Jóhannes er sá eini sem Arion metur hæfan.

Kallinn verður að fá að eiga þessi 10%. Arion metur það svo að hann sé einn hæfur til að stjórna Bónus og hinum fyrirtækjunum í Högum. Hann er líka örugglega eini maðurinn sem er hæfur til að búa í húsinu í Eyjafirði sem er veðsett fyrir þrjúhundruðogeitthvað milljónir.

Þessir hæfileikar Jóhannesar eru of mikilvægir til að horfa fram hjá þeim. Að gera það getur sett landið á hliðina. Það viljum við auðvitað ekki. Við verðum að gera það sem bankinn segir, það er langbest, enda erum við að endurreisa hann með blóði, svita og peningum fyrir þá Bónusfeðga og aðra slíka. Ekki satt??

80% vilja ekki Jóhannes í Bónus

Athugasemdir

[Anna Björg Hjartardóttir (IP-tala skráð) 23.2.2010 kl. 16:33]

Hver stjórnar gjörðum Arion banka gagnvart Högum, Bónus og 365?

Dettur æ oftar í hug búktalara tvígengið Baldur og Konni - situr Jón Ásgeir með Finn bankastjóra á hnénu? Hvor er að tala?

Hver stjórnar eiginlega þessum banka sem er í ríkiseign?? Allavega ekki Jóhanna, það sagði hún sjálf þegar hún talaði af sér í Kastljós viðtalinu fyrir skemmstu.