Bubble economy - Bubble recovery.

Enn eru að falla bankar í USA á sama tíma og ráðamenn þar eru að reyna af öllum mætti að kjafta sig út úr kreppunni.

Fyrir nokkrum vikum hringdi í mig maður sem starfar í Seattle á vesturströnd Bandaríkjanna. Í hans starfsgrein varð mikill samdráttur þegar húsnæðisbólan í USA sprakk, tugþúsundir manna misstu vinnu og fjöldi fyrirtækja lokuðu, ýmist vegna orðinna fjárhagsörðugleika eða til að forðast þá.

Nú er orðið alllangt um liðið síðan þessi bóla sprakk vestra og viðmælanda mínum fannst að ástandið væri ekkert að lagast í USA ennþá, eini munurinn væri sá hvað mikið væri talað um að hlutirnir væru að lagast. En menn sæu ekkert lagast, það væri bara talað um það. Og til vitnis um það að ekkert væri að lagast nefndi hann að atvinnuleysi væri enn að aukast, það væri enn verið að sukka með fé í fjármálafyrirtækjum með bónusgreiðslum í taprekstri, bankar væru enn að fara á hausinn, almenningur væri enn að spara við sig og væri orðinn enn áhyggjufyllri en í upphafi kreppunnar.

Við vorum sammála um að eins og áður var talað um "Bubble economy" eða loftbólu hagkerfi eins og ég held það hafi verið kallað hérlendis, þá mætti núna tala um "Bubble recovery" eða loftbólubata, þ.e. þessi umtalaði efnahagsbati væri bara plat en ekki veruleiki.

9 bandarískir bankar féllu í gær

Athugasemdir

[Gullvagninn (IP-tala skráð) 31.10.2009 kl. 23:29]

• Bankar halda áfram að fara á hausinn eða ríkisvæðast, þeir verða á endanum aðeins 9
• Bailoutið gekk svo vel að elítan gat sett nýjan tímaskala, nú tala þeir um 2 ár
• Eftir 2 ár verða Bandaríkin óþekkjanleg

Úr Framtíðin uppfærð - ég átti raunar eftir að uppfæra þetta enn frekar, bæði meira frá Lindsay Williams og einnig frá Geral Celente (sjá Hrunið 2009 ).