Leyfðu okkur að gráta með þér.

Ég skil það vel að Tryggvi hafi verið gráti nær við gerð skýrslunnar þegar hann var að fara yfir göng sem nefndin hefur verið að skoða og melta. En það er engin ástæða til að gráta einn yfir þessu. Nefndin á að leyfa okkur að gráta með henni. Það á að birta skýrsluna strax þó hún sé kannski ófullgerð. Þetta er löngu orðið nógu spennandi og óþarfi að byggja upp meiri spennu ef það er ætlunin. Og þetta hefur örugglega engin áhrif sem máli skipta á Icesave kosninguna. Það tekst ekki að snúa þjóðinni í því máli með því að fela þessi óþægindi.

Ég skora því á nefndarmenn að koma nú fram með skýrsluna og leggja hana á borðið og leyfa okkur að gráta með ykkur yfir ósómanum. Þið verðið hvort eð er að leggja þetta fram fyrr eða síðar.

Gráti nær yfir efni skýrslunnar