Verið að kaupa upp órólegu deildina í VG?

Það hefði nú verið nær að stokka þannig upp í þessari ríkisstjórn að hún hætti öll. Það væri líka í takti við t.d. Avant sem sagði upp öllu sínu starfsfólki og Jóhannes í Bónus sem er ekki lengur í Bónus. Og þannig mætti lengi áfram telja.

En líklega er ráðabrugg ríkisstjórnarforystunnar frekar það að koma einhverjum úr órólegu deild VG á ráðherrastóla svo sú órólega deild verði ekki lengur óróleg. Þannig segir mér svo hugur að flokkadraslið sem nú ræður ríkjum ætli að styrkja stöðu sína svo þjóðfélagið geti haldið áfram veginn til glötunar út kjörtímabilið, án þess að nokkur hætta verði á að stakir skynsemistaktar örfárra stjórnarþingmanna verði til að stytta líf ríkisstjórnarinnar.

Gylfi og Ragna hætta í stjórn

Athugasemdir

[Guðmundur Pétursson, 31.8.2010 kl. 20:30]

Gamla gráhærða flugfreyjan að sýna það svart á hvítu afhverju hún tók aldrei meira en verslunarpróf.  Metnaðarleysið og úrræðaleysið algjört í öllum málum.

Hvað skoffín tekur við af Rögnu?  Það verður fróðlegt að sjá, en það er ljóst að sá aðili mun ekki ná því að vera hálfdrættingur á við Rögnu verði hann valinn úr hinum auma hópi þingmanna stjórnarflokkana.

[Jón Pétur Líndal, 31.8.2010 kl. 20:33]

Sæll Guðmundur og takk fyrir athugasemdina. Ég heyrði í fréttunum áðan að Ögmundur var nefndur í staðinn fyrir Rögnu. Ef það er niðurstaðan er allavega ljóst að ég gat mér rétt til um að róa eigi órólegu deildina í VG með ráðherrastól.

[Guðmundur Ásgeirsson, 31.8.2010 kl. 20:58]

Skárra ef það er Ögmundur, en einhver af hinum grislingunum.

[Óskar Guðmundsson (IP-tala skráð) 31.8.2010 kl. 21:16]

Atli mun það vera Gíslason sem tekur við af Rögnu.

Hann seldi sálu sína fyrir þetta sæti með því að gera það mesta mótlæti sem V-G þingmenn geta sýnt (í atkvæðagreiðslunni um ESB umræður) sem er jú að sitja hjá.

[Ullarinn (IP-tala skráð) 1.9.2010 kl. 14:28]

Hvað vill Ögmundur aftur upp á dekk?