Ákaflega gamaldags leið til að losna við 160 milljónir.

Það er ágætt að borgaryfirvöld hafa áhuga á göngu og hjólaleiðum. En að sama skapi gamaldags að hanna hjólaleiðir þannig að þær líti vel út á korti og loftmyndum en komi almenningi að litlu gagni nema á stöku góðviðrisdögum.

Fyrir 160 milljónir í 700 metra styttingu væri miklu hagstæðara fyrir borgina að gefa þeim fáu sem nota þessa göngu og hjólastíga sem samgönguleið frítt í strætó.

Hitt er svo annað mál að með því að gera þessa stíga af viti mætti gera þá að alvöru samgönguleið. En til þess þarf að byggja yfir þá svo þeir geti keppt við einkabílinn um þægindi og önnur gæði sem samgöngur þurfa að hafa.
Það er synd að menn skuli enn vera að fara af stað með göngu og hjólastíga út frá því hvernig þeir líta út á loftmyndum í stað þess að líta fremur til þátta eins og notagildis og fjárhagslegrar hagkvæmni.

Djarfar göngubrýr yfir Elliðaárósa