8.2010 kl. 17:59]

:o)