Skjaldborg um skipulagða glæpastarfsemi.

Það er ekki að sjá að það eigi að gera neitt í að taka á skipulagðri glæpastarfsemi bankanna og útrásarvíkinga. Það er sagt að forkólfarnir úr gömlu bönkunum og útrásinni séu nú margir í Suður Afríku að horfa á HM í fótbolta á besta stað í stúkusætum. Og svo er spilað golf og sukkað annað slagið til tilbreytingar frá boltanum. Þeir geta greinilega haft það náðugt þarna og slappað af því það eru engin mál í gangi frá skilanefndum bankanna. Engin mál eru farin frá sérstökum saksóknara heldur þó hann hafi boðið einhverjar ákærur fyrir lok apríl s.l. En skv. heimasíðu embættisins er ekkert þaðan að frétta síðan 25. maí s.l. þegar embættið auglýsti eftir fleira starfsfólki.

Það eina sem er verið að gera er það að ríkisstjórnin og seðlabankinn eru á leið í stríð við þjóðina. Nú er strax farið að ræða viðbrögð ríkisins við lögbrotum bankanna. Þau virðast í fljótu bragði verða á þá leið að slegið verði upp skjaldborg um lögbrotin og allra leiða leitað til að gera þau lögleg í hvelli og um leið að bæta bönkunum tjónið af að fá ekki að halda öllum ránsfengnum í þessum bankaránum sem þeir stunduðu á viðskiptavinum sínum.

Aldrei hefur það verið skýrara að það er búið að reisa öfluga skjaldborg í landinu. En hún er reist fyrir fjármálakerfið gegn almenningi. Hæstiréttur hjó skarð í þessa skjaldborg þegar hluti af glæpastarfseminni var dæmd ólögleg. Nú ættu flestir að fara að fatta að þessi ólánsríkisstjórn sem er þéttskipuð gjörspilltum óheillakrákum er ekki ríkisstjórn þjóðarinnar heldur fjármálakerfisins.

Þessi ríkisstjórn skirrist ekki við að standa vörð um skipulagða glæpastarfsemi og stendur þar keik ásamt Seðlabankanum og öðrum fjármálafyrirtækjum í fremstu röð þeirra sem ætla að ljúga að almenningi, svíkja hann og stela af honum með öllum tiltækum ráðum. Verkin sýna að í augum þessa fólks er almenningur bara þrælar fjármálakerfisins. Skjaldborgin snýst um að hafa þetta þannig áfram.

Ég hvet fólk til að taka til allra skynsamlegra ráða til að rísa upp gegn þessum órétti og ofríki. Það verður að ná tökum á þessari snarklikkuðu ríkisstjórn eða koma henni frá. Fyrr en hér tekur við völdum ríkisstjórn sem snýr baki við skipulagðri glæpastarfsemi og vill vinna fyrir þjóðina tekst aldrei að koma neinu jákvæðu og gagnlegu til leiðar við endurreisn Íslands.

Engu máli vísað til skattrannsóknarstjóra

Athugasemdir

[DoctorE (IP-tala skráð) 24.6.2010 kl. 13:07]

Hvorki þessi ríkisstjórn eða önnur með núverandi flokkum mun vinna fyrir almenning.
Íslendingar eiga bara eins von með réttlæti, það er bylting og bann á fjórflokka.... face it

[Sigurður Haraldsson, 24.6.2010 kl. 13:16]

Heyr heyr lifi byltingin!

[Erla Magna Alexandersdóttir, 24.6.2010 kl. 16:23]

Þessi Ríkisstjórn hefur unnið bak við tjöldin að því að fela ósómann.

Gleymum því ekki heldur að það voru sjálfstæðismenn sem gáfu bankana.

Spillingin er í öllu kerfinu- t.d. hafa skattayfirvöld ekki heimtað skil á mútugreiðslum ti Ráðherra og þingmanna- almenningur hefði ekki komist upp með að taka við miljónum kr. án þess að gera skattskil á þeim.

kv.

Erla

[Biggi (IP-tala skráð) 24.6.2010 kl. 16:24]

Ríkisstjórnin er svo sannarlega að vinna í glæpagenginu, eru að tryggja að þjófarnir sem eru búnir að stela árum saman með gengisbullinu haldi fengnum hlut, því þeir fara annars svo illa á að skila þýfinu. Ja Jóhanna er nú meira skrímslið þegar allt kemur til alls. Andsk... sárt að viðurkenna að hú blekkti mig svo sannarlega...