Af hverju senda þeir ekki bara öskubílinn?

Þolir öskubíll ekki öskufall ágætlega? Það ætti að senda nokkra svoleiðis austur til að stríða við gosið. Annars er það ágætt að hafa þessa bryndreka hér, það er kannski eitthvað gagn af þeim núna. En grínlaust er það nú sjálfsagt best að vera ekki mikið á ferðinni þar sem mesta öskufallið er, enda vegir í sundur og ástæðulaust að vera á ferðinni nema til að bjarga því sem brýna nauðsyn krefur, fólki og skepnum. Þess utan þarf að vera lokað fyrir umferð þarna á meðan öskufall er mikið.

Það er svo spurning hvort við hér á höfuðborgarsvæðinu höfum vit á að anda rólega um helgina og fara ekki í gosferðalög. Þá gæti veður orðið hagstætt til skoðunarferða austur að gosi. En það er nú ekki mjög sniðugt að nota sér það ef farartækin stoppa í öskufallinu.

Bryndreki sendur á gossvæðið

Athugasemdir

[Kjartan (IP-tala skráð) 15.4.2010 kl. 18:30]

Þegar St. Helen gaus í miklu sprengigosi voru dæmi um fólk sem kafnaði í bílum sínum eftir að þeir höfðu stoppað. Það er því fyllsta ástæða að senda svona trukk austur

[Jón Pétur Líndal, 15.4.2010 kl. 22:21]

Sæll Kjartan og takk fyrir athugasemdina. Best er auðvitað að halda sig í fjarlægð. Það á enginn að vera þarna nema þeir sem eiga brýn erindi. Eftir því sem heimildir eru til má ætla að af þessu gosi sé ekki meiri hætta en nú þegar er komin fram.

Það er hins vegar allt annað mál þegar Katla fer að gjósa. Þá má búast við hlaupum sem eru miklu stærri, 10-20 sinnum stærri en þau sem koma frá Eyjafjallajökli. Og þar má líka búast við talsvert öflugra gosi. En þar gildir það sama, það verður að halda óviðkomandi frá þessu og þeir sem eiga brýn erindi verða að vera vel búnir og í sambandi við þá sem fylgjast með gosinu.

Þannig er best gætt að öryggi fólks.