Launatekjur sjálfstætt starfandi hverfa líka í hítina að mestu.

Það kemur ekki á óvart að vaxtatekjur fólks fari í eitthvað annað en vasa þeirra sem skráðir eru eigendur peninganna. Ríkið tekur til sín meira úr öllum áttum til að halda úti kerfi sem á að passa að enginn komist undan því að láta ríkið hirða mest allt af sér sem aflað er.

Sjálfstætt starfandi iðnaðarmenn þurfa að greiða um 78% af útseldri vinnu með vsk. í starfskostnað, tekjuskerðingar og skatta. Þetta á að vísu við um þær tekjur sem þeir afla eftir að skattleysismörkum í staðgreiðslu er náð. Þetta er reyndar skv. útreikningum frá 2009 þannig að líklega hefur þetta hlutfall versnað eitthvað síðan.

Til að sýna betur hvað þetta er mikil ánauð fyrir sjálfstætt starfandi íslenska iðnaðarmenn þá þurfa þeir að selja vinnu sína út á 14-15.000 krónur á tímann til að eiga eftir í eigin vasa það sama og norskir launþegar í sambærilegum störfum.

Það er því skiljanlegt að íslenskir iðnaðarmenn flykkjist til Noregs í vinnu. Þrátt fyrir að almennt verðlag sé þar hærra en á Íslandi þá kemur þrennt til góða á móti, lægri skattar, engin verðtrygging og miklu hærri laun.

Fá 438 þúsund í vexti, en 5% sitja eftir

Athugasemdir

[Valgarð (IP-tala skráð) 4.6.2012 kl. 17:36]

Ætli það væri ekki viturlegra fyrir þessi hjón að koma þessum eignum á þau börn eða ættingja sem þau gætu átt . En fyrir vikið yrðu þau ekki fyrir þessum skerðingum , einfalt og þægilegt .

Síðan er auðvitað spurning hvort þau gætu verið með þessar eignir inni í félagi sem greiddi þeim arð þegar hentaði að hætti útrásarvíkinga og fleiri hagsýnna aðila .